2 Crón 15:9 - Kaqchiquel Bible

⁹ K'ari' xerumol konojel ri winaqi' ri ek'o pa rajawaren, ri chiri' pa Judá y Benjamín y chuqa' xerumol ri winaqi' ri e peteneq pan Efraín, pa Manasés y ri pa Simeón ri xeq'ax-pe kik'in rije', roma kan xkitz'et chi kan k'o-wi ri Jehová kik'in.

2 Crón 15:9 ပူးပေါင်းရင်းမြစ်များ

2 Crón 11:16

Toq ri e sacerdote y ri e levita xe'el-pe pa ruwach'ulew Israel, chuqa' konojel ri winaqi' israelita ri kan rik'in ronojel kánima nikikanoj ri Jehová, xepe pa Jerusalem junan kik'in rije', richin nikisuj kamelabel chuwech ri Jehová, ri ki-Dios y ri Dios kichin ri kite-kitata'.

Hechos 9:31

Y ri q'ij ri', ri molaj qach'alal ri ek'o pa taq tinamit ri chiri' pa Judea, ri Galilea y ri Samaria, man k'a nikik'owisaj ta chik tijoj-poqonal. Xa kan kichapon k'a k'iyinen chupan ri ruch'abel ri Dios, y k'o ruq'ij y rejqalen ri ajaw chikiwech. Xek'iyer janila roma ri ruchuq'a' ri Loq'olej Espíritu.

2 Crón 30:25

Ri e sacerdote y ri e levita kan janila k'a xekikot, e kachibilan konojel ri aj-Judá, ri israelita ri e peteneq pa xaman y ri winaqi' ri man e israelita ta ri ek'o-qa chikikojol.

1 Crón 12:19

Chuqa' jun ka'i-oxi' chike ri e rijatzul kan ri Manasés xkich'er-ki' rik'in ri Saúl, y xjunamatej-kiwech rik'in ri David. Re' xbanatej toq ri David k'o pa kiruwach'ulew ri aj-Filistea y kan xe'el k'a el junan richin nibekibana' oyowal rik'in ri Saúl. Jak'a ri aj-raqen kichin ri aj-Filistea xa man xkajo' ta richin xeto'ox, y xkiteq-el ri David y xkibij-qa chikiwech: Rija' xa xtuto' ri Saúl ri rajaw, y xqojrujech pa ruq'a', xecha-qa.

1 Rey 12:19

Y keri' toq xyakatej ri Israel chikij ri aj pa rachoch kan ri David, y keri' rubanon pe k'a re q'ij re'.

1 Rey 3:28

Konojel k'a winaqi' ri ek'o pan Israel xketamaj ri q'atoj-tzij ri xuben ri rey Salomón pa ruwi' ri jun ch'ojikil ri', y konojel ri winaqi' kan xkiya' ruq'ij ri rey, roma xkitz'et chi kan ja ri Dios xya'on runa'oj richin nuq'et-tzij pa kiwi'.

1 Sam 18:28

Jak'a ri Saúl xutz'et chi ri Jehová kan k'o-wi rik'in ri David y chuqa' ri rumi'al kan nrajo-wi.

Wuj Richin ri Rutikeribel 39:3

Y ri rajaw kan xunabej chi ri Jehová kan k'o-wi rik'in ri José, roma ronojel ri nuben rija', ri Dios kan nuben chire chi kan utz nel chuwech.

2 Crón 15:10

Re jun molojri'il re' xkiben k'a pa tinamit Jerusalem chupan ri rox ik' chire ri juna' wolajuj chire ri q'atbel-tzij richin ri Asá.

Ez 37:16

Rat Ezequiel, takanoj-pe ri tz'alem richin chi natz'ibaj re jun rutzijol re' chuwech: Richin ri rajawaren ri Judá y ri israelita ri ek'o rik'in. Chirij ri' takanoj jun chik ti tz'alem y tatz'ibaj chuqa' re rutzijol re' chuwech: Richin ri rajawaren ri José, ri q'atbel-tzij richin ri Efraín y ri ch'aqa' chik winaqi' israelita.

Wuj Richin ri Rutikeribel 26:28

Y rije' xkibij: Xqatz'et yan chi ri Jehová kan k'o-wi awik'in y qach'obon-pe chi tijunamatej-qawech y tiqabana' jun jikibel-tzij.

2 Crón 19:4

Xk'oje' k'a ri Josafat chiri' pa Jerusalem, jak'a nibe-nipe xuben chupan chijun ri ajawaren, nitiker-el pa Beerseba y napon k'a chuwi' taq juyu' richin Efraín. Xuben k'a chike ri winaqi' richin yetzolin rik'in ri Jehová ri ki-Dios ri kati't-kimama'.