2 Crón 15:4 - Kaqchiquel Bible

⁴ Jak'a toq ek'o chupan ri ruk'ayewal, ri winaqi' ri' k'ari' xtzolin kik'u'x rik'in ri Jehová ri ki-Dios. Rije' kan xkikanoj chik k'a ri Jehová y kan xkil.

2 Crón 15:4 ပူးပေါင်းရင်းမြစ်များ

2 Crón 15:15

Konojel k'a ri winaqi' ri' kan janila xekikot roma ri ya'on-tzij ri xkiben, roma kan rik'in ronojel kánima xkiya' kitzij, y rik'in ronojel kik'u'x xkikanoj ri Jehová. Y ri Jehová kan xerak'axaj k'a, y xuya' uxlanibel-k'u'x kik'in chire ri oyowal.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

2 Crón 33:12

Y jak'a toq xuna' rukiy ri ruk'ayewal, k'ari' xch'on rik'in ri Jehová ri ru-Dios, ri ki-Dios kan ri rati't-rumama', y kan janila xuqasaj-ri' chuwech.

Wuj Richin Bix Chire ri Dios 106:44

Man rik'in ri' rija' kan xrak'axaj k'a toq xesik'in-q'anej rik'in, y rija' kan xeruto' toq ek'o pa tijoj-poqonal.

Wuj Richin ri Isaías 51:1

Ri Jehová nubij: Kiniwak'axaj k'a rix ri yixtzeqeliben ri ruchojmilal, rix ri yixkanon wichin yin. Titzu' jebel ri nimalej abej achoq ik'in xixelesex-pe.

Wuj Richin ri Isaías 55:6

Kinikanoj k'a yin rokik k'a yiniwil na, kan kiniwoyoj rokik naqaj ink'o-wi chiwe.

Wuj Richin ri Isaías 55:7

Ri winaqi' ri janila e itzel kan tikiya' kan ri itzel taq kibanobal; chuqa' ri kamisanela' kan tikiya' kan ri itzel kich'obonik. Kan titzolej k'a pe kik'u'x wik'in yin Jehová, y yin kan xtinjoyowaj kiwech y ninkuy ri kimak.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Romanos 10:20

Jak'a kan más kow nich'on ri tz'ibatel kan roma ri Isaías, toq xubij ri Dios:*f37* Ri kan man jun bey in kikanon, ja rije' xe'ilo wichin. Ri man jun bey in kik'utun, chikiwech rije' xink'ut-wi-wi', nicha'.