2 Crón 19:8 - Kaqchiquel Bible

⁸ Chuqa' ri Josafat xeruya' to'onela' ri chiri' pa Jerusalem. Xerucha' k'a ri levita, ri sacerdote, y aj-raqen pa kiwi' ri tzobaj winaqi' richin ja rije' ri yechojmirisan ri yebanatej pa ruwi' ri rusamaj ri Dios, y pa ruwi' ri ch'ojikil chikiwech ri winaqi' aj-Jerusalem.

2 Crón 19:8 ပူးပေါင်းရင်းမြစ်များ

1 Crón 26:29

Ri Quenanías rijatzul kan ri Ishar, y ri e ruk'ajol rija' ja rije' ri e aj-raqen pa kiwi' ri ruwach'ulew y to'onela' chikikojol ri winaqi' richin ri Israel.

1 Crón 23:4

Chike konojel re' e 24,000 richin yepa'e' pa ruwi' ri samaj chupan ri rachoch ri Dios, e 6,000 richin ye'ok aj-raqen y to'onela' pa ruwi' ri ruwach'ulew,

Deut 25:1

Toq k'o jun oyowal chikikojol e ka'i' achi'a', k'o chi ye'uk'uex chuwech ri q'atbel-tzij, richin niq'at-tzij pa kiwi'. Y ri to'onela' nikiq'alajirisaj ri achike ri aj-mak y nikiya' ri rutojbalil pa ruwi'.

Deut 21:5

Ri sacerdote ek'o chiri' richin nikitz'et ronojel, roma ja rije' ri e rucha'on kan ri Jehová ri qa-Dios, richin nikisamajij y richin nikiya' urtisanik pa rubi' rija' y ja ri kich'abel rije' ri nibanatej, pa ruwi' ronojel oyowal o ch'ojinik.

2 Crón 19:9

Y kere' xubij-el chike konojel ri to'onela': Rix kan jantape' k'a tik'oje' rukiy ri Jehová chiwech, y tibana' k'a ronojel rik'in ruch'ajch'ojil iwánima y man tijel rubanik ri iq'atoj-tzij.

2 Crón 19:11

Jak'a ri Amarías ri nimalej sacerdote, ja rija' ri xtiq'aton-tzij pa ruwi' ronojel ri rusamaj ri Jehová, y ja ri Zebadías ruk'ajol ri Ismael, ri tata'al pa kiwi' ri aj pa rachoch ri Judá, ja rija' ri xtik'oje' pa ruwi' ronojel ri nibanatej chupan ri ajawaren. Chuqa' ri e levita kan ja rije' ri xketo'on iwichin chupan re samaj re'. Kan titija' k'a iq'ij richin niben ri samaj, y ja ri Jehová xtik'oje' iwik'in wi utz xkixsamej, xcha' ri rey.

Wuj Richin Bix Chire ri Dios 122:5

Roma chiri' ek'o-wi ri tz'uyubel richin q'atoj-tzij richin ri ruchojmilal, ri tz'uyubel kichin ri e aj pa rachoch kan ri David.

Ez 44:24

Toq k'o jun ch'ojikil chi'ikojol, rije' xke'ok to'onela' y xtikiq'et-tzij achi'el nubij chupan ri nupixa'. Chuqa' rije' kan k'o chi xtikitzeqelibej ri ruchojmilal, k'o chi nikinimaq'ijuj ronojel nimaq'ij y xtikiya' rejqalen ronojel q'ij richin uxlanen.