2 Crón 18:18 - Kaqchiquel Bible

¹⁸ Y ri Micaías xch'on chik y xubij: Wakami k'a, tawak'axaj k'a ri nubij ri Jehová. Yin kan xintz'et ri Jehová tz'uyul pa rutz'uyubal, y ek'o-apo ri ángel rik'in y kan man e ajlatel ta; ek'o pa rijkiq'a' y pa rajxokon rija'.

2 Crón 18:18 ပူးပေါင်းရင်းမြစ်များ

Dn 7:9

Chirij ri' yin xintz'et k'a chi ek'o tz'uyubel richin q'atbel-tzij ri xechololex-qa. Xintz'et k'a jun chik tz'uyubel, y chiri' xtz'uye-wi ri k'aslik Dios. Ri rutziaq kan lox-lox k'a nitzu'un achi'el ri chuma-tew. Ri rusumal-ruwi' kan seq-seq, achi'el ri betz' seq. Ri rutz'uyubal richin ri ruq'atbal-tzij kan nik'a'on pa q'aq', Y chuxe-qa ri rutz'uyubal ek'o rueda, y ri ru-rueda kan keq-keq rubanon pa q'aq'.

Wuj Richin ri Zacarías 1:10

Jari' toq ri achin ri' xubij chi rije' e taqon-pe roma ri Jehová richin nokinik'oj chijun re ruwach'ulew.

Am 7:16

Roma ri' tawak'axaj k'a ri ruch'abel ri Jehová. Rat Amasías xabij chuwe chi man jun tinq'alajirisaj chirij ri achike xtibek'uluwachitej wawe' pan Israel, ni man jun tinbij chiwij rix.

Wuj Richin ri Jeremías 34:4

Man rik'in ri' tawak'axaj k'a ri nuch'abel, rat Sedequías rey richin Judá. Kere' ninbij yin chawij rat: Man xkakamisex ta rik'in espada;

Wuj Richin ri Jeremías 2:4

Tiwak'axaj k'a ri nuch'abel yin Jehová, rix ri ix rijatzul kan ri Jacob.

Wuj Richin ri Isaías 39:5

K'ari' ri Isaías xubij: Tawak'axaj ri xubij-pe ri Jehová k'iytisanel richin ronojel.

Wuj Richin ri Isaías 28:14

Roma ri' kan tiwak'axaj k'a ri ruch'abel ri Jehová, rix aj-raqen pa ruwi' ri tinamit, ri kan inimirisan-iwi'.

Wuj Richin ri Isaías 1:10

Tiwak'axaj k'a ri nuch'abel rix ri ix tata'al, ri kan ix achi'el chik ri aj-Sodoma. Chuqa' rix ri kan ix achi'el chik ri aj-Gomorra, kan tiwak'axaj k'a ri nupixa'.

Wuj Richin ri Rutikeribel 32:2

Y toq rija' xerutz'et xubij k'a qa pa ránima: Re' jere' ri e banoy oyowal, ri e richin ri Dios, xcha-qa. Y roma ri' ri chiri' ri akuchi xeruk'ul-wi xubij Mahanaim chire, y re' nel chi tzij ri ka'i' tzobaj ri xkik'ul-ki'.

Wuj Richin ri Jeremías 19:3

Yin Jehová k'iytisanel richin ronojel ri yibin y roma ri' rix rey richin ri tinamit Judá y ri winaqi' richin ri tinamit Jerusalem, tiwak'axaj k'a ri rutzijol ri xtinya' chiwe. Xtinbentaqa' k'a pe jun nima-ruk'ayewal pan iwi', konojel ri xke'ak'axan re rutzijol re' kan xtisach k'a kik'u'x.

2 Crón 18:17

K'ari' ri Acab xubij-apo chire ri Josafat: ¡Xinbij-wi chawe, chi rija' kan man jun bey nuk'en ta pe utzilej taq rutzijol chuwe, xa kan xaxe ri itzel rutzijol nuk'en-pe chuwe!, xcha'.

2 Crón 18:19

Y ri Jehová xuk'utuj chike ri ángel ri achike ta chike rije' nitikir nibebanon chire ri Acab chi niberubana' oyowal pa ruwi' ri Ramot ri k'o pa Galaad, y nibe xaxe richin nibeken kan. Y konojel ri ángel xech'owiyaj k'a chikiwech, y jun wi nikibij ri ch'aqa', y jun wi chik ri nikibij ri ch'aqa' chik.

Dn 7:10

Y chiri' kan nel-pe q'aq', kan achi'el k'a jun raqen-ya' ri nibusku'l. Kan pa taq 1,000 k'a ri yesamajin richin; kan man e ajlatel ta k'a ri ek'o-apo chunaqaj. Ri Dios ri tz'uyul chupan ri tz'uyubel xuchop k'a nuq'et-tzij, y xejaq k'a ri wuj ri ek'o chuwech.