2 Crón 17:19 - Kaqchiquel Bible

¹⁹ Konojel k'a re achi'a' re' jare' ri xek'oje' rik'in ri Josafat, y man e ajlan ta ri achi'a' ri yechajin kan chiri' pa taq tinamit ri jebel tz'apen-kij chi tz'aq chupan ri ajawaren.

2 Crón 17:19 ပူးပေါင်းရင်းမြစ်များ

2 Crón 17:2

Xeruya' k'a aj-labal ri chiri' pa taq tinamit ri e sutin-kij chi tz'aq ri e richin ri rajawaren rija', y chuqa' xeruya' chajinela' ri chiri' pa taq tinamit richin Efraín, tinamit ri e ruch'akon kan ri Asá.

2 Crón 17:12

Ri rey Josafat xk'oje' k'a q'anej ronojel uchuq'a' pa ruq'a', y xerupabala-q'anej nimalej taq jay tz'apen-kij chi tz'aq, y chuqa' xerupaba-q'anej tinamit ri akuchi ek'o jay richin yakonabel richin ronojel ri nik'atzin, chijun ri ajawaren.

2 Crón 11:23

Y ri Roboam kan xnojin richin xerutaluj-el ri ralk'ual kik'in ri rijatzul ri Judá y ri Benjamín chupan ri tinamit ri e tz'apen-kij chi tz'aq, y xuya' k'a chike pa ruk'iyal ri nik'atzin richin nikitej, y chuqa' xerukanoj kan k'iy kixjayilal.

2 Crón 11:12

Y chuqa' chupan ronojel ri tinamit ri' xeruyala' tobel y kum, y kan xkiben achi'el ri nubij rija' chike ri e rijatzul kan ri Judá y ri Benjamín.

2 Crón 17:18

Chuqa' k'o ri Jozabad e rachibilan e 180,000 aj-labal.

2 Crón 33:14

Chirij k'a ronojel re', rija' xupaba-q'anej ri tz'aq chirij ri Ófel, ri rutinamit ri David, ri nitiker-el chiri' pa qajbel-q'ij chire ri ralaxbel-ya' Guihón, y napon k'a rik'in ri ruchi' ri akuchi ye'el ye'ok-wi ri e k'ayil taq ker. Toq xk'achoj kan chire ri tz'aq ri', k'ari' xusutij-rij chijun ri Ófel. Ri tz'aq ri' kan janila nim rujotolen xuben chire. Y kan xeruya' aj-raqen kichin aj-labal pa taq tinamit ri sutin-kij chi tz'aq, chiri' pa Judá, richin nikichajij chijun ri ruwach'ulew.