2 Crón 19:6 - Kaqchiquel Bible

⁶ Y xubij chike ri to'onela': Titz'eta' jebel ri niben, roma man niq'et ta tzij pa ruk'exel ri wineq; xa kan yixq'aton k'a tzij pa ruk'exel ri Jehová, y ja rija' k'a ri xtik'oje' chi'ikojol toq rix xtiq'et-tzij.

2 Crón 19:6 ပူးပေါင်းရင်းမြစ်များ

Deut 1:17

Man tiben rukojolil kik'in ri winaqi' chupan jun q'atoj-tzij, xa junan tibana' kik'in, chi k'o kiq'ij chi maneq kiq'ij. Man jun achoq chuwech tixibij-iwi', roma re q'atoj-tzij re' kan richin ri Dios. Wi k'o jun k'ayew nuben chiwech, tik'ama-pe wik'in yin, richin chi ja yin ri yichojmirisan, xicha' chike.

Wuj Richin ri Chojmirisabelri'il 19:15

Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq.

San Lucas 12:15

Jari' toq ri Jesús xch'on chike ri winaqi' ri kimolon-apo-ki' y xubij: Kan titzu' k'a qa iwi' jebel, richin chi man tipe rayinik iwik'in. Roma stape' janila k'iy rubeyomel jun wineq, man ja ta ri' ri xtiya'on ruk'aslen, xcha'.

Wuj Richin ri Molojri'il 5:8

Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'.

1 Crón 28:10

Tawetamaj k'a chi ri Jehová ri xacha'on richin napaba-q'anej ri jay richin rija'. Roma ri' tatija' aq'ij y tabana' ri samaj, xcha' ri David chire.

Wuj Richin ri Josúe 22:5

Xaxe k'a ninchilabej chiwe chi kan tibana' ri nubij ri pixa' ri xuya' kan ri Moisés ri rusamajel ri Jehová. Tiwajo' k'a ri Jehová ri qa-Dios, y kan kixbiyin chupan ri ruchojmilal. Tiyaka' ronojel ri nubij chupan ri pixa': Kan titzeqelibej rija'. Kan tiya' k'a ruq'ij rik'in ronojel iwánima y tisamajij rik'in ronojel ik'u'x, xcha-el chike.

Hechos 22:26

Ri aj-raqen toq xrak'axaj keri', xberubij k'a chire ri achin ri uk'uey kichin ri aj-labal: ¿Achike nach'ob chi naben wakami? Roma ri Pablo jun achin richin ri ajawaren richin ri Roma, xcha' chire.

Hechos 5:35

K'ari' xch'on k'a chike ri rachibil: Nuwinaq, tich'obo' k'a jebel achike ri xtiqaben chike re achi'a' re'.

San Lucas 21:8

Y ri Jesús xubij chike: Kan jebel k'a tichajij-iwi' richin man jun xkixq'olo. Roma xa kan e k'iy-wi k'a ri xkebek'ulun-pe pa nubi' y xtikibila' chi ja rije' ri Cristo. Janila e k'iy ri xkeq'olotej pa kiq'a'. Jak'a rix man ke'inimaj, ni man ke'itzeqelibej.