2 Crón 15:3 - Kaqchiquel Bible

³ Ri ojer kan, chupan ri ruwach'ulew Israel, ri winaqi' man xkikanoj ta ri k'aslik Dios, e maneq sacerdote richin yetijon y maneq chik kik'in ri pixa' ri ya'on kan chike.

2 Crón 15:3 ပူးပေါင်းရင်းမြစ်များ

2 Crón 17:7

Y chupan ri rox juna' chire ri ruq'atbal-tzij xeruteq-el wo'o' tata'al richin yebetijon pa taq tinamit richin ri ajawaren richin Judá. Y rije' kibini'an Ben-hail, Abdías, Zacarías, Natanael y Micaías.

Wuj Richin ri Nehemías 8:9

Konojel k'a ri winaqi' toq xkak'axaj ri nubij ri pixa' janila k'a xe'oq'. Yin Nehemías, ri sacerdote Esdras y ri e levita ri yojq'axan chikiwech ri winaqi', xqabij k'a chike: Man jun k'a chiwe rix tibison, ni man jun toq', roma re q'ij re' kan ch'aron-wi chire ri Jehová ri qa-Dios, xojcha'.

Wuj Richin ri Jeremías 10:10

Jak'a rat Jehová kan at qitzij Dios. Ja rat ri at k'aslik Dios, rey richin q'asen. Toq nipe awoyowal, ri ruwach'ulew kan nisilon y ri tzobaj taq winaqi' man yetikir ta nikikoch' ri awoyowal.

Wuj Richin ri K'uxla'anik 2:9

Ri che' richin ri okibel xetzaq y xemuqutej yan; y ri ch'ich' ri e q'ebalon chirij xa xetalutej. Ri rey y ri e tata'al ek'o nej chupan ri ximonri'il, chikikojol ri winaqi' ri maneq Dios chikiwech. Ri pixa' ri xya'ox chiqe xa maneq chik, y ri e q'alajirisey ruch'abel ri Dios kan man jun chik ri xk'ut chikiwech.

Os 3:4

Keri' chuqa' ri tinamit Israel, kan k'iy k'a q'ij xkek'oje' chi maneq ki-rey. Man xkek'oje' ta chik k'a tata'al chikikojol, Man xtikisuj ta chik kamelabel q'ij-q'ij, ni ri paban taq abej, ni ri efod, ni ri ch'aqa' chik ki-dios man xkek'oje' ta chik kik'in.

Wuj Richin ri Chojmirisabelri'il 10:11

Y chuqa' ye'itijoj ri iwinaq rik'in ronojel pixa' ri nuya'on chiwe, ri kan iwichin rix ri nuya'on chik chire ri Moisés, xcha' ri Jehová.

Wuj Richin ri Chojmirisabelri'il 10:8

Xeri' ri Jehová xch'on rik'in ri Aarón y xubij chire:

Am 8:11

Ri Jehová ri k'o pa ruwi' ronojel kere' nubij: Xtipe k'a ri q'ij toq janila xkixwayjan, jak'a man xkixwayjan ta roma niwajo' yixwa-yixuk'ya'. Xa xkixwayjan roma niwajo' chi k'o ta ri nitzijon chiwe ri nuch'abel, yin Jehová.

Wuj Richin ri Miqueas 3:11

Ri e q'atoy taq tzij xa k'o chi yepuaqix na richin nikiq'et-tzij. Ri e sacerdote xa roma k'a méro toq yetijon. Y ri e q'alajirisanela' xa kan nikik'utuj kajel richin nikibij ri niq'alajirisex chikiwech. Stape' rije' nikiben ronojel re', kan nikibij chi ri Jehová kan k'o kik'in. Y chuqa' nikibij chi man jun ruk'ayewal xtiqaqa pa kiwi' rije' roma kan k'o ri Jehová kik'in.

Wuj Richin ri Malaquías 2:7

Rix sacerdote ja ta rix ri ix uk'uey rutzijol, y ri isamaj ja ta ri ye'itijoj ri winaqi' richin niketamaj nuwech yin Jehová ri in k'iytisanel richin ronojel. Y ri winaqi' k'o chi nikikanoj ri tijonik iwichin rix.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

Romanos 2:12

Ri winaqi' ri man ketaman ta ri pixa' ri richin ri Moisés y yemakun, man nik'atzin ta ri pixa' ri' richin niq'at-tzij pa kiwi'. Jak'a ri winaqi' ri ek'o chuxe' ri pixa' y yemakun, kan rik'in ri pixa' ri' niq'at-tzij pa kiwi'.

1 Corintios 9:21

Y toq yik'oje' chikikojol ri winaqi' ri man e judío ta, ri man ek'o ta chuxe' ri rupixa' ri Moisés, kan ninna' k'a qa wi' chi man in judío ta. Keri' ninben roma ninwajo' chi rije' chuqa' nikikuquba' kik'u'x rik'in ri Cristo. Jak'a chuqa' man ninbij ta chi ninmestaj kan ri rupixa' ri Dios, roma kan ninben-wi ronojel ri xubij ri Cristo.

Deut 33:10

Rix xtik'ut ri q'atbel-tzij chikiwech ri iwinaq israelita, xtik'ut ri pixa' chuwech ri itinamit. Xtiporoj k'a ri pom chuwech ri Jehová, y xtisuj ri chikop pa ruwi' ri porobel.

1 Tesalonicenses 1:9

Ja winaqi' ri' ri yetzijon chi toq xojapon iwik'in, xojik'ul jebel. Nikitzijola' chuqa' chi xikuquba' ik'u'x rik'in ri k'aslik Dios richin nisamajij, y man xiya' ta chik kiq'ij wachibel.

1 Timoteo 3:2

Jak'a kan k'atzinel chi ruk'uan jun k'aslen utz, richin chi man jun niyako pe tzij chirij. K'o chi xaxe jun rixjayil,*f1* nuna' jebel ri yerubanala', retaman nuq'il ri' chuwech ri mak, ruk'amon chi ninimex rutzij, kan jebel yeruk'ul-apo ri ye'apon pa rachoch y jebel nuk'ut ri ruch'abel ri Dios,

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.