2 Crón 16:12 - Kaqchiquel Bible

¹² Chupan ri juna' juwineq belejlajuj chire ri ruq'atbal-tzij, ri Asá xutej k'a poqon roma jun yabil chire ri raqen, y stape' ri ruq'axo'n kan janila nim, kan man xukanoj ta ri Jehová chupan ri ruyabil, xa ja ri aq'omanela' ri xerukanoj.

2 Crón 16:12 ပူးပေါင်းရင်းမြစ်များ

Wuj Richin ri Jeremías 17:5

Yin Jehová ri yibin. Itzel ruwa-ruq'ij ri wineq ri nuch'er kan ri' wik'in yin, richin nukuquba' ruk'u'x kik'in achi'a' y kik'in rije' nukanoj-wi to'onik.

2 Crón 28:22

Stape' ri itzel rey Acaz kan k'o k'a pa ruk'ayewal, kan jantape' k'a nimakun chuwech ri Jehová.

2 Crón 16:9

Keri' xuben ri Jehová roma rija' kan rutzuliben-pe chijun ri ruwach'ulew richin nuya' kuchuq'a' ri kan qitzij kijachon-ki' pa ruq'a' rik'in ronojel kánima. Rat xa kan achi'el jun nakanik na'oj ri xaben, y roma ri' re wakami chiqawech-apo xtipe más labal chawij, xcha' ri Hananí.

1 Crón 10:14

y man ja ta ri Jehová ri xuk'ulubej. Y roma ri' ri Jehová xrelesaj-el ri ruk'aslen, y ri ruq'atbal-tzij xuq'axaj pa ruq'a' ri David ruk'ajol ri Isaí.

Marcos 5:26

Rija' rutijon poqon roma beneq chik kik'in e k'iy aq'omanela', y xuk'is yan chuqa' ronojel ruméro. Jak'a pa ruk'exel chi utz ta juba', xa más rubanon.

Marcos 2:17

Toq ri Jesús xrak'axaj-pe ri nikibij ri achi'a' ri', xubij k'a chike: Ri man e yawa'i' ta man nik'atzin ta aq'omanela' chike. Jak'a ri e yawa'i', ri' kan k'atzinel-wi ri aq'omanel chike. Yin man xipe ta chikikanoxik ri janila winaqi' ri choj kik'aslen. Yin xipe chikikanoxik ri man choj ta kik'aslen richin nitzolej-pe kik'u'x, xcha'.

San Mateo 9:12

Toq ri Jesús xrak'axaj-pe ri keri', xubij k'a chike chi ri man e yawa'i' ta man nik'atzin ta aq'omanela' chike. Jak'a ri e yawa'i', ri' kan k'atzinel-wi ri aq'omanel chike.

Apocalipsis 3:19

Yin kan yench'olij y yenpixabaj ri yenwajo'. Roma ri' rix kan rik'in k'a ronojel iwánima titzolej chik pe ik'u'x wik'in y tiya' kan ronojel ri imak.

Colosenses 4:14

Y chuqa' ri Lucas nuteq-el rutzil-iwech. Rija' jun aq'omanel chirij ri ruch'abel ri Dios y yin janila ninwajo'. Chuqa' ri Demas nuteq-el rutzil-iwech.

San Mateo 7:2

Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.

Wuj Richin ri Jeremías 8:22

K'ate' ta k'o jun raq'omal richin yek'achoj, achi'el ri k'o chiri' pa ruwach'ulew Galaad. K'ate' ta k'o jun aq'omanel kichin. ¿Achike roma man yek'achoj ta q'anej ri nuwinaq?

Wuj Richin ri Achin Job 13:4

Roma rix xa kan jebel ok rubanik niben chire ri itz'ukun tzij richin nimuq rij ri qitzij. Iwonojel rix xa nibananej chi ix aq'omanela', y xa man jun yixtikir niwaq'omaj.

Wuj Richin ri Rutikeribel 50:2

Chirij ri' xubij chike ri aq'omanela' ri yesamej rik'in, chi tikaq'omaj ri ruch'akul ri rutata' richin man chi'anin ta niq'ey; y ri aq'omanela' kan keri' wi xkiben chire ri ruch'akul ri Israel.

2 Crón 16:13

Ri Asá xken k'a el chupan ri juna' kawineq jun chire ri ruq'atbal-tzij.