2 Crón 15:8 - Kaqchiquel Bible

⁸ Toq ri Asá xrak'axaj ri ruch'abel ri Dios ri xuq'alajirisaj ri Azarías, kan xk'oje-el ruchuq'a' richin xerelesaj-el ronojel ri itzel taq wachibel ri kan ruk'amon richin ye'etzelex, ri ek'o chupan chijun ruwach'ulew Judá y ri ruwach'ulew Benjamín y chuqa' ri ek'o pa taq tinamit ri xeruch'ek, ri ek'o-el chuwi' taq juyu' richin ri ruwach'ulew Efraín. Chuqa' kan xuchojmirisaj ri porobel ri k'o-pe chuwech ri rachoch ri Jehová.

2 Crón 15:8 ပူးပေါင်းရင်းမြစ်များ

2 Crón 13:19

Ri Abiam xutzeqelibej-el ri Jeroboam, y kan xekich'ek kan re tinamit re', ri ek'o pa ruq'a': Ri Betel, ri Jesaná, y ri Efraín, y chuqa' ri kokoj taq kitinamit.

2 Crón 8:12

Chirij ri' ri Salomón xerusuj pa ruwi' ri porobel, chikopi' ri yeporox jumul

2 Crón 4:1

Chuqa' ri Salomón xuben jun porobel rik'in q'enq'oj-pueq; xuya' k'a wo'o' jaj rik'in ka'i' q'a'aj ri raqen y wo'o' jaj rik'in ka'i' q'a'aj ri ruwech y ka'i' jaj rik'in oxi' q'a'aj ri rujotolen.

1 Pedro 4:3

Xa man chik k'a tiben banobel ri xe'iben ojer kan, toq xa kan man xixk'ix ta xe'ibanala' ronojel ruwech etzelal. Kan xiben k'a ronojel ri xirayij, xixq'aber, xe'ibanala' nima'q taq wa'in richin xitej ya' y xiyala' kiq'ij ch'aqa' chik dios ri xa e banon.

Hechos 28:15

Ri qach'alal ri ek'o chiri' pa Roma kak'axan chik k'a chi yojapon. Roma ri' xojokik'ulu' ri pa bey, pa tinamit Foro richin Apio, y ri chiri' chuqa' pa Tres Tabernas. Toq ri Pablo xerutz'et k'a ri qach'alal ri', xumatioxij chire ri Dios. Y re' xuya' ruchuq'a' xuna' rija'.

Ez 8:10

Xinok k'a apo y xintz'et k'a ri tz'aq ri k'o chupan, nojineq ruwech rik'in wachibel kichin chikopi' ri e jepejeq y wachibel kichin chikopi' ri man e ch'ajch'oj ta y ronojel ruwech wachibel ri nikiya' kiq'ij ri nuwinaq.

Wuj Richin ri Jeremías 16:18

Kan xtinben chike chi xtikitoj ka'i' mul ri itzel taq kibanobal y ri kimak, roma rije' xkitz'ilobisaj ri nuruwach'ulew. Y rije' xekitorij kan ri itzel taq wachibel ri nikiya' kiq'ij achi'el ri kaminaqi' ri man e muqun ta. Xkiben chire chijun ri ruwach'ulew ri xinya' chike richin xkichinaj kan chi man jun rejqalen, roma xkiben itzel taq banobel chuwech ri kan man utz ta nintz'et yin, xcha' chuwe.

Wuj Richin ri Isaías 65:4

Kan ek'o k'a chiri' chikikojol ri jul richin muqbel, y nikik'owisaj aq'a' ri chiri'. Chuqa' kan nikitej ti'ij richin aq, y chupan ri kibojo'y k'o ruya'al q'utun ri man ch'ajch'oj ta.

Wuj Richin ri Isaías 44:14

Richin xuben re samaj re', rija' xuchoy jun tiox-che', jun k'isis ó jun paten-che', rija' xuya' q'ij chi ri che' ri' xk'iy-el pa taq k'echelaj. Rik'in juba' xa xutik-qa, y roma ri job kan chi'anin xk'iy.

2 Crón 29:18

Chirij re', k'ari' xe'ok-apo chupan ri jay akuchi nuq'et-wi-tzij ri rey Ezequías y xkibij chire: Xqach'ajch'ojirisaj yan ronojel ri rachoch ri Jehová y chuqa' ri porobel ri akuchi yesuj-wi chikopi' rachibilan ronojel ri samajibel. Xqach'ajch'ojirisaj chuqa' ri mesa akuchi yenuk'-wi ri kaxlan-wey rachibilan ronojel rusamajibal.

2 Crón 19:11

Jak'a ri Amarías ri nimalej sacerdote, ja rija' ri xtiq'aton-tzij pa ruwi' ronojel ri rusamaj ri Jehová, y ja ri Zebadías ruk'ajol ri Ismael, ri tata'al pa kiwi' ri aj pa rachoch ri Judá, ja rija' ri xtik'oje' pa ruwi' ronojel ri nibanatej chupan ri ajawaren. Chuqa' ri e levita kan ja rije' ri xketo'on iwichin chupan re samaj re'. Kan titija' k'a iq'ij richin niben ri samaj, y ja ri Jehová xtik'oje' iwik'in wi utz xkixsamej, xcha' ri rey.

2 Rey 23:13

Chirij re', ri rey kan xerelesaj-el chuqa' ri akuchi nikiya' kiq'ij wachibel pa ruwi' ri juyu' Olivo, ri k'o pa relebel-q'ij chire ri tinamit Jerusalem y xuwulaj-el ri porobel ri xerupaba' kan ri Salomón richin nikiya' kiq'ij ri itzel dios Astarté ri ki-dios ri aj-Sidón, ri Quemós ri ki-dios ri aj-Moab y ri Milcom ri itzel ki-dios ri aj-Amón.

2 Rey 18:22

Y wi rix nibij chuwe chi k'o nimabel-ik'u'x rik'in ri Jehová ri i-Dios, ¿man xrelesaj ta kami ri Ezequías ri akuchi niya'ox-wi ruq'ij ri Dios y akuchi nisuj kamelabel chuwech Rija', y xubij chi ri winaqi' aj-Judá y aj-Jerusalem nikiya' ruq'ij ri Dios xaxe pa ruwi' ri porobel ri k'o pa Jerusalem?

2 Rey 16:14

Ri porobel ri' banon rik'in q'eqapueq, ri Acaz xrelesaj-el ri porobel ri k'o-pe chuwech ri rachoch ri Dios, y xuya-qa ri k'ak'a' porobel ri akuchi k'o-wi ri rubanon kan. Y ri nabey porobel xk'oje' kan pa xaman chire ri k'ak'a' porobel. Y rija' xk'oje' kan chukojol ri k'ak'a' porobel y ri rachoch ri Jehová.

1 Rey 11:7

Y jari' toq ri rey Salomón xuteq k'a rupabaxik ri akuchi niya'ox-wi ruq'ij ri itzel ruwachibel Quemós ri dios kichin ri aj-Moab, ri chiri' pa ruwi' jun juyu' ri k'o pa relebel-q'ij ri chiri' pa Jerusalem, y chuqa' xuteq rupabaxik ri akuchi niya'ox-wi ruq'ij ri itzel ruwachibel Moloc ri dios kichin ri amonita.

1 Rey 11:5

roma ri Salomón xa xuya' ruq'ij ri dios ixoq rubini'an Astarté ri ki-dios ri aj-Sidón y ri itzel wachibel richin Milcom, ri ki-dios ri aj-Amón.

Wuj Richin ri Chojmirisabelri'il 18:30

Roma ri' kan tibana' k'a achi'el ri nubij ri pixa' ri nuya'on chiwe, y man tiben ri itzel taq banobel, roma yin kan ninwixowaj ri xekibanala' ri winaqi' ri ek'o nabey chiwech rix. Roma ri' kan man k'a tiben rix ri keri', richin keri' kan jantape' ix ch'ajch'oj chinuwech. Ja yin Jehová ri i-Dios ri yibin chiwe, xcha'.

2 Crón 17:2

Xeruya' k'a aj-labal ri chiri' pa taq tinamit ri e sutin-kij chi tz'aq ri e richin ri rajawaren rija', y chuqa' xeruya' chajinela' ri chiri' pa taq tinamit richin Efraín, tinamit ri e ruch'akon kan ri Asá.

2 Crón 19:4

Xk'oje' k'a ri Josafat chiri' pa Jerusalem, jak'a nibe-nipe xuben chupan chijun ri ajawaren, nitiker-el pa Beerseba y napon k'a chuwi' taq juyu' richin Efraín. Xuben k'a chike ri winaqi' richin yetzolin rik'in ri Jehová ri ki-Dios ri kati't-kimama'.

Wuj Kichin ri To'onela' 10:16

Y rije' kan man xekisamajij ta chik ri dios ri ek'o chikikojol, y xkiya' ruq'ij ri Jehová. Y rija' xq'axon ránima roma ri ruk'ayewal ri nikiq'axaj ri rutinamit.

1 Rey 15:9

Toq ri Jeroboam k'a k'es na, y chupan ri juna' juwineq richin ri ruq'atbal-tzij pa ruwi' ri Israel, jari' toq xok kan rey ri Asá, ri ruk'ajol ri Abiam, ri chiri' pa Judá.

San Mateo 25:16

Y ri samajel ri xk'ulun kan wo'o' k'ojelibel rik'in q'anapueq, kan xuben na wi ri bin kan chire. Rija' kan xusamajij k'a ri q'anapueq ri' y xuch'ek chik k'a jun keri'.