2 Crón 16:9 - Kaqchiquel Bible

⁹ Keri' xuben ri Jehová roma rija' kan rutzuliben-pe chijun ri ruwach'ulew richin nuya' kuchuq'a' ri kan qitzij kijachon-ki' pa ruq'a' rik'in ronojel kánima. Rat xa kan achi'el jun nakanik na'oj ri xaben, y roma ri' re wakami chiqawech-apo xtipe más labal chawij, xcha' ri Hananí.

2 Crón 16:9 ပူးပေါင်းရင်းမြစ်များ

Wuj Richin ri Rutikeribel 31:28

Ni man xaya' ta q'ij richin xentz'ubaj ta pe ri numi'al y ri taq numam; achi'el xa ta maneq ana'oj richin kere' xaben-pe.

2 Sam 24:10

Jak'a toq ri David xuben yan re tz'iban bi'aj re', k'ari' xuna' chi xmakun, y xubij k'a chire ri Jehová: Yin kan janila ximakun chawech roma xinben re jun tz'iban bi'aj re'. Wakami k'a, nink'utuj utzil chawe chi takuyu' numak, roma yin kan xinben re' roma maneq nuna'oj, xcha'.

1 Rey 15:32

Y chijun k'a ri kik'aslen ri Asá y ri Baasá, rey richin Israel, kan jantape' xk'oje' labal chikikojol.

2 Rey 20:3

Jehová, nink'utuj utzil chawe; toqaqa chi'ak'u'x ri achike rubanik ri rubanon-pe ri nuk'aslen chawech y kan qitzij rik'in ronojel wánima nubanon ri abin chuwe, y chuqa' kan ja ri niqa' chawech ri nubanon, xcha'. Chirij ri' kan janila xoq'.

1 Crón 21:8

K'ari' ri David xuq'alajirisaj chire ri Dios chi rija' man utz ta xuben chuwech, y roma ri' ri David xuk'utuj kuyubel rumak chuwech, y xubij k'a: Kan jun nimalej mak ri xinben. Y nink'utuj chawe richin takuyu' ri itzel banobel ri xinben chawech yin ri in asamajel, roma xinben chi achi'el xa ta in jun nakanik chawech rat, xcha'.

2 Crón 15:17

Ri ránima rija' kan xuya' k'a richin xuben ri xrajo' ri Jehová chupan chijun ruk'aslen, stape' xa man xeruwulaj ta el ri akuchi xya-wi kiq'ij ri ch'aqa' chik dios ri pa ruwi' taq juyu'.

2 Crón 15:19

Y kan man jun chik labal xbanatej, k'a xapon na ri juna' juwineq wolajuj chire ri q'atbel-tzij richin ri rey Asá.

2 Crón 16:10

Y roma ri' ri Asá xyakatej janila royowal chirij ri Hananí, y xuya' pa cárcel; y chuqa' janila xerutz'ila' e jujun chike ri winaqi' richin ri tinamit.

2 Crón 19:9

Y kere' xubij-el chike konojel ri to'onela': Rix kan jantape' k'a tik'oje' rukiy ri Jehová chiwech, y tibana' k'a ronojel rik'in ruch'ajch'ojil iwánima y man tijel rubanik ri iq'atoj-tzij.

2 Crón 6:20

Ri atzubal jantape' ta k'a xtik'oje' pa ruwi' re jun jay re', chi paq'ij chi chaq'a', ri akuchi abin chi kan yak'oje' rat. Keri' kan xtawak'axaj ta k'a ri nuch'owen ri ninben awik'in, yin ri in asamajel.

Wuj Richin ri Esdras 5:5

Jak'a ri Dios kan e ruchajin ri aj-raqen kichin ri judío, y ri etzelanel kichin kan man xetikir ta k'a xekiq'et. Y kan xesamej rokik taqon-el rubixik chire ri rey Darío, y k'a ja toq xkik'ul ri rutzijol.

Wuj Richin ri Achin Job 28:24

Roma xaxe rija' nitikir nitzu'un k'a pa ruk'isibel chire ri ruwach'ulew, kan nutz'et k'a ronojel ri k'o pa ruwi' ri ruwach'ulew.

Wuj Richin ri Achin Job 31:4

Ri Dios kan retaman wi ri achike rubanik ri nuk'aslen yin, rija' kan retaman k'a chikijujunal ri nuxaka'l ri ninya' chuwech re ruwach'ulew.

Wuj Richin ri Achin Job 34:21

Roma ri Dios kan rutzuliben k'a ri achike rubanik ruk'aslen ri wineq, kan rutzuliben chuqa' chikijujunal ri ruxaka'l ri nuya' chuwech re ruwach'ulew.

Wuj Richin Bix Chire ri Dios 113:6

Stape' kan keri', rija' nuqasaj-ri' richin nutzu-pe ri kaj y ri ruwach'ulew.

Wuj Richin Bix Chire ri Dios 33:14

Kan k'a akuchi k'o-wi rija' yerutz'et-pe. Yerutzu-pe konojel ri ek'o chuwech re ruwach'ulew.

Wuj Richin Bix Chire ri Dios 33:15

Ja rija' ri xbanon ri kánima, kan jak'a chuqa' rija' nitz'eton ronojel ri nikiben.

Wuj Richin Bix Chire ri Dios 33:18

Jak'a ri Jehová kan yeruchajij ri k'o rukiy ri Dios chikiwech. Yeruchajij ri nikikuquba' kik'u'x rik'in ri rajowabal ri man k'isel ta.

Wuj Richin Bix Chire ri Dios 34:15

Ri rutzubal ri Jehová ruya'on k'a pa kiwi' ri choj kik'aslen. Y rija' nrak'axaj ri kich'owen.

Wuj Richin Bix Chire ri Dios 37:37

Tatz'eta' ri wineq ri choj ruk'aslen, ri man jun itzel banobel nuben. Re wineq re' xtik'ase' rik'in uxlanibel-k'u'x.

Wuj Richin Etamabel-Tzij 15:3

Ri rutzubal ri Jehová, xabakuchi k'a napon-wi; ri runaq' taq ruwech kan ek'o k'a pa kiwi' ri utzilej y ri itzelej taq banobel.

Wuj Richin Etamabel-Tzij 5:21

Ri rubey ruk'aslen ri achin kan pa ruwech k'a ri Jehová k'o-wi, rija' kan nitikir-wi nunik'oj chikijujunal ri ruxaka'l ri yeruya' ri achin pa ruk'aslen.

Wuj Richin ri Isaías 31:1

Toq'ex iwech rix ri yixbe pan Egipto richin nibeto-iwi' chiri', ri nikuquba' ik'u'x kik'in ri kikiej, ri nikuquba' ik'u'x kik'in ri janila chi carruaje, y chi kan janila kuchuq'a' ri yech'oke' chirij kiej. Jak'a xa man niya' ta itzubal rik'in ri Loq'olej qa-Dios, y man nikanoj ta ri Jehová.

Wuj Richin ri Jeremías 16:17

Roma kan nutz'eton ronojel ri nikiben y kan man jun k'a ri ewatel ta chinuwech.

Wuj Richin ri Jeremías 32:19

Rat kan janila at nim rik'in ri apixabanik y at nimalej rik'in ronojel ri naben. Rat natz'et ronojel ri yekiben ri winaqi' y chikijujunal naya' rutojbalil pa kiwi' achi'el ri ruk'amon.

Wuj Richin ri Jeremías 5:1

Ri Jehová nubij: Kixbiyin pa taq bey richin ri tinamit Jerusalem y titz'eta' jebel. Ke'ikanoj pa taq nima'q ruwech bey y titz'eta' wi k'o jun nuben ronojel pa ruchojmilal, jun ri nrajo' nuben xaxe ri qitzij. Wi rix niwil jun, yin xtinkuy rumak ri itinamit Jerusalem.

Wuj Richin ri Jeremías 5:21

Tiwak'axaj k'a rix ri maneq iwetamabal y ri man jun niq'ax chiwech. K'o runaq' taq iwech y man yixtzu'un ta, k'o ixikin y man yixak'ex ta.

Wuj Richin ri Jeremías 5:3

Jehová, ¿man ja ta kami ri qitzij nakanoj rat? Rat xaya' rutojbalil-mak pa kiwi' y man xeq'axomer ta; xaya' wululen pa kiwi', jak'a man xkajo' ta xatkinimaj. Kan xkikowirisaj k'a ri kánima, más chuwech ri abej y kan man xkajo' ta xetzolin chupan ri utzilej bey.

San Mateo 5:22

Jak'a yin ninbij chi wi k'o ta jun ri, stape' ta xaxe royowal ri nipe chire jun wineq, kan nimakun-wi y kan k'o chi tiq'at-tzij pa ruwi'. Chuqa' ri nibin chire jun chik wineq chi maneq runa'oj; ri nibin keri', kan aj-mak chuqa', roma ri' kan ruk'amon chi nuk'uex chikiwech ri achi'a' ri pa komon yeq'aton-tzij richin chi niq'at-tzij pa ruwi'. Y xabachike k'a ri nibin nakanik chire jun chik wineq, ri' xa kan oyoben chik roma ri q'aq'.

San Lucas 12:20

Jari' toq ri Dios xubij chire: Nakanik chi achin, chupan re aq'a' re' xtinwoyoj-el ri awánima. Y ronojel ri abeyomel ri xayek, ¿achoq richin k'a xtok kan?, xcha' ri Dios.

1 Corintios 15:36

Ri nich'obo keri' xa jun wineq nakanik. Roma jun ija'tz toq k'o chik kan pan ulew, k'o chi niq'ey-qa, y k'ari' toq nibek'ulun-pe ri tiko'n.

Gálatas 3:1

Wach'alal aj-Galacia, ¿achike k'a roma man yixch'obon ta? ¿O xa k'o banayon itz chiwij, richin man ninimaj ta ri qitzij, toq xa kan qabin kan chiwe chi ri Jesucristo xken qoma roj?

Hebreos 4:13

Roma man jun k'a ri nitikir newan-ri' chuwech ri Dios, y ronojel ri k'o kan e tz'etel chuwech rija'. Y chire rija' k'o chi niqajech-wi ronojel ri yeqabanala'.

1 Pedro 3:12

Ri rutzubal ri Jehová ruya'on k'a pa kiwi' ri choj kik'aslen. Rija' kan nrak'axaj ri kich'owen. Ri Jehová kan nuteq k'a pe ri royowal pa kiwi' ri man utz ta nikiben.

1 Sam 13:13

K'ari' ri Samuel xubij chire ri Saúl: Rat xa kan xach'ujer chubanik re'. Wi ta rat xataqej ri rupixa' ri Jehová ri qa-Dios ri rubin chawe, kan ja ta re wakami xujikiba' ri aq'atbal-tzij pa ruwi' ri Israel richin jantape'.