2 Crón 18:26 - Kaqchiquel Bible

²⁶ Y xubij-el chi tibix chike rije' chi tikitz'apej pa jay ri achin ri', y tichajix jebel richin man nanimej, y xaxe juba' wey y juba' ya' tiya'ox chire k'a toq xtitzolin na pe rija' pan oyowal.

2 Crón 18:26 ပူးပေါင်းရင်းမြစ်များ

2 Crón 16:10

Y roma ri' ri Asá xyakatej janila royowal chirij ri Hananí, y xuya' pa cárcel; y chuqa' janila xerutz'ila' e jujun chike ri winaqi' richin ri tinamit.

Apocalipsis 11:10

Y ri winaqi' ri' xkekikot janila roma ri e ka'i' ri xeken yan. Y roma ri kikikoten janila, kan xkekibanala' k'a sipanik chikiwech-qa rije', roma kan xek'ayewatej pa kiq'a' ri e ka'i' q'alajirisey ruch'abel ri Dios.

2 Corintios 11:23

Chi rije' e rusamajela' ri Cristo. Yin chuqa'. Re ninbij wakami kan achi'el xa ta in ch'ujerineq. Jak'a yin más in samajel ke chikiwech rije'. Yin más nuch'ayik nuk'ulun ke chikiwech rije', roma ni man noqaqa ta chik chinuk'u'x janipe' bey in ch'ayon. Yin más k'iy bey xik'oje' pa cárcel ke chikiwech rije'. Kan k'iy k'a chuqa' bey in apowineq chuwikamik.

Hechos 22:22

Ri winaqi' ri' man chik k'a xkajo' ta xkak'axaj ri Pablo. Xa xkichop k'a nikibila' rik'in janila kuchuq'a': ¡Tikamisex la jun achin la', roma xa man ruk'amon ta chik chi k'es!, yecha'.

Hechos 5:18

Roma ri' xebekichapa-pe y xebekiya' kan pa cárcel.

San Lucas 23:2

Ri chiri' chuwech ri q'atoy-tzij, nikisujula' k'a apo y nikibij: Roj qetaman chi re Jesús k'iy rumak. Rija' nuya' kina'oj ri winaqi'. Rija' nubila' chuqa' chike chi man tikitoj ri k'o chi nitoj chire ri César. Chuqa' nubila' chi ja rija' ri Cristo, y re' kan nuq'alajirisaj k'a chi ja rija' ri rey, xecha'.

San Mateo 12:24

Jak'a ri fariseo, toq xkak'axaj ri nikibij ri winaqi' chirij ri Jesús, xkibij k'a: Ri Jesús yerelesaj itzel taq espíritu pa rubi' ri Beelzebú, ri kajaw ri itzel taq espíritu, xecha'.

San Mateo 5:12

Kan titze'en k'a iwech y kixkikot janila, roma nim rajel-ruk'exel ri xtik'ul chila' chikaj. Ri xtik'owisaj rix, kan keri' chuqa' xkik'owisaj ri e q'alajirisey ruch'abel ri Dios ri xek'oje' ojer kan.

Wuj Richin ri Isaías 30:20

Stape' ri Jehová jantape' ruya'on ruk'ayewal y q'axo'n pan iwi', rija' kan man jun bey chik xkixrumalij kan, jak'a rija' xtuk'ut ronojel chiwech, y man jun achike roma xtikanoj.

Wuj Richin Etamabel-Tzij 14:16

Ri wineq ri k'o na'oj rik'in, kan nuxibij-ri' chuwech ri Dios y man nutzeqelibej ta ri itzel bey; jak'a ri xa maneq runa'oj xa choj beneq y nim nuna-ri'.

Wuj Richin Bix Chire ri Dios 102:9

Ronojel ri nintej, xa nuxol-ri' rik'in chaj. Y ronojel ri ninqum, xa kan nuxol k'a ri' rik'in ri ruya'al runaq'-nuwech.

Wuj Richin Bix Chire ri Dios 80:5

Xaben chiqe chi ri qoq'ej achi'el xa ta jari' ri qaway, ri ruya'al runaq' taq qawech achi'el xa ta qaya' ri niqaqum pa ruk'iyal.

Wuj Richin Bix Chire ri Dios 10:5

Man rik'in ri', ronojel ri nuben, utz nel chuwech. Chuwech rija' ri aq'atbel-tzij rat Jehová kan nej k'o-wi. Rija' kan nitze'en k'a chikij ri ye'etzelan richin.

2 Crón 18:15

Y ri Acab xubij chik chire: ¡Janipe' mul nubin chik chawe chi toq rat yach'on wik'in pa rubi' ri Jehová, kan tabij k'a ri qitzij chuwe!, xcha'.

1 Sam 25:21

Ri David k'a juba' tubij-qa: Xa man jun ajk'a xuq'ajuj ri xqachajij ri rukarne'l ri Nabal ri ek'o pa tz'iran ruwach'ulew richin man jun xsach kan chike, xa rik'in itzel xutojbej-wi ri utzil ri xqaben roj chire.

Deut 29:19

Rik'in juba' toq iwak'axan chik ri ch'abel richin ri ya'on-tzij k'o jun chi'ikojol ri kan janila xtuna-ri' y xtubij-qa: Yin kan man jun xtink'uluwachij stape' xtinben ronojel ri niqa' chinuwech yin, xticha-qa; y jari' ri xtibanon chi xtipe wululen chiqij qonojel.

Hebreos 11:36

Ek'o ch'aqa' chik ri xetze'ex y xech'ay, ek'o xexim rik'in cadena, y xetz'apex pa taq cárcel.

Wuj Richin ri Jeremías 37:15

Y rije' xyakatej janila koyowal chuwij y xkiteq nuch'ayikil y xinkiya' pa jul ri k'o chiri' pa rachoch ri Jonatán ri aj-tz'ib, roma ri chiri' kan xkiben chire chi xok cárcel.

Wuj Richin ri Jeremías 36:26

Ri rey xroyoj ri Jerahmeel ri ruk'ajol, ri Seraías ruk'ajol ri Azriel y ri Selemías ruk'ajol ri Abdeel y xeruteq richin chi yekichop ri Jeremías y ri Baruc ri rutz'ibanel. Jak'a ri Jehová xa xerewaj chikiwech ri e etzelanel kichin.