2 Crón 18:34 - Kaqchiquel Bible

³⁴ Y chijun k'a ri q'ij ri' kan janila nim ri oyowal ri xbanatej, y ri Acab kan chiri' k'a chupan ri ru-carruaje xpa'e-wi chikiwech ri aj-Siria, y ri rukik'el xbiyin k'a chupan ri ru-carruaje; y chupan k'a ri tiqaq'ij ri' xken-qa.

2 Crón 18:34 ပူးပေါင်းရင်းမြစ်များ

Wuj Richin Etamabel-Tzij 28:17

Ri wineq ri k'o kamik rubanon chikikojol ri ruwinaq, stape' nanimajilan y nrewala-ri' chupan chijun ruk'aslen keri' niken-el; kan man jun k'a xtiq'aton richin.

Wuj Richin Etamabel-Tzij 13:21

Ri winaqi' e aj-maki' kan maneq k'a juba' uxlanen ri nikil pa ruq'a' ri etzelal; jak'a ri winaqi' ri kan choj ri kik'aslen, kan k'o k'a utz ri nikil pa kik'aslen.

2 Crón 18:27

Y ri Micaías xubij chire ri Acab: Wi rat xkatzolin-pe rik'in uxlanibel-k'u'x, man ja ta k'a ri Jehová ri xbin chuwe ri xinbij chawe. Y chike ri winaqi' xubij chike: Rix kan xiwak'axaj k'a ri xinbij chire ri Acab, xcha'.

2 Crón 18:19

Y ri Jehová xuk'utuj chike ri ángel ri achike ta chike rije' nitikir nibebanon chire ri Acab chi niberubana' oyowal pa ruwi' ri Ramot ri k'o pa Galaad, y nibe xaxe richin nibeken kan. Y konojel ri ángel xech'owiyaj k'a chikiwech, y jun wi nikibij ri ch'aqa', y jun wi chik ri nikibij ri ch'aqa' chik.

2 Crón 18:16

K'ari' rija' xubij chire ri Acab: Yin nintz'et chi konojel ri winaqi' israelita kitalun-ki' pa ruwi' taq juyu', achi'el taq karne'l ri maneq kiyuq'unel. Y ri Jehová nubij k'a chi konojel re winaqi' re' xa maneq kajaw. Roma ri' taya' q'ij chike chi chikijujunal ketzolin chi taq kachoch rik'in uxlanibel-k'u'x, xcha' ri Micaías.

Wuj Richin ri Q'axanri'il 32:23

Jak'a wi man xtiben ta keri', tiwetamaj k'a richin xixmakun chuwech ri Jehová y k'o jun q'ij xtiqaqa ri ruk'ayewal pan iwi' roma ri imak.

2 Crón 18:33

Y k'o k'a jun chike ri aj-labal aj-Siria ri xuk'eq jun ch'ab choj keri', y xumej ri Acab rey richin Israel. Ri ch'ab kan choj xok ri akuchi rutunun-wi-ri' ri rutobal, y k'ari' ri Acab xubij chire ri uk'uayon ri carruaje: Tapiskolij-awi' chi'anin richin yinawelesaj-el wawe' roma xa xisokotej yan, xcha'.

2 Crón 19:1

Ri Josafat rey richin Judá xtzolin-el rik'in uxlanibel-k'u'x chirachoch chiri' pa Jerusalem.