2 Crón 18:29 - Kaqchiquel Bible

²⁹ Y ri Acab xubij chire ri Josafat: Yin xtinjel-el nuwech y xkinok-apo chupan ri oyowal, jak'a rat takusaj ri atziaq richin rey, xcha'. Y keri' ri Acab kan xujel k'a el ruwech y xbe pan oyowal.

2 Crón 18:29 ပူးပေါင်းရင်းမြစ်များ

1 Sam 28:8

K'ari' ri Saúl xujel k'a el ri rutziaq richin rey, richin man netamex ta ruwech, y xebe k'a e rachibilan-el e ka'i' achi'a'. Y toq xe'apon rik'in ri ixoq, rija' xubij chire: Tabana' utzil kach'on kik'in ri kaminaqi' y tawoyoj ri xtinbij chawe yin, xcha'.

Wuj Richin ri Jeremías 23:24

Y roma ri', man yixtikir ta niwewaj-iwi' chinuwech. Yin kan nintz'et ri akuchi ixk'o-wi, roma yin nunojisan ri kaj y ri ruwach'ulew.

Wuj Richin Etamabel-Tzij 26:25

Y stape' kan janila jebel ok ri tzij ri nubij chawe, rat man tanimaj, roma ri etzelanik ri k'o rik'in ri wineq ri' kan runojisan ri ránima.

Wuj Richin Bix Chire ri Dios 12:2

Xa kan chaq nikitz'ukula' k'a tzij chikij ri kachpochel. Rik'in ka'i' kipalej yech'on chikiwech; xa ruyon k'a q'oloj yekiben.

Wuj Richin ri Achin Job 24:15

Jak'a ri achin k'ulan y nukanoj jun chik ixoq, kan nroyobej chi k'a nok na aq'a', k'ari' nel-el, y nuch'ob-qa chi man jun achike ta nitz'eton richin; y kan nujel k'a el ruwech.

1 Rey 20:38

K'ari' ri q'alajirisey ruch'abel ri Dios xbe y xbepa'e' chuchi' ri bey richin nroyobej ri rey. Rija' xumatzej k'a el ruwech rik'in jun tzieq richin man netamex ta ruwech.

2 Crón 18:28

Y keri' ri Acab rey richin Israel junan rik'in ri Josafat rey richin Judá xebe pan oyowal chiri' pa Ramot ri k'o pa Galaad.

2 Crón 18:30

Ri rey richin Siria kan rubin wi k'a el chike ri e juwineq kablajuj aj-raqen ri ye'uk'uan ri carruaje chi man nikiben ta oyowal kik'in xabachike; xa kan xaxe rik'in ri rey richin Israel.