2 Crón 19:3 - Kaqchiquel Bible

³ Jak'a ri Dios k'o ch'aqa' utz ri rutz'eton chawij, roma xe'awelesaj-el chupan re ruwach'ulew ri kiwachibel Asera, y kan atijon-pe aq'ij richin nakanoj ri Dios rik'in ronojel awánima, xcha' ri Jehú.

2 Crón 19:3 ပူးပေါင်းရင်းမြစ်များ

1 Rey 14:13

Y konojel k'a ri winaqi' richin Israel xtikibisoj y xtikimuq rik'in oq'ej roma xa kan xaxe rija' ri xtimuq chire ri rijatzul ri Jeroboam. Y re' roma chikikojol ri e aj pa rachoch ri Jeroboam, kan xaxe k'a ri Abías ri utz juba' rubanon chuwech ri Jehová Dios richin Israel.

2 Crón 11:16

Toq ri e sacerdote y ri e levita xe'el-pe pa ruwach'ulew Israel, chuqa' konojel ri winaqi' israelita ri kan rik'in ronojel kánima nikikanoj ri Jehová, xepe pa Jerusalem junan kik'in rije', richin nikisuj kamelabel chuwech ri Jehová, ri ki-Dios y ri Dios kichin ri kite-kitata'.

2 Crón 12:12

Roma k'a xuqasaj-ri' ri Roboam chuwech ri Jehová, roma ri' xik'o-el royowal chirij y man xuya' ta q'ij chi xk'is ta jumul ri k'o rik'in. Man rik'in ri' kan k'a k'o na k'iy utz ri xk'oje' kan pa ruwach'ulew Judá.

2 Crón 12:14

Ri Roboam kan xuben k'a ri itzel y kan man xubij ta ránima richin xukanoj ri Jehová.

2 Crón 15:12

K'ari' rije' xkiben jun jikibel-tzij rik'in ronojel kánima y ronojel kik'u'x richin chi jantape' xtikikanoj ri Jehová, ri Dios kichin kan ri kati't-kimama'.

2 Crón 15:15

Konojel k'a ri winaqi' ri' kan janila xekikot roma ri ya'on-tzij ri xkiben, roma kan rik'in ronojel kánima xkiya' kitzij, y rik'in ronojel kik'u'x xkikanoj ri Jehová. Y ri Jehová kan xerak'axaj k'a, y xuya' uxlanibel-k'u'x kik'in chire ri oyowal.

2 Crón 20:3

Toq ri Josafat xrak'axaj keri', xuk'en janila rukiy y kan jari' xuk'ulubej ri Jehová; y chuqa' xutaluj rutzijol chupan ri rajawaren chi konojel winaqi' kemewayin.

2 Crón 20:33

Jak'a ri akuchi niya'ox-wi kiq'ij ri wachibel ri ek'o pa ruwi' taq juyu' k'a xeruya' na kan jujun, roma man konojel ta ri winaqi' kijachon ri kánima chire ri Jehová ri ki-Dios ri kati't-kimama'.

2 Crón 22:9

Jak'a ri Ocozías xa xberewaj-ri' k'a pa tinamit Samaria. Y ri Jehú xuteq rukanoxik y toq xilitej-pe, k'ari' xk'amer-pe chuwech ri Jehú y chiri' xkikamisaj-wi. Y ri Ocozías kan xkimuq k'a, roma ketaman chi ruk'ajol ri Josafat, ri kan xutej ruq'ij rik'in ronojel ránima richin xukanoj ri Jehová. Kan man jun chik k'a ri xk'oje' ta kan chike ri aj pa rachoch ri Ocozías ri kan xtikir ta xok-q'anej rey.

2 Crón 27:6

Ri Jotam kan janila k'a xnimer ruq'ij roma kan choj xuben chuwech ri Jehová ri ru-Dios.

2 Crón 30:19

Jehová Dios kichin ri qati't-qamama'; takuyu' kimak, stape' man kich'ajch'ojirisan ta ki' achi'el ri tz'ibatel kan chupan ri pixa', xcha'.

Wuj Richin ri Esdras 7:10

roma ri Esdras kan xucha' ruk'u'x richin xunik'oj ri pixa' ri xuya' ri Jehová chike, chuqa' xuben ri nubij y xucha' chuqa' ruk'u'x richin yerutijoj ri ruwinaq.

Wuj Richin Bix Chire ri Dios 57:7

Jare' k'a k'o ri wánima chawech, rat nu-Dios, kan nujachon k'a wi' pan aq'a'. Kan xtinbixaj k'a ri abi' y kan xtinya' aq'ij.

Romanos 7:18

Yin xa in jun wineq ri man jun utz k'o pa nuk'aslen. Ninwajo' ninben ri utz, jak'a xa man yitikir ta.

1 Sam 7:3

Y ri Samuel xch'on k'a kik'in konojel rije' y xubij: Wi kan qitzij rik'in ronojel ik'u'x yixtzolej-pe rik'in ri Jehová, kan ke'iwelesaj k'a el konojel dios y chuqa' ri ixoq dios Astarté ri niya' ruq'ij rix. Kan tijacha' k'a ri iwánima chire ri Jehová. Kan xaxe k'a rija' xtiwilij y rija' kan xkixrukol pa kiq'a' ri aj-Filistea, xcha'.