2 Crón 18:7 - Kaqchiquel Bible

⁷ Y ri Acab xubij chire ri Josafat: K'a k'o na kan jun achin rubini'an Micaías ruk'ajol ri Imlá ri achoq ik'in niqak'ulubej-wi achike nubij ri Jehová, jak'a yin kan itzel nina' chire roma man jun bey nuk'en ta pe utzilej taq rutzijol chuwe, xcha'. Y ri Josafat xubij chire ri Acab chi man tich'on itzel chirij ri achin ri'.

2 Crón 18:7 ပူးပေါင်းရင်းမြစ်များ

Wuj Richin ri Miqueas 2:7

¿Nach'ob rat chi ri tinamit Israel qajineq etzelanik pa ruwi'? ¿Nach'ob chi ri Dios xik'o yan ruk'u'x qik'in? ¿Kan qitzij kami chi nuben ronojel re'? ¿Nach'ob chi ri Dios man utz ta yerutz'et ri yemakun?

Am 5:10

Toq'ex iwech rix ri nitz'uk-tzij chikiwech ri yechojmirisan richin ri yebanatej. Rix ye'iwixowaj ri winaqi' ri yebin ri qitzij.

San Lucas 6:22

Jebel ruwa-iq'ij rix ri yixetzelex koma ri winaqi', yixkelesaj-pe chikikojol, yixyoq', y nibix chiwe chi ix itzel roma ja ri nubi' yin ri iniman, yin ri xiqaqa-pe achi'el wineq chi'ikojol.

Wuj Richin ri Isaías 30:10

Y kan nikibij chike ri yetz'eton ri peteneq-apo chiwech chi man chik tikitz'et ri achi'el achik'. Chuqa' nikibij chike ri e q'alajirisey nuch'abel chi man chik tiq'alajirisaj chikiwech ri qitzij. Rije' xaxe nikajo' nikak'axaj ch'abel ri kan janila e jebel ok, y ch'abel richin q'oloj.

1 Rey 21:20

Y ri Acab xubij chire ri Elías: ¿Y kan xino'awila' chik re wawe' rat etzelanel wichin?, xcha'. Y ri Elías xubij chire: Ja' xatonwila' chik, roma rat kan ajachon awi' chubanik ri etzelal chuwech ri Jehová.

1 Rey 18:17

Chirij ri' ri Acab xberutz'eta' ri Elías y xubij chire: ¿Ja rat ri' ri yasachon kik'u'x ri qawinaq israelita?, xcha'.

Gálatas 4:16

¿Nich'ob rix chi yin xinok etzelanel iwichin roma toq xinbij ri qitzij chiwe?

San Juan 15:24

Stape' rije' xkitz'et re nusamaj, jak'a xa yinketzelaj yin y chuqa' ri nata'. Nubanalon k'iy meyel taq banobel. Y wi man ta kitz'eton re banobel re', man ta niq'alajin chi e aj-maki'.

San Juan 7:7

Rix xa kan man k'a yixetzelex ta koma ri winaqi' ri k'a kikuquban na kik'u'x rik'in re ruwach'ulew. Jak'a yin kan yinketzelaj-wi, roma yin kan ninq'alajirisaj ri itzel taq kibanobal ri yekibanala'.

Marcos 6:27

Ri Herodes kan jari' k'a xuteq-el jun rusamajel richin tik'amer-pe ri rujolon ri Juan.

Wuj Richin ri Jeremías 38:4

Y ri aj-raqen xkibij chire ri rey: ¡Tikamisex re achin re'!, roma rik'in re ch'abel re nubij, nuben chike ri juba' aj-labal ri k'a ek'o kan, chi nikimalij kik'u'x y keri' chuqa' nuben chike ri winaqi' ri ek'o kan chiri' pa tinamit, roma re achin re' man ja ta ri utz nukanoj pa ruwi' re tinamit re', xa ja ri itzel ri nukanoj!, xecha'.

Wuj Richin ri Jeremías 18:18

Chirij ri' ri winaqi' xkibij: Qach'obo' k'a rij achike niqaben chire ri Jeremías, roma jantape' ek'o ri e sacerdote ri yech'on chirij ri pixa', ri achi'a' aj-na'oj ri nikiya' pixabanik chiqe y ri ch'aqa' chik e q'alajirisey ruch'abel ri Dios ri nikiya' rutzijol chiqe. Qojch'on k'a itzel chirij y man qojniman chire, xecha-qa.

Wuj Richin Etamabel-Tzij 29:10

Ri winaqi' e kamisanela' kan itzel nikina' chike ri kan tz'aqet ri kik'aslen, kan nikikanoj rubanik nikiben richin yekikamisaj ri choj kibanobal.

Wuj Richin Etamabel-Tzij 25:12

Achi'el rejqalen ri ruwi' ixkinaj ri banon rik'in q'anapueq y ronojel ruwech wiqobel ri kan e q'anapueq chuqa', kan keri' rejqalen ri ruch'abel ri aj-na'oj, chuwech ri jun ri kan nuben ri nrak'axaj.

Wuj Richin Etamabel-Tzij 9:8

Roma ri' rix kan man jun bey k'a tich'olij jun ri nim nuna-ri', roma wi xa keri' xtiben kan xkixretzelaj k'a. Jak'a wi nicholij jun wineq aj-na'oj, rija' kan xtuya' k'a iq'ij roma ri'.

Wuj Richin Bix Chire ri Dios 69:14

Kinawelesaj chupan re ch'abeq y tabana' chi man ta xkik'is-qa chupan. Kan ta k'a xkitotej chikiwech ri ye'etzelan wichin, kan ta k'a xkitotej chuwech ri palou.

Wuj Richin Bix Chire ri Dios 55:3

Ri wánima kan ruxibin-ri', roma ri kich'abel ri e etzelanel wichin. Kan in kiya'on pa ruk'ayewal ri itzel taq winaqi'. Kan in kinojisan k'a rik'in q'axo'n. Rik'in k'a janila koyowal in kitzeqeliben.

Wuj Richin Bix Chire ri Dios 34:21

Ri e banoy etzelal kan yeken k'a el roma ri kimak. Ri ye'etzelan richin ri choj kik'aslen kan xtiya'ox k'a rutojbalil chike.

2 Crón 18:13

Jak'a ri Micaías xubij: Chuwech k'a ri k'aslik Jehová, ninbij chi achike xtubij ri Jehová chuwe, jari' ri xtinbij yin, xcha' chire ri oyonel richin.

2 Rey 9:22

Y toq ri Joram xapon rik'in ri Jehú, xuk'utuj chire wi k'o uxlanibel-k'u'x o ni. Y ri Jehú xubij: ¡Achi'el ta k'a chi xtik'oje' uxlanibel-k'u'x, rokik ri ate' Jezabel xa k'a nuya' na kiq'ij ri ch'aqa' chik dios, y chuqa' k'a najin rik'in ri mak richin itz!, xcha'.

1 Rey 19:10

Y ri Elías xubij chire: Jehová Dios k'iytisanel richin ronojel: Yin kan at nutzeqeliben k'a pe y man jun bey at nuya'on kan. Jak'a ri nuwinaq israelita xa xkich'er kan ki' chire ri ajikibel-tzij. Xekiwulaj-el ri porobel akuchi niya'ox-wi aq'ij rat, y rik'in espada xekikamisaj ri e q'alajirisey ach'abel. Xaxe chik k'a yin ri xikolotej kan, y wakami yinkikanoj richin nikelesaj chuqa' ri nuk'aslen yin, xcha'.

1 Rey 22:8

Y ri Acab xubij chire ri Josafat: K'a k'o na kan jun achin rubini'an Micaías ruk'ajol ri Imlá ri achoq ik'in niqak'ulubej-wi achike nubij ri Jehová, jak'a yin kan itzel nina' chire roma man jun bey nuk'en ta pe utzilej taq rutzijol chuwe, xcha'. Y ri Josafat xubij chire ri Acab chi man tich'on itzel chirij ri achin ri'.

2 Crón 18:6

Jak'a ri Josafat xuk'utuj wi k'o ta jun q'alajirisey ruch'abel ri Jehová chiri' richin nikik'ulubej.

2 Crón 18:8

Y keri' ri Acab xroyoj jun chike ri rusamajel y xubij chire chi tiberuk'ama' ri Micaías ruk'ajol ri Imlá.