2 Crón 17:4 - Kaqchiquel Bible

⁴ Kan xutzeqelibej k'a ri Jehová, ri Dios richin kan ri Asá ri rutata'. Kan xutaqej k'a ri pixa' ri rubin ri Jehová, y man xuben ta achi'el nikiben ri winaqi' aj-Israel.

2 Crón 17:4 ပူးပေါင်းရင်းမြစ်များ

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.

1 Rey 12:30

Y jare' xbanon chike ri winaqi' richin xemakun roma nibekiya' kiq'ij ri dios k'a chiri'.

1 Rey 12:33

Kere' k'a xuben ri Jeroboam chupan ri wolajuj q'ij richin ri ik' waqxaqi': Kan ja rija' ri xsuju kamelabel ri chiri' pa Betel. Kan xutz'uk k'a q'anej ri nimaq'ij ri xpe pa ránima rija', y xjote-q'anej rik'in ri porobel richin xuporoj pom.

1 Rey 3:3

Ri Salomón janila xrajo' ri Jehová, y roma ri' kan xutaqej ri pixa' ri ruya'on kan ri David ri rutata'; man rik'in ri' xusujula' kamelabel y xuporola' pom pa ruwi' taq juyu' ri akuchi xya'ox-wi kiq'ij ri ch'aqa' chik dios.

1 Rey 9:4

Y wi rat xkabiyin chinuwech rik'in chojmilal y rik'in ronojel awánima achi'el xuben ri David ri atata' y kan naben ri nubin chawe yin y nataqej ronojel nupixa',

2 Rey 17:19

Ni ta k'a ri winaqi' richin ri ruwach'ulew Judá man xkitaqej ta ri nubij ri pixa' richin ri Jehová ri ki-Dios. Xa xkitzeqelibej k'a ri itzel taq kibanobal ri israelita.

2 Rey 8:18

Ri Joram xa rik'in k'a jun rijatzul ri Acab ri xk'ule-wi, y roma ri' kan xuben achi'el ri kibanobal ri Acab y ri e aj pa rachoch, y chuqa' achi'el ri kibanobal ri ch'aqa' chik rey richin ri ruwach'ulew Israel. Y ronojel k'a ri rubanobal kan man xqa' ta chuwech ri Jehová.

2 Crón 14:6

Rokik ri Jehová xuya' uxlanibel-k'u'x chire ri ruwach'ulew, ri Asá xtikir xerupaba-q'anej tinamit ri tz'apen-kij chi tz'aq chiri' pa Judá.

2 Crón 17:3

Ri Jehová kan xk'oje' k'a rik'in ri Josafat roma pa taq rutikeribel chire ri ruk'aslen kan xutzeqelibej k'a ri bey ri xutzeqelibej ri David ri rumama', y man xuya' ta k'a kejqalen ri wachibel kichin ri Baal.

2 Crón 21:12

Y k'o k'a jun q'ij ri Joram xuk'ul jun ruwuj ri q'alajirisey ruch'abel ri Dios rubini'an Elías, y kere' nubij: Ri Jehová Dios richin kan ri David ri amama' kere' nubij: Rat man atzeqeliben ta ri utzilej kibanobal ri ánima Josafat, ni ta ri rubanobal ri ánima Asá.

2 Crón 22:9

Jak'a ri Ocozías xa xberewaj-ri' k'a pa tinamit Samaria. Y ri Jehú xuteq rukanoxik y toq xilitej-pe, k'ari' xk'amer-pe chuwech ri Jehú y chiri' xkikamisaj-wi. Y ri Ocozías kan xkimuq k'a, roma ketaman chi ruk'ajol ri Josafat, ri kan xutej ruq'ij rik'in ronojel ránima richin xukanoj ri Jehová. Kan man jun chik k'a ri xk'oje' ta kan chike ri aj pa rachoch ri Ocozías ri kan xtikir ta xok-q'anej rey.

2 Crón 27:6

Ri Jotam kan janila k'a xnimer ruq'ij roma kan choj xuben chuwech ri Jehová ri ru-Dios.

2 Crón 29:2

Ri rubanobal rija' kan utz k'a chuwech ri Jehová, achi'el ri rubanobal ri David, ri rumama'.

2 Crón 34:2

Rija' kan utz k'a xuben chuwech ri Jehová, y kan xuben achi'el xuben ri David; kan man xujech'ej ta kan ri' ni pa rijkiq'a' ni pa rajxokon.

Os 4:15

Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

1 Tesalonicenses 4:1

Toq xojk'oje' iwik'in, xqabij chiwe achike ri niqa' chuwech ri Dios, y chi jari' ri utz niben. Y rix kan keri' ibanon. Y kan k'a k'o k'a ri niqajo' niqak'utuj chiwe pa rubi' ri Jesucristo, chi kan más k'a titija' iq'ij chi niben ri niqa' chuwech ri Dios.