2 Crón 17:12 - Kaqchiquel Bible

¹² Ri rey Josafat xk'oje' k'a q'anej ronojel uchuq'a' pa ruq'a', y xerupabala-q'anej nimalej taq jay tz'apen-kij chi tz'aq, y chuqa' xerupaba-q'anej tinamit ri akuchi ek'o jay richin yakonabel richin ronojel ri nik'atzin, chijun ri ajawaren.

2 Crón 17:12 ပူးပေါင်းရင်းမြစ်များ

1 Crón 29:25

Y ri Jehová kan janila k'a xunimirisaj ri rey Salomón chikiwech konojel ri winaqi' richin ri ruwach'ulew Israel. Ri q'atbel-tzij ri xuya' ri Dios chire ri Salomón kan k'o janila ruq'ij, man jun achoq chire ta ruya'on-wi achi'el ri xuya' chire ri Salomón.

2 Crón 17:11

Ek'o k'a chike ri aj-Filistea xkiya' sipanik chire ri Josafat, y k'iy saqipueq k'o chi nikitoj chire, y ri aj-Arabia xkiya' k'a e 7,700 achija' karne'l y chuqa' e 7,700 achija' tzuntzun.

2 Crón 17:13

Chupan ri tinamit richin yakonabel, janila k'a k'iy ri k'atzinel yakon kan. Y chiri' pa Jerusalem, kan janila k'a e k'iy aj-labal ri maneq xibinri'il chikiwech ri xek'oje' rik'in ri Josafat.

2 Crón 18:1

Toq ri Josafat k'o chik pa ruk'iyal ri rubeyomel y kan k'o chik ruq'ij, jari' toq xok rachjinan ri Acab, rey richin Israel.

2 Crón 26:10

Ri Ozías chuqa' xerupaba-q'anej kachoch ri chajinela' pa tz'iran ruwach'ulew. Rija' kan janila e k'iy rawej ek'o, y roma ri' xeruk'otola' k'iy pozo richin ye'uk'ya' ri rawej ri e ruya'on chuwa taq juyu' y ri ek'o chuchi' ri palou. Chuqa' ek'o rusamajela' ri yesamej ri akuchi rutikon-wi-qa uva y ri akuchi k'o-wi ri jalajoj ruwech rutiko'n ri e rubanon chuwi' taq juyu'; y kan k'iy k'a ruqejoj k'o roma kan niqa' chuwech ri samaj richin pa juyu'.

2 Crón 27:4

Chuqa' xerupaba-q'anej tinamit chuwa taq juyu' richin Judá, y xeruben-q'anej jay e tz'apen chi tz'aq y xeruben chuqa' jay kichin ri chajinela' pa ruwi' ri tz'aq, pa taq k'echelaj.

2 Crón 32:5

Y ri Ezequías kan rik'in k'a ronojel uchuq'a' xuteq ruchojmirisaxik ri tz'aq, y xeruben-q'anej jay kichin ri chajinela' pa ruwi', y chuqa' xuben jun chik tz'aq ri xk'oje-pe chuwech ri tz'aq ri kan k'o. Chuqa' xunojisaj chik chi ulew ri chuwech-pe ri tz'aq ri k'o chiri' pa tinamit richin ri rey David. Y xuteq rubanikil k'iy espada y tobel.

Ex 1:11

Kan ja ri q'ij ri', ri aj-Egipto xekikanoj achi'a' richin yek'oje' pa kiwi' ri israelita richin niya'ox k'ayew taq samaj chike y xban chike chi xkipaba-q'anej ri nima'q taq tinamit kibini'an Pitón y Ramsés, richin nuyek ri ru-trigo ri rey.