2 Crón 18:13 - Kaqchiquel Bible

¹³ Jak'a ri Micaías xubij: Chuwech k'a ri k'aslik Jehová, ninbij chi achike xtubij ri Jehová chuwe, jari' ri xtinbij yin, xcha' chire ri oyonel richin.

2 Crón 18:13 ပူးပေါင်းရင်းမြစ်များ

Wuj Richin ri Q'axanri'il 22:35

K'ari' ri ángel richin ri Jehová xubij chire: Xa kabiyin chikij ri achi'a' y xaxe k'a ninwajo' chi ja ri ch'abel ri xtinbij yin chawe, jari' ri xtabebij, xcha'. Y keri' ri Balaam xbe k'a chikij ri achi'a' ri e rutaqon-pe ri Balac.

Wuj Richin ri Q'axanri'il 24:13

Stape' ta ri Balac xtuya' ri rachoch chuwe y nojineq rik'in q'anapueq y saqipueq, yin man yitikir ta ninxolq'otij ri nubij ri Jehová chuwe. Pa nuyonil yin man jun yitikir ninben, man jun utzil, ni man jun itzel ri yitikir ta ninben. Kan nubin-wi k'a chi xaxe ri nubij ri Jehová, xaxe ri' ri yitikir ninbij.

1 Tesalonicenses 2:4

Xqabila' ri utzilej ch'abel richin kolotajik chiwe, roma ja ri Dios ri xya'on re samaj re' chiqe. Rija' retaman chi niqajo' niqaben ri niqa' chuwech, y man ja ta ri niqa' chikiwech ri winaqi'.

Gálatas 1:10

¿Y achike nibij rix? ¿Ninben kami yin chi utz yitz'et koma ri winaqi', o ninben chi utz yitz'et roma ri Dios? Yin man ninben ta chi yiqa' chikiwech ri winaqi'. Roma wi ta keri' ninben, man ta xinok rusamajel ri Cristo.

2 Corintios 2:17

Roj man yojq'olon ta, ni man niqaben ta achi'el nikiben ri ch'aqa' chik, ri xa nikik'ayij ri ruch'abel ri Dios. Roj kan oj rusamajela-wi ri Dios ri yojruteq chubanik ri rusamaj, roma jun qabanon rik'in ri Cristo, y kan chuwech ri Dios niqaben ri samaj ri'.

1 Corintios 11:23

Jak'a ri ruchojmilal ri nuya'on chiwe yin, kan ja wi ri ajaw ri xya'on chuwe. Y ri ruchojmilal ri' nubij k'a chi ri ajaw Jesús, toq nijach yan el pa kiq'a' ri winaqi', chupan ri aq'a' ri' rija' xuchop jun kaxlan-wey.

Hechos 20:27

Roma kan man jun ri xinwewaj, y man ta xinbij chiwe; xa kan ronojel ri ruch'obon ri Dios pa qawi' roj winaqi' xinbij chiwe.

Ez 2:7

Stape' k'a xkatkak'axaj o ni, rat xtabebij k'a chike re ch'abel re'.

Wuj Richin ri Jeremías 42:4

K'ari' xinbij chike: Xinwak'axaj ri xibij, wakami k'a yich'on na rik'in ri Jehová ri qa-Dios, achi'el ri xibij chuwe. Ronojel ri xtubij-pe ri Jehová chuwe, kan xtinq'axaj chiwe rix y man jun k'a xtinwewaj chiwech, xicha' chike.

Wuj Richin ri Jeremías 23:28

Wi jun chike rije' nuben jun achik' y nutzijoj, re' xa maneq rejqalen. Jak'a wi k'o jun ri nuk'ul ri nuch'abel y nubij ri qitzij, re' kan k'o-wi rejqalen. Re ka'i' rutzijol re' kan man junan ta; achi'el ri páxa man junan ta rik'in ri trigo.

1 Rey 22:14

Jak'a ri Micaías xubij: Chuwech k'a ri k'aslik Jehová, ninbij chi achike xtubij ri Jehová chuwe, jari' ri xtinbij yin, xcha' chire ri oyonel richin.

Wuj Richin ri Q'axanri'il 23:26

Y ri Balaam xubij chik chire: Yin xinbij yan chawe chi ronojel ri nubij ri Jehová chuwe, jari' ri ninbij, xcha'.

Wuj Richin ri Q'axanri'il 23:12

Y ri Balaam xubij k'a chire ri Balac chi ri xtubij ri Jehová chire xaxe ri' ri xtitikir xtubij.

2 Crón 18:12

Y toq xapon ri oyonel rik'in ri Micaías, xubij chire: Konojel ri e q'alajirisey ruch'abel ri qa-dios junan ri ch'abel nikibij chire ri rey, chi ja rija' xtich'akon. Wakami k'a ri ach'abel rat kan ta k'a achi'el ri kich'abel rije', xcha'.

2 Crón 18:14

Ri Micaías kan xbe k'a, y toq xapon, ri Acab xuk'utuj k'a chire chi wi utz nuchop oyowal pa ruwi' ri Ramot, o xa numalij-qa. Y ri Micaías xubij chire: Kabiyin; tabebana' oyowal, roma kan jujik-wi chi kan ja rat ri xkach'akon, roma ri Jehová kan xtujech pan aq'a' rat, xcha'.