2 Crón 15:2 - Kaqchiquel Bible

² y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

2 Crón 15:2 ပူးပေါင်းရင်းမြစ်များ

1 Rey 11:25

Kan xretzelaj ri tinamit Israel janipe' xk'ase-el ri rey Salomón. Ri Hadad y ri Rezón, rey pa ruwi' ri ruwach'ulew Siria, kan janila k'a chi etzelal xkiben chire ri Salomón.

1 Rey 18:18

Y ri Elías xubij: Yin man nusachon ta kik'u'x ri qawinaq israelita: Ja rat y ri ek'o pa rachoch ri atata'. Rix xa xiya' k'a kan ri rupixa' ri Jehová richin xe'itzeqelibej ri Baal.

2 Rey 21:14

Y ri juba' ri xkekolotej kan, xkenmalij y kan xkenjech pa kiq'a' ri e etzelanel kichin. Xkechap k'a el y xtimaj ronojel chike koma ri e etzelanel kichin,

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

2 Crón 11:12

Y chuqa' chupan ronojel ri tinamit ri' xeruyala' tobel y kum, y kan xkiben achi'el ri nubij rija' chike ri e rijatzul kan ri Judá y ri Benjamín.

2 Crón 12:5

K'ari' ri Semaías ri q'alajirisey ruch'abel ri Dios xbe rik'in ri Roboam, y ri e tata'al richin ri Judá ri kimolon-ki' pa Jerusalem roma ri oyowal ri nuben ri Sisac. Y xubij k'a ri Semaías chike: Ri Jehová nubij chi roma rix ximalij kan rija', keri' chuqa' rija' xkixrumalij kan pa ruq'a' ri Sisac, xcha' ri Semaías.

2 Crón 13:12

Tiwetamaj k'a, chi ri Dios kan ja rija' ri k'o pa qawi' roj y ri e ru-sacerdote kan koyoben richin nikixupuj ri trompeta richin retal labal chiwij rix. Roma ri' rix aj-Israel, man tiben oyowal rik'in ri Jehová ri qa-Dios roj y ri ki-Dios kan ri qati't-qamama', roma kan man utz ta xtel chiwech, xcha'.

2 Crón 13:4

K'ari' ri Abiam pa'el pa ruwi' ri juyu' rubini'an Semaraim, ri k'o chuwi' taq juyu' richin ri ruwach'ulew Efraín, y xureq-apo ruchi', y xubij: ¡Rat Jeroboam y rix israelita, kinawak'axaj!

2 Crón 15:15

Konojel k'a ri winaqi' ri' kan janila xekikot roma ri ya'on-tzij ri xkiben, roma kan rik'in ronojel kánima xkiya' kitzij, y rik'in ronojel kik'u'x xkikanoj ri Jehová. Y ri Jehová kan xerak'axaj k'a, y xuya' uxlanibel-k'u'x kik'in chire ri oyowal.

2 Crón 15:4

Jak'a toq ek'o chupan ri ruk'ayewal, ri winaqi' ri' k'ari' xtzolin kik'u'x rik'in ri Jehová ri ki-Dios. Rije' kan xkikanoj chik k'a ri Jehová y kan xkil.

2 Crón 20:15

y roma ri' rija' xubij: Tiwak'axaj k'a chi'iwonojel rix ri ix richin ri ajawaren richin Judá, chuqa' rix aj-Jerusalem, y rat rey Josafat. Ri Jehová nubij chiwe chi man tixibij-iwi' y man kixmayamo-qa chikiwech ri janila chi winaqi' ri e peteneq chiwij, roma re labal re' man iwichin ta rix, xa kan richin ri Jehová.

2 Crón 20:17

Man ja ta rix ri xkixbanon oyowal; rix xaxe kixpa'e' chiri' y tiwoyobej, y kan xtitz'et k'a chi ri Jehová xkixrukol. Rix winaqi' aj-Jerusalem y chuqa' rix ri ix richin ri ajawaren richin Judá, man tixibij k'a iwi' y man kixmayamo-qa; kixbiyin k'a chikij ri chua'q, y ri Jehová kan xtik'oje' iwik'in, keri' nubij ri Jehová, xcha' ri Jahaziel chike.

2 Crón 20:20

Ri ruka'n q'ij, xeyakatej nimaq'a' yan richin yebe pa tz'iran ruwach'ulew ri k'o chunaqaj ri tinamit Tecoa, y toq rije' ye'el yan el, ri Josafat xpa'e-q'anej y xubij chike konojel: Kiniwak'axaj chi'iwonojel nuwinaq. Kan tiqakuquba' qak'u'x rik'in ri Jehová ri qa-Dios y keri' kan xtik'oje' k'a quchuq'a'; chuqa' tiqakuquba' qak'u'x kik'in ri q'alajirisey ruch'abel ri Dios y kan utz k'a xtel ronojel chiqawech, xcha' chike.

2 Crón 24:20

K'ari' ri Espíritu richin ri Dios xpe rik'in ri Zacarías, ruk'ajol kan ri Joiadá. Y xapon kik'in ri winaqi' y xpa'e' chikiwech akuchi ri más pa jotol, y xubij: Kere' nubij ri Dios: ¿Achike roma rix man itaqen ta ri nupixa'? ¿Achike roma xa iyon rix xikanoj ruk'ayewal? Roma rix xa xinimalij kan, keri' chuqa' yin xkixinmalij kan, nicha' ri Jehová, xcha'.

2 Crón 26:5

Rokik k'es ri Zacarías ri rutijonel, ri Ozías kan xuya' ruq'ij ri Jehová, y roma ri' ri Jehová kan xuben chire chi utz xel chuwech ronojel.

2 Crón 32:8

Rija' xa achi'a' ri yeto'on richin; jak'a roj kan ja ri Jehová ri qa-Dios yojto'on chupan re oyowal re', xcha'. Toq xkak'axaj ri ruch'abel ri rey Ezequías, ri winaqi' kan xk'oje' k'a kuqubabel-k'u'x kik'in.

2 Crón 33:11

Y roma ri' ri Jehová xeruk'en-pe aj-raqen kichin ri aj-labal aj-Asiria chikij. Xkixim k'a el ri Manasés rik'in cadena ri banon rik'in q'enq'oj-pueq, y k'ari' xkik'uaj-el pa Babilonia.

2 Crón 33:12

Y jak'a toq xuna' rukiy ri ruk'ayewal, k'ari' xch'on rik'in ri Jehová ri ru-Dios, ri ki-Dios kan ri rati't-rumama', y kan janila xuqasaj-ri' chuwech.

2 Crón 34:3

Chupan k'a ri waqxaqi' juna' chire ri ruq'atbal-tzij, rija' kan k'a ala' na. Man rik'in ri', kan xukanoj k'a ri ru-Dios ri David ri rumama'. Y chupan k'a ri kablajuj juna' chire ri ruq'atbal-tzij xuchop rujosq'ixik ri tinamit Jerusalem y chijun ri Judá, chire ri akuchi nikiya-wi kiq'ij ri wachibel ri pa ruwi' taq juyu', ri paban-che' richin Asera, ri wachibel e paban y ri wachibel ri e ya'erisan pa q'aq'.

Wuj Richin ri Esdras 8:22

Xqaben keri' roma yin kan xik'ix k'a richin nink'utuj chire ri rey, richin yeruteq achi'a' ri yech'oke' chikij kiej, richin chi yojkito' chikiwech ri e etzelanel qichin chupan ri bey. Y chuqa' roma xa kan xqabij yan chire ri rey chi ri Dios kan yojruto' qonojel ri yojkanon richin. Jak'a ri nimalej ruchuq'a' y ri labal kan k'o pa kiwi' ri winaqi' ri nikimalij kan rija'.

Wuj Richin Bix Chire ri Dios 34:4

Yin xinkanoj k'a ri Jehová, y rija' kan xirak'axaj. Xirukol k'a chuwech ronojel ri nuxibinri'il.

Wuj Richin Bix Chire ri Dios 53:2

Ri Jehová nitzu'un-pe k'a chila' chikaj pa kiwi' ri winaqi'. Nitzu'un-pe, richin nutz'et wi k'o ta jun aj-na'oj ri nikanon ta richin rija'.

Wuj Richin ri Isaías 45:19

Yin kan man in ch'owineq ta pan ewel, ni ta pa jun k'ojelibel akuchi janila q'equ'm chire ri ruwach'ulew. Man nubin ta chike ri winaqi' israelita chi kinkikanoj pa jun tz'iran ruwach'ulew. Ja yin Jehová, ri ninbij ri qitzij, y kan ninq'alajirisaj ri ruchojmilal, ncha' ri Dios.

Wuj Richin ri Isaías 51:1

Ri Jehová nubij: Kiniwak'axaj k'a rix ri yixtzeqeliben ri ruchojmilal, rix ri yixkanon wichin yin. Titzu' jebel ri nimalej abej achoq ik'in xixelesex-pe.

Wuj Richin ri Isaías 7:13

K'ari' ri Isaías xubij: Tiwak'axaj k'a rix ri ix rijatzul kan ri rey David: ¿Kan achi'el niben chike ri winaqi' toq niyek koyowal y kan keri' chuqa' niwajo' niben chire ri qa-Dios?

Wuj Richin ri Jeremías 2:17

Kere' xik'uluwachij roma xa xinimalij kan yin, yin ri in iwajaw, ri i-Dios, ri kan ix nuyuqen chupan ri bey.

Am 5:14

Rix nibij chi yin Jehová ink'o iwik'in. Roma ri' tikanoj ri utz y man tiben ri itzel, richin keri' xkixk'ase' chi utzil. K'ari' kan qitzij chi xkik'oje' iwik'in, yin Jehová, ri Dios ri k'o ronojel uchuq'a' wik'in.

Wuj Richin ri Q'axanri'il 14:42

Man kixbe-el ri pa ruwach'ulew ri', roma wi yixbe ri Jehová man nibe ta iwik'in, xa choj yixbech'akatej-pe, koma ri winaqi' ri aj chiri' ri e etzelanel iwichin.

Wuj Richin ri Q'axanri'il 14:43

Roma ri amalecita y chuqa' ri cananeo xa kan xtikipaba-ki' chiwech, richin xtikiben oyowal iwik'in y xkixkikamisaj chi espada. Ri Jehová kan man xtibe ta iwik'in, roma rix xa man xiwajo' ta chik xitzeqelibej rija', xcha'.

San Mateo 13:9

Ri k'o rak'axabal, kan trak'axaj k'a ri xinbij, xcha' ri Jesús.

Deut 20:1

Toq rix xkixbe pa labal kik'in ri etzelanel iwichin, y kan xke'itz'et chi ek'o janila kikiej y ki-carruaje e richin labal y kan janila e k'iy ri aj-labal más ke chiwech rix, man tixibij-iwi' chikiwech, roma rix man iyon ta ixk'o, kan k'o ri Jehová ri qa-Dios iwik'in, ri xojelesan-pe pan Egipto.

Deut 31:17

Y chupan ri q'ij ri' ri nuq'aq'alen kan xtiqaqa k'a pa kiwi'. Kan xkenmalij k'a kan y man xkento' ta chik. Y kan xtipe k'a k'iy ruk'ayewal y tijoj-poqonal pa kiwi' k'a toq xkenk'is. K'ari' rije' xtikik'utuj ri achike roma maneq chik ri Jehová kik'in y achike roma qajineq re ruk'ayewal re' pa kiwi'.

Deut 4:29

Jak'a wi rix kan nikanoj ri Jehová ri qa-Dios rik'in ronojel ri iwánima y rik'in ronojel ik'u'x, kan xtiwil.

Hebreos 10:38

Ri winaqi' ri choj kik'aslen kan xkek'ase' rik'in ri kikuqubabel-k'u'x. Jak'a wi xkinkimalij kan, man xtikikot ta ri wánima kik'in.

Hebreos 12:25

Tiqachajij-qi' richin chi man ta niqetzelaj ri nubij ri Dios chiqe, roma wi ri qati't-qamama' ri xketzelaj ri xbix chike y roma ri' xqaqa ri ruk'ayewal pa kiwi'. Kan keri' chuqa' roj kan xtiqa-wi ruk'ayewal pa qawi', wi man xtiqak'axaj ta ri ch'abel ri nipe chila' chikaj.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

Wuj Richin ri Josúe 22:31

K'ari' ri Finees xubij chike ri ka'i' tzobaj rik'in nik'aj: Wakami xq'ax chiqawech chi ri Jehová kan k'o-wi chiqakojol. Rix man xiben ta re' richin xixyakatej chirij ri Jehová. Wakami xojijech'ej chuwech ri ruk'ayewal ri nuya' ri Dios pa qawi' roj, xcha'.

Wuj Richin ri Josúe 24:20

Wi niya' kan ri Jehová y nisamajij jun chik dios ri man ja ta qa-Dios roj, rija' xtuya' ri ruk'ayewal pan iwi' y xkixruk'is, stape' kan jebel rubanon chiwe, xcha'.

Apocalipsis 2:11

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike k'a ri xtich'akon, man k'a xtapon ta chupan ri tijoj-poqonal richin ri ruka'n kamik, kacha' chike, xcha' chuwe.

Apocalipsis 2:17

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike k'a ri xtich'akon, kan xtinya' k'a ri aj-chikajil-wey chire ri ewan.*f1* Y chuqa' xtinjech k'a jun ti seq abej chire, ri akuchi tz'ibatel-el jun k'ak'a' bi'aj, y xaxe ri nik'ulun richin ri netaman, kacha' chike, xcha' chuwe.

Apocalipsis 2:29

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela', kacha' chike, xcha' chuwe.

Apocalipsis 2:7

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike ri xtich'akon, xtinya' q'ij chire richin nutej ruwech ri che' ri nuya' k'aslen, ri k'o pa runik'ajal ri qejoj ri kan nik'ases ri richin ri Dios, kacha' chike, xcha' chuwe.

Apocalipsis 3:13

Roma ri' ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela', kacha' chike, xcha' chuwe.

Apocalipsis 3:22

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela', kacha' chike, xcha' ri Jesús.

Apocalipsis 3:6

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela', kacha' chike, xcha' chuwe.

Wuj Kichin ri To'onela' 10:13

Jak'a rix xa xinimalij kan, y xe'isamajij ri ch'aqa' chik dios. Roma ri' yin man xkixinkol ta chik.

Wuj Kichin ri To'onela' 9:7

Toq ri Jotam xunabej ronojel re', rija' xjote-q'anej pa ruwi' ri juyu' Guerizim, y chiri' rik'in janila uchuq'a' xch'on-pe y xubij: Kiniwak'axaj chi'iwonojel rix achi'a' aj-Siquem, y ri Dios kan xtrak'axaj ri xtibij rix.

1 Sam 12:14

Kan iwik'in k'a rix y ri rey nik'oje-wi kan: Wi nik'oje' rukiy ri Jehová chiwech, wi xtisamajij, wi xtiwak'axaj ri ruch'abel y wi kan xkixok nimey-tzij richin ri ruch'abel ri Jehová.

1 Sam 12:15

Jak'a wi rix man xtiwak'axaj ta ri ruch'abel ri Jehová y kan man xkixniman ta chire, jari' k'a toq rija' kan xtuya' ri rutojbalil-mak pan iwi' rix y pa ruwi' ri i-rey.