2 Crón 19:10 - Kaqchiquel Bible

¹⁰ Chupan xabachike ch'ojinik ri nikik'en-pe chiwech ri iwinaq ri ek'o pa taq jalajoj tinamit, kan tiq'ata' k'a tzij pa ruchojmilal richin chi rije' nich'uch'u-el kánima, y keri' man yemakun ta chuwech ri Dios, ni chiwech rix, ni chikiwech rije' chi kachibil-ki'. Wi keri' xtiben, rix kan maneq k'a imak chire ri achike xtikiben rije', stape' pa ruwi' jun kamik o wi nikik'utuj chiwe chi tiq'alajirisaj chikiwech ri jalajoj ruwech pixa'.

2 Crón 19:10 ပူးပေါင်းရင်းမြစ်များ

1 Tesalonicenses 5:14

Chuqa', qach'alal, ke'ipixabaj ri qach'alal ri k'o kiq'oral. Y ri qach'alal ri xa ka'i' kik'u'x rubanon, tikuqubala' kik'u'x. Y ri man jani k'o ta kuchuq'a' jebel chupan ri kik'aslen rik'in ri Jesucristo, kan ke'itola'. Y chuqa' ke'ikoch'ola' konojel.

Hechos 20:31

Roma ri', kan tichajij-iwi'. Toqaqa chi'ik'u'x chi yin oxi' juna' ri xik'oje' iwik'in, y jantape' xixinwoq'ej y xixinpixabaj chi'ijujunal.

Ez 33:6

Jak'a wi ri chajinel nutz'et chi peteneq ri oyowal y man xuxupuj ta ri trompeta richin chi xuya' rutzijol chike ri winaqi' y xtikamisex jun rik'in espada, re wineq re' xken, jak'a ri chajinel ri' kan xtrejqalej ri rukamik ri xken, xkacha' chike.

2 Crón 19:2

Y xbek'ul roma jun achin ri nitz'eton ri peteneq chiqawech y rija' rubini'an Jehú, ruk'ajol ri Hananí y xubij chire ri Josafat: ¿Achike roma ye'ato' ri maneq Dios chikiwech, y at kachibil ri e etzelanel richin ri Jehová? Roma re banobel re', ri Jehová xpe royowal chawe.

Wuj Richin ri Q'axanri'il 16:46

K'ari' ri Moisés xubij chire ri Aarón: Tabek'ama-pe ri aporobal y taya-pe racheq-q'aq' chupan ri k'o pa ruwi' ri porobel, y chuqa' taya-pe pom pa ruwi'. K'ari' anineq katok chikikojol ri qawinaq richin chi ri Dios nuk'en chik kiwech, roma rija' yakatajineq royowal y ri kamik okineq chikikojol ri winaqi' y janila e k'iy yan keken, xcha-el chire ri Aarón.

2 Crón 19:9

Y kere' xubij-el chike konojel ri to'onela': Rix kan jantape' k'a tik'oje' rukiy ri Jehová chiwech, y tibana' k'a ronojel rik'in ruch'ajch'ojil iwánima y man tijel rubanik ri iq'atoj-tzij.

Ez 3:17

Rat Ezequiel, yin xinben chawe richin xatok achi'el jun chajinel pa kiwi' ri awinaq israelita. Tawak'axaj k'a ri xtinbij yin y rat k'o chi xtabebij chike ri awinaq.

Ex 18:16

Rije' yepe wik'in, toq k'o oyowal chikikojol y yin ninq'et-tzij pa kiwi'. Y jari' toq ninq'alajirisaj-el ri pixa' chikiwech y ronojel ri nrajo' ri Jehová, chi nikiben, xcha' ri Moisés.

Wuj Richin ri Q'axanri'il 17:11

Y ri Moisés kan xuben k'a achi'el ri xchilabex chire roma ri Jehová.

Deut 21:5

Ri sacerdote ek'o chiri' richin nikitz'et ronojel, roma ja rije' ri e rucha'on kan ri Jehová ri qa-Dios, richin nikisamajij y richin nikiya' urtisanik pa rubi' rija' y ja ri kich'abel rije' ri nibanatej, pa ruwi' ronojel oyowal o ch'ojinik.