2 Crón 19:2 - Kaqchiquel Bible

² Y xbek'ul roma jun achin ri nitz'eton ri peteneq chiqawech y rija' rubini'an Jehú, ruk'ajol ri Hananí y xubij chire ri Josafat: ¿Achike roma ye'ato' ri maneq Dios chikiwech, y at kachibil ri e etzelanel richin ri Jehová? Roma re banobel re', ri Jehová xpe royowal chawe.

2 Crón 19:2 ပူးပေါင်းရင်းမြစ်များ

Santiago 4:4

Rix ri ichapon chi niya' kan ri Dios, ¿man iwetaman ta k'a chi wi nibe iwánima chirij re ruwach'ulew, niq'alajin chi niwetzelaj ri Dios? Roma ri', rix ri iwojqan re ruwach'ulew, kan niq'alajin k'a chi ix etzelanel richin ri Dios.

Efesios 5:11

Man k'a kixok kachibil ri yebanon banobel richin q'equ'm roma man jun rejqalen. Pa ruk'exel ri', xa tibij chi ri kibanobal man utz ta,

2 Crón 18:3

Y roma ri' ri Acab rey richin Israel xuk'utuj chire ri Josafat rey richin Judá y xubij: ¿Nawajo' kami chi junan ta nibeqabana' oyowal pa ruwi' ri Ramot ri k'o pa Galaad?, xcha'. Y ri Josafat xubij: Ri wichin yin awichin rat; y ri nuwinaq yin e awinaq rat. Roj kan xqojbe k'a awik'in pa labal,

2 Crón 32:25

Jak'a man rik'in ri', rija' xa man xumatioxij ta ri xuben ri Dios rik'in. Xa xpe pa ránima richin janila xunimirisaj-ri', y roma ri' ri Jehová xuya-pe ri royowal pa ruwi' rija' y pa kiwi' konojel ri aj-Judá.

2 Crón 24:18

Roma ri' ri winaqi' xkimalij kan ri rachoch ri Jehová ri ki-Dios kan ri kati't-kimama', y xkisamajij k'a ri ruwachibel Asera y ri ch'aqa' chik wachibel. Roma re mak re' ri Dios xpe royowal pa ruwi' ri Judá y ri Jerusalem.

2 Crón 20:34

Ri ch'aqa' chik rubanobal ri Josafat, ri pa rutikeribel k'a pa ruk'isibel chire ri ruk'aslen, xtz'ibatej kan chupan ri wuj richin ri ruch'abel ri Jehú ri ruk'ajol ri Hananí, y re' xtz'ibatej chik kan chupan ri wuj kichin ri rey e richin Israel.

2 Crón 16:7

Chirij ri' xapon jun achin ri nitz'eton ri peteneq chiqawech, rik'in ri Asá y ri achin ri' rubini'an Hananí. Y xubij chire ri Asá: Roma xa rik'in ri rey richin Siria xakuquba' ak'u'x y man xakuquba' ta ak'u'x rik'in ri Jehová ri qa-Dios, roma ri' ri aj-labal richin ri rey aj-Siria xa man xkebek'oje' ta pan aq'a'.

1 Rey 16:1

Y xeri' ri Jehová xch'on rik'in jun achin rubini'an Jehú, ri ruk'ajol ri Hananí, richin tuq'alajirisaj chuwech ri xtiberuk'uluwachij ri Baasá y xubij chi kere' tubij chire:

Romanos 8:7

Ri e uk'uan roma ri itzel taq rayibel kan e etzelanel richin ri Dios. Kan man nikinimaj ta ri nubij ri rupixa', y kan man yetikir ta nikinimaj.

Romanos 1:32

Rije' stape' ketaman chi ri Dios rubin chi ri yebanon etzelal ke taq ri', k'o chi niqa' ri kamik pa kiwi'. Man rik'in ri' k'a nikiben na ronojel etzelal, y chuqa' yekikot toq k'o ch'aqa' chik ri keri' nikiben.

1 Sam 9:9

Ri ojer kan ri pan Israel xabachike k'a nibe richin niberuk'ulubej ri Dios y kere' k'a nubij: Kixanpe y jo' rik'in ri nitz'eton ri peteneq chiqawech-apo, yecha'. Jak'a re wakami nibix Q'alajirisey ruch'abel ri Dios chire.

Romanos 1:30

xaxe tzij nikiben, niketzelaj ri Dios, kinimirisan-ki' roma k'o kiq'ij, beneq-ruwech nikich'ob achike rubanikil ri etzelal ri nikajo' nikiben, y man nikinimaj ta kitzij ri kite-kitata'.

Romanos 1:18

Ri Dios yakatajineq royowal chikij ri winaqi' ri itzel taq kibanobal. Roma rik'in ri itzel kibanobal kiq'aton ri qitzij tijonik.

San Juan 15:23

Ri kan ye'etzelan wichin yin, chuqa' niketzelaj ri nata'.

San Juan 15:18

Wi yixetzelex koma ri winaqi' ri k'a kikuquban na kik'u'x rik'in re ruwach'ulew, toqaqa k'a chi'ik'u'x chi man xaxe ta chiwe rix keri' nikiben, xa kan nabey keri' xkiben chuwe yin.

Wuj Richin Bix Chire ri Dios 68:1

Ri Dios kan xtiyakatej y ri e etzelanel richin xa xtikitaluj-el-ki'; ri man ye'ajowan ta richin, xa xke'animej chuwech.

Wuj Richin Bix Chire ri Dios 21:8

Ri awuchuq'a' rat kan nitikir k'a chikij konojel ri e etzelanel awichin. Rat kan ye'atzeq k'a ri ye'etzelan awichin.

Wuj Richin Bix Chire ri Dios 15:4

ri nretzelaj ri kan ruk'amon richin netzelex, ri nuya' rejqalen ri niya'on ruq'ij ri Jehová; ri kan nuya' ri nusuj, stape' nik'oje' pa k'ayew rija';

2 Crón 18:28

Y keri' ri Acab rey richin Israel junan rik'in ri Josafat rey richin Judá xebe pan oyowal chiri' pa Ramot ri k'o pa Galaad.

2 Crón 18:7

Y ri Acab xubij chire ri Josafat: K'a k'o na kan jun achin rubini'an Micaías ruk'ajol ri Imlá ri achoq ik'in niqak'ulubej-wi achike nubij ri Jehová, jak'a yin kan itzel nina' chire roma man jun bey nuk'en ta pe utzilej taq rutzijol chuwe, xcha'. Y ri Josafat xubij chire ri Acab chi man tich'on itzel chirij ri achin ri'.

1 Rey 21:25

Kan qitzij na wi chi man jun chik xbanon achi'el ri xuben ri Acab, ri kan xujech-ri' chubanik ri etzelal chuwech ri Jehová, y ja ri Jezabel ri rixjayil ri xbanon chire richin xmakun chuwech ri Jehová.

1 Rey 16:12

Y keri' xuben rija' toq xeruk'is konojel aj pa rachoch kan ri Baasá. Kan xbanatej-wi achi'el rubin kan ri Jehová chire ri Jehú ri q'alajirisey ri ruch'abel, chi kan yek'is na ri aj pa rachoch ri Baasá,

1 Rey 16:7

Ri Jehová kan rubin chik k'a chire ri Jehú ri q'alajirisey ruch'abel, ri xtuk'uluwachij ri Baasá y chuqa' chikij konojel ri ek'o pa rachoch, roma ronojel ri mak ri xuben chuwech ri Jehová, y xuben chire richin xuyek royowal. Roma ri' xkebek'is ri Baasá y ri ek'o pa rachoch, achi'el xuben chire ri Jeroboam.

Deut 33:11

Ri nimalej Jehová, kan xtrurtisaj ta k'a ronojel ri xtiben, y xtuk'ul ta k'a rik'in kikoten ri isamaj. Chuqa' kan tuqasaj k'a kiq'ij ri e etzelanel iwichin, richin keri' man xkeyakatej ta chik pe chiwij.

Deut 32:41

Toq yin xtinben rey ri nu-espada ri janila nirepelun, y toq xtinchop ri nuq'atoj-tzij; jari' toq xtinya' ruk'exel chike ri e etzelanel iwichin, y kan xtinya' k'a rutojbalil chike ri ye'etzelan wichin.

Deut 7:10

Y nuya' rutojbalil chike ri winaqi' ri ye'etzelan richin y chi'anin k'a xkeruk'is.

Deut 5:9

Man k'a kixxuke' chikiwech rije', ni man tiya' kiq'ij, roma ja yin Jehová ri i-Dios ri kan man niqa' ta chinuwech richin niya' ruq'ij jun chik. Y wi k'o ta jun ri nibanon keri' xtinwetzelaj y xtiqaqa ri woyowal pa ruwi', y pa kiwi' ri rijatzul k'a pa rukaj sol.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin Bix Chire ri Dios 71:15

Yin kan chijun q'ij k'a xtintzijoj ri ruchojmilal ri naben rat. Xtintzijoj k'a ri rubanik richin xojakol, stape' man yitikir ta ninbij ronojel, roma man e ajlatel ta.

2 Crón 18:1

Toq ri Josafat k'o chik pa ruk'iyal ri rubeyomel y kan k'o chik ruq'ij, jari' toq xok rachjinan ri Acab, rey richin Israel.

1 Rey 22:44

Y ri Josafat xuben jun jikibel-tzij richin uxlanibel-k'u'x rik'in ri rey richin Israel.

2 Crón 19:1

Ri Josafat rey richin Judá xtzolin-el rik'in uxlanibel-k'u'x chirachoch chiri' pa Jerusalem.

2 Crón 19:10

Chupan xabachike ch'ojinik ri nikik'en-pe chiwech ri iwinaq ri ek'o pa taq jalajoj tinamit, kan tiq'ata' k'a tzij pa ruchojmilal richin chi rije' nich'uch'u-el kánima, y keri' man yemakun ta chuwech ri Dios, ni chiwech rix, ni chikiwech rije' chi kachibil-ki'. Wi keri' xtiben, rix kan maneq k'a imak chire ri achike xtikiben rije', stape' pa ruwi' jun kamik o wi nikik'utuj chiwe chi tiq'alajirisaj chikiwech ri jalajoj ruwech pixa'.

2 Crón 26:18

Y xkipaba' k'a ki' chuwech ri rey Ozías, y xkibij chire: Rey Ozías, man naporoj pom chuwech ri Jehová, roma re samaj re' man ruk'amon ta chi rat yabano, ja roj ri oj sacerdote ri oj rijatzul kan ri Aarón ri oj cha'on kan richin niqaben. Katel-pe chiri' qajaw, chupan ri jay richin ri Dios, roma kan yamakun-wi chuwech ri Jehová, rija' kan man xtunimirisaj ta ri abi' roma ri naben, xecha' chire.

Am 7:14

Jari' toq xinbij chire ri Amasías: Yin man in jun ta q'alajirisey ruch'abel ri Dios, ri ninben ta richin ninch'ek nu-méro. Rubanon kan xa in yuq'unel, y yenwux wíkix ri ek'o pa k'echelaj.