2 Crón 17:7 - Kaqchiquel Bible

⁷ Y chupan ri rox juna' chire ri ruq'atbal-tzij xeruteq-el wo'o' tata'al richin yebetijon pa taq tinamit richin ri ajawaren richin Judá. Y rije' kibini'an Ben-hail, Abdías, Zacarías, Natanael y Micaías.

2 Crón 17:7 ပူးပေါင်းရင်းမြစ်များ

2 Crón 15:3

Ri ojer kan, chupan ri ruwach'ulew Israel, ri winaqi' man xkikanoj ta ri k'aslik Dios, e maneq sacerdote richin yetijon y maneq chik kik'in ri pixa' ri ya'on kan chike.

2 Crón 30:22

Ri Ezequías xumatioxij k'a chike ri e levita ri kan k'o nojibel kik'in richin xkiben re samaj re'. Kan xkitej k'a ri ti'ij ri xsuj richin kamelabel chupan ri wuqu' q'ij ri', y chuqa' ri ti'ij ri richin ri sipanik ri nuq'alajirisaj chi ri winaqi' junan kiwech rik'in ri Jehová.

2 Crón 35:3

Y xch'on kik'in ri e levita ri kan kijachon-ki' chupan ri rusamaj ri Dios, ri yetijon chupan chijun ri ruwach'ulew y xubij chike: Ri loq'olej káxa richin ri jikibel-tzij kan tiya' k'a pa rachoch ri Jehová, ri rupaban kan ri Salomón ruk'ajol kan ri David rey richin Israel. Kan man xtik'uaj ta chik chuwi-itele'n. Wakami k'a rix tisamajij ri Jehová ri qa-Dios y chuqa' ri rutinamit Israel.

Wuj Richin ri Esdras 7:25

Y rat, Esdras, rik'in ri na'oj ri ruya'on ri a-Dios chawe, ke'akanoj k'a ri yechojmirisan ri yebanatej, y ye'akanoj chuqa' aj-raqen ri nikiq'et-tzij pa kiwi' konojel ri awinaq ri ek'o pa ruwach'ulew ri k'o pa qajbel-q'ij chire ri raqen-ya' Éufrates. Y wi man ketaman ta ri pixa' richin ri a-Dios, tak'utu' chikiwech.

Wuj Richin ri Nehemías 9:3

Y e pa'el k'a chiri' pa kik'ojelibal, y oxi' hora xsik'ix chikiwech ri wuj richin ri rupixa' ri Jehová, y chirij re' oxi' chik hora xkiq'alajirisaj ri kimak y xkiya' ruq'ij ri Jehová ri qa-Dios.

Wuj Richin Bix Chire ri Dios 34:11

Kixanpe, alk'ualaxela', kiniwak'axaj. Xkixintijoj richin nik'oje' rukiy ri Dios chiwech.

Wuj Richin Bix Chire ri Dios 51:13

Keri' kan xtink'ut k'a chikiwech ri ch'aqa' chik aj-maki' ri abey rat. Y keri' ri winaqi' ri' kan xtitzolej k'a pe kik'u'x y kan xtikinimaj ri atzij.

Wuj Richin ri Molojri'il 1:12

Yin ri ch'abaliy ri ruch'abel ri Dios xinok k'a rey richin ri Israel ri chiri' pa Jerusalem.

Wuj Richin ri Isaías 49:23

Ri e rey jari' xke'ok achi'el itata', y ri e reina achi'el ite'. Kan xtikiqasaj-ki' chiwech k'a pan ulew, y kan xtikireq' ri poqolaj ri k'o chirij ri iwaqen. Xtibanatej ronojel re' richin niwetamaj chi ja yin Jehová, y ri xtikikuquba' kik'u'x wik'in yin, kan man xkek'ixbitej ta.

Wuj Richin ri Chojmirisabelri'il 14:42

K'ari' xke'ik'en-pe ch'aqa' chik abej y ye'iya' kan pa kik'exel ri xe'elesex-el y nibek'ama-pe juba' ulew, nimuba' richin xke'iq'olij kan y xtitz'apej kan kiwech.

San Mateo 4:23

Ri Jesús kan pa ronojel k'a tinamit richin ri Galilea xapowiyaj-wi, yerutijoj k'a ri winaqi' rik'in ri ruch'abel ri Dios ri pa taq jay richin molojri'il, akuchi nikak'axaj ri ruch'abel ri Dios. Y chuqa' nutzijoj ri utzilej ruch'abel ri Dios ri nich'on chirij ri ajawaren. Yeruk'achojirisala' k'a yawa'i' ri jalajoj chi yabilal y q'axo'n nok chike.

Marcos 4:2

Rija' k'iy ri xubij chike y ruyon rik'in k'ambel taq tzij. Y jun k'a chike ri k'ambel-tzij ri xukusaj, jare':

Hechos 1:1

Nimalej Teófilo: Yin nintz'ibaj-el re jun wuj re' chawe, achi'el ri wuj ri xintz'ibaj-el chawe pa nabey. Y chupan ri wuj ri' nutz'iban k'a el ri samaj ri xutikeriba' kan rubanik ri Jesús, y ri xutikeriba' kan ruk'utik chikiwech ri winaqi'.

Deut 33:10

Rix xtik'ut ri q'atbel-tzij chikiwech ri iwinaq israelita, xtik'ut ri pixa' chuwech ri itinamit. Xtiporoj k'a ri pom chuwech ri Jehová, y xtisuj ri chikop pa ruwi' ri porobel.

Deut 4:5

Yin kan nuk'utun chik chiwech rix nuwinaq ri pixa', kan achi'el ri xubij ri Jehová ri qa-Dios chuwe, richin kan nitaqej ronojel ri pixa' chupan ri ruwach'ulew ri akuchi xkixapon-wi ri kan xtiwichinaj kan.