2 Crón 2:3 - Kaqchiquel Bible

³ Ri pa ruwach'ulew Tiro, k'o k'a jun rey rubini'an Hiram. Y ri Salomón k'o k'a ri xuteq rubixik chire, y kere' k'a xubij-el chire: Tabana' wik'in yin achi'el xaben rik'in ri David ri nata' toq xateq-pe k'iy tiox-che' chire richin xupaba-q'anej ri rachoch rija'.

2 Crón 2:3 ပူးပေါင်းရင်းမြစ်များ

2 Sam 5:11

Ri chiri' pa tinamit Tiro k'o k'a jun rey rubini'an Hiram. Y rija' xeruteq k'a uk'uey rutzijol rik'in ri David. Ri achi'a' ri' kik'uan k'a el tiox-che', y e kachibilan-el ajanela' y achi'a' ri yesamajin abej richin nikipaba-q'anej ri rachoch ri David.

1 Crón 14:1

K'o k'a jun rey rubini'an Hiram richin ri ruwach'ulew Tiro, ri rey ri' xuto' ri David richin xupaba-q'anej ri jay ri akuchi niq'aton-tzij. Xeruteq-el rik'in ri David, achi'a' ri k'o kiq'ij, aj-tz'aq y ajanela'. Chuqa' xkik'uala-el tiox-che' richin xkipaba' kan ri jay.

2 Crón 13:11

Rije' nikisuj k'a ri kamelabel ri niporox chijun chuwech ri Jehová ronojel nimaq'a' y tiqaq'ij. Chuqa' nikiporoj k'a ri jubulej pom; nikiya' k'a ri kaxlan-wey chuwech ri mesa ri kan ch'ajch'oj. Y ronojel tiqaq'ij nikitzij ri lámpara ri k'o pa ruwi' ri candelabro ri banon rik'in q'anapueq. Roj kan qataqen k'a ri rupixa' ri Jehová ri qa-Dios, jak'a rix xa kan imalin kan.

2 Crón 24:14

Y toq xk'achoj rubanik, xkik'uaj-el chire ri rey y chire ri Joiadá, ri méro ri man xk'is ta. Rije' xekichilabej samajibel ri yek'atzin pa rachoch ri Jehová: samajibel richin ri kamelabel ri yeporox, ri pajbel y ri ch'aqa' chik samajibel. Ronojel re' e banon rik'in q'anapueq y saqipueq. Rokik k'a k'es na ri Joiadá kan beneq ruwech xesuj ri kamelabel ri niporox chijun chiri' pa rachoch ri Jehová.

2 Crón 4:19

Chuqa' ri Salomón xuteq rubanik ch'aqa' chik samajibel ri yek'atzin chupan ri rachoch ri Jehová, y ronojel re' xeban rik'in q'anapueq: Ri nimalej porobel-pom y ri kokoj porobel-pom, ri mesa ri niya'ox ri kaxlan-wey pa ruwi' ri nisuj chire ri Dios, ri candelabro ri nibe aceite chupan junan rik'in ri taq ki-lámpara ri xeruya' chuwech ri akuchi nik'oje-wi ri Jehová, richin nitzij achi'el ri pixa' richin chojmirisabel ri ruya'on kan ri Dios, ri taq ruwachibel kotz'i'j, ri ch'aqa' chik lámpara, ri chapbel-q'aq', ri chupbel kiq'aq'al ri lámpara, ri nima'q taq leq, ri cuchara, ri ruchi' ri akuchi niban-wi oken chupan ri rachoch ri Jehová, ri ruchi' ri akuchi nik'oje-wi ri Jehová y ri jun chik ruchi' ri k'o chupan ri rachoch ri Dios.

2 Crón 8:13

chupan ri jalajoj ruwech taq nimaq'ij, achi'el ri rubin kan ri Moisés; ri q'ij richin uxlanen, ri q'ij toq nalex ri k'ak'a' ik' y ri oxi' nimaq'ij ri yeban pa jun juna': Ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin Pentecostés*f4* y ri nimaq'ij richin ri taq jay banon rik'in tzieq.

Wuj Richin ri Esdras 6:3

Chupan k'a ri nabey juna' toq niq'aton-tzij ri rey Ciro, xuya' k'a re ruchojmilal re' pa ruwi' ri rachoch ri Dios, ri k'o pa Jerusalem, richin tipabex chik q'anej jun bey ri jay ri', ri akuchi nisuj-wi kamelabel. Y kan jebel keban kan chire ri ruxe'. Y ri tz'aq richin ri jay k'o chi nuk'uaj waqlajuj jaj ri rujotolen y waqlajuj jaj ri ruwech.

Wuj Richin ri Nehemías 10:34

Kan xqelesaj k'a rik'in sakinik ri kibi' ri qawinaq, ri e sacerdote y ri ch'aqa' chik levita, ri achike yek'amo-pe ri si' ri nik'atzin richin ri porobel pa rachoch ri Jehová, achi'el ri tz'ibatel kan chupan ri pixa'.

Ex 25:30

Kan jantape' k'a xtiya'ox ri kaxlan-wey pa ruwi' ri mesa, chinuwech yin, richin jun sipanik.

Ex 29:38

Jare' ri sipanik ri xtisuj ronojel q'ij: Xtik'en pe ri ka'i' alaji' taq karne'l ri jujun kijuna', kan kere' xtiben richin jantape'.

Ex 29:39

Ri jun karne'l xtiporoj ri nimaq'a' y ri jun chik xtiporoj toq xqaqa yan qa ri q'ij.

Ex 29:41

Y toq xtiqaq'ij-qa, xtisuj k'a ri jun chik karne'l y niben chire achi'el ri xisuj ri nimaq'a' y niya' ri k'ej y ri vino chirij. Y re' kan jare' ri sipanik poron y jubul ruxla' chinuwech yin Jehová.

Ex 30:7

Ronojel nimaq'a' toq nichojmirisex ri rutza'n ri candil, jari' toq ri Aarón xtuporoj ri jubulej pom pa ruwi' ri porobel ri'.

Wuj Richin ri Chojmirisabelri'il 23:2

kere' tubij chike ri ruwinaq: Ja ruchojmilal re' pa ruwi' ri nimaq'ij ri niben chuwe yin, toq rix nimol-iwi' richin niya' nuq'ij yin, y ri q'ij ri' kan nuch'aron yin.

Wuj Richin ri Chojmirisabelri'il 9:17

Y rija' xuk'uaj chuqa' apo ri sipanik richin k'ej ri banon rik'in jalajoj ruwech ixin: Xuchop jun moq' chire ri sipanik y xuchikikej pa ruwi' ri porobel richin xuk'et. Re sipanik re' xuya' pa ruwi' ri chikop ri kamelabel ri niporox ri nimaq'a' richin chi chiri' xk'at-wi.

Wuj Richin ri Q'axanri'il 28:11

Ri nabey q'ij chire ri ik' xtikisuj chinuwech yin, ka'i' nima-alaj achij wákix, jun achij karne'l y wuqu' achij karne'l ri jujun kijuna' y konojel re' kan e tz'aqet.

Wuj Richin ri Q'axanri'il 28:9

Chupan ri q'ij richin uxlanenri'il kan ruk'amon nikik'uaj-apo ka'i' nima-alaj achij karne'l ri k'o jun kijuna' y ri kan e tz'aqet. Y ka'i' libra k'ej chayun xolon aceite rik'in, kere' rubanik ri sipanik, kan rachibilan chuqa' ri vino.