2 Crón 18:19 - Kaqchiquel Bible

¹⁹ Y ri Jehová xuk'utuj chike ri ángel ri achike ta chike rije' nitikir nibebanon chire ri Acab chi niberubana' oyowal pa ruwi' ri Ramot ri k'o pa Galaad, y nibe xaxe richin nibeken kan. Y konojel ri ángel xech'owiyaj k'a chikiwech, y jun wi nikibij ri ch'aqa', y jun wi chik ri nikibij ri ch'aqa' chik.

2 Crón 18:19 ပူးပေါင်းရင်းမြစ်များ

Ez 14:9

Wi k'o ta jun q'alajirisanel ri nuya' jun rutzijol ri xa man qitzij ta, re' ja yin Jehová ri xibanon chire chi tiq'olon. Y k'ari' yin xtinya' ri rutojbalil-mak pa ruwi' y kan xtinkamisaj.

Wuj Richin ri Isaías 54:16

Yin in banayon richin ri samajiy q'eqapueq richin nuxupuj ri q'aq', richin nuporoj ri q'eqapueq richin rusamajibal. Keri' chuqa' yin in banayon kichin ri achi'a' ri yekik'is ri winaqi'.

Wuj Richin Etamabel-Tzij 11:5

Kan ja ri chojmilej ruk'aslen ri utzilej wineq, jari' ri nibanon utz chire ri rubey; jak'a ri wineq ri banoy etzelal, ja ri itzel rubanobal ri nitzaqo richin.

Wuj Richin ri Achin Job 12:16

Ri uchuq'a' y ri ch'akonik kan richin k'a ri Dios. Kan ja chuqa' rija' ri niq'aton-tzij pa ruwi' ri wineq ri niq'ol, y pa ruwi' ri niq'olon jun chik wineq.

2 Crón 25:19

Rat nabij chi xe'atzeq jumul ri aj-Edom, y roma ri' kan xpe pan awánima richin xanimirisaj-q'anej-awi', y kan nakanoj chi niya'ox más aq'ij. Jak'a más utz kak'oje' pan awachoch. Yin nintz'et chi xa kan ayon rat nakanoj ri ruk'ayewal pan awi' y chuqa' pa ruwi' ri awajawaren, xcha'.

2 Crón 25:8

Wi rije' xkebe iwik'in rix, ri Dios kan xtuben chiwe richin yixtzaq pa kiq'a' ri e etzelanel iwichin, stape' kan xtitej iq'ij rix; roma pa ruq'a' ri Dios k'o-wi ri uchuq'a' richin yixruto' o richin yixch'akatej, xcha'.

1 Rey 22:20

Y ri Jehová xuk'utuj chike ri ángel: ¿Achike ta chiwe rix nitikir nibebanon chire ri Acab chi niberubana' oyowal pa ruwi' ri Ramot ri k'o pa Galaad, y nibe xaxe richin nibeken kan?, xcha'. Y konojel ri ángel xech'owiyaj k'a chikiwech, y jun wi nikibij ri ch'aqa', y jun wi chik ri nikibij ri ch'aqa' chik.

1 Rey 4:13

Ri Ben-guéber ja rija' ri k'o pa ruwi' ri ruwach'ulew akuchi k'o-wi ri tinamit Ramot richin Galaad y ri kokoj taq kitinamit ri xek'oje' pa ruq'a' ri Jaír ruk'ajol kan ri Manasés. Chuqa' pa ruq'a' rija' k'o-wi ri ruwach'ulew Argob ri k'o pa ruwach'ulew Basán, akuchi ek'o-wi oxk'al e nima'q taq tinamit ri ya'on tz'aq chikij y ya'on rutz'apebal-ruchi' y e ya'on ch'ich' chirij ri banon rik'in q'enq'oj-pueq.

2 Crón 18:18

Y ri Micaías xch'on chik y xubij: Wakami k'a, tawak'axaj k'a ri nubij ri Jehová. Yin kan xintz'et ri Jehová tz'uyul pa rutz'uyubal, y ek'o-apo ri ángel rik'in y kan man e ajlatel ta; ek'o pa rijkiq'a' y pa rajxokon rija'.

2 Crón 18:20

Y kan jari' xbepapo' jun espíritu chuwech ri Jehová y xubij chire chi rija' nitikir niberubana' ri samaj ri'. Y ri Jehová xuk'utuj chire achike rubanik xtuben.

2 Crón 18:21

Y ri espíritu ri' xubij chi rija' xtibe y xtok jun espíritu richin tz'ukuj-tzij, y xtuben chike ri achi'a' ri e q'alajirisanela' richin xtikitz'uk-tzij. Y k'ari' ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.