2 Crón 18:1 - Kaqchiquel Bible

¹ Toq ri Josafat k'o chik pa ruk'iyal ri rubeyomel y kan k'o chik ruq'ij, jari' toq xok rachjinan ri Acab, rey richin Israel.

2 Crón 18:1 ပူးပေါင်းရင်းမြစ်များ

1 Rey 21:25

Kan qitzij na wi chi man jun chik xbanon achi'el ri xuben ri Acab, ri kan xujech-ri' chubanik ri etzelal chuwech ri Jehová, y ja ri Jezabel ri rixjayil ri xbanon chire richin xmakun chuwech ri Jehová.

1 Rey 22:1

Oxi' k'a juna' xik'o ri man jun labal ri nikiben ri aj-Siria kik'in ri israelita.

1 Rey 22:45

Y ronojel ri ch'aqa' chik ri xeruben ri Josafat chupan ri ruq'atbal-tzij, ri rusamaj y ri nima'q taq rubanobal, ri labal ri xeruben; ronojel re' e tz'ibatel kan chupan ri Wuj Ri Cholan Nich'on pa kiwi' ri rey e richin Judá.

2 Rey 11:1

Toq ri Atalía ri rute' kan ri Ocozías xutz'et chi xken ri ral, jari' toq xyakatej chikij ri aj pa rachoch kan ri Ocozías, y kan xeruk'is konojel.

2 Rey 8:18

Ri Joram xa rik'in k'a jun rijatzul ri Acab ri xk'ule-wi, y roma ri' kan xuben achi'el ri kibanobal ri Acab y ri e aj pa rachoch, y chuqa' achi'el ri kibanobal ri ch'aqa' chik rey richin ri ruwach'ulew Israel. Y ronojel k'a ri rubanobal kan man xqa' ta chuwech ri Jehová.

2 Crón 17:12

Ri rey Josafat xk'oje' k'a q'anej ronojel uchuq'a' pa ruq'a', y xerupabala-q'anej nimalej taq jay tz'apen-kij chi tz'aq, y chuqa' xerupaba-q'anej tinamit ri akuchi ek'o jay richin yakonabel richin ronojel ri nik'atzin, chijun ri ajawaren.

2 Crón 17:5

Ri Jehová kan xujikiba' k'a ri q'atbel-tzij pa ruq'a', y konojel k'a winaqi' richin ri rajawaren k'o sipanik nikiya-apo chire ri Josafat, y rija' kan xk'oje' k'a rubeyomel pa ruk'iyal y nim ruq'ij.

2 Crón 18:31

Y keri' k'a toq ri aj-raqen kichin ri e uk'uayon ri carruaje xkitz'et ri Josafat, xkich'ob chi ja rija' ri rey richin Israel, y xepe chirij richin nikiben oyowal rik'in, jak'a ri Josafat xsik'in richin nito'ox. Y ri Jehová kan xuto', y xuben chike ri e etzelanel richin chi xkijech'ej-el-ki' chire rija'.

2 Crón 19:2

Y xbek'ul roma jun achin ri nitz'eton ri peteneq chiqawech y rija' rubini'an Jehú, ruk'ajol ri Hananí y xubij chire ri Josafat: ¿Achike roma ye'ato' ri maneq Dios chikiwech, y at kachibil ri e etzelanel richin ri Jehová? Roma re banobel re', ri Jehová xpe royowal chawe.

2 Crón 20:35

Chirij ronojel re banobel re', ri Josafat rey richin Judá xjunamatej-ruwech rik'in ri Ocozías, rey richin Israel, ri kan itzel rubanobal chuwech ri Dios.

2 Crón 21:6

Jak'a rija' xa xuben achi'el ri kibanobal ri rey e richin ri ruwach'ulew Israel ri k'o pa xaman. Kan xuben k'a achi'el ri itzel taq kibanobal ri e aj pa rachoch kan ri Acab, y ri rixjayil ri Joram, ja ri rumi'al ri Acab, y roma ri' kan janila xmakun chuwech ri Jehová.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

2 Corintios 6:14

Rix man tijunamatej-iwech kik'in ri winaqi' ri man kikuquban ta kik'u'x rik'in ri Cristo. Roma xa kan man nuk'uaj ta ri' jun k'aslen choj rik'in jun ri xa man choj ta. Ri nibiyin pa saqil man nitikir ta nibiyin rik'in jun ri nibiyin pa q'equ'm.