2 Crón 15:16 - Kaqchiquel Bible

¹⁶ Y chuqa' xuben chire ri Maacá ri rati't chi xel-pe chupan ri q'atbel-tzij, roma rija' rubanon-q'anej jun itzel ruwachibel Asera. Ri Asá xuwulaj-el ri wachibel ri', y k'ari' xberuboxo' pa q'aq' chuchi' ri siwan ri napon-qa pa ch'uti'n raqen-ya' Cedrón.

2 Crón 15:16 ပူးပေါင်းရင်းမြစ်များ

2 Rey 23:15

Ri Josías xbe pa Betel ri akuchi k'o-wi ri porobel ri xuben kan ri Jeroboam ri ruk'ajol ri Nabat, ri xuben chi ri israelita xemakun, ri akuchi nikiya' kiq'ij wachibel. K'ari' ri Josías chaq k'ate' xutz'et muqbel ri ek'o chiri', xuben chi xe'elesex-pe ri baq ri ek'o chupan, y ri baq ri' xeruporoj pa ruwi' ri porobel richin nuben chire chi man jun rejqalen, kan achi'el ri ruch'abel ri Jehová ri xuq'alajirisaj kan ri achin richin ri Dios toq xch'on chirij ronojel re'. Chirij ri' xuwulaj ri porobel y xuporoj ri paban-che' richin Asera y ronojel ri ek'o chiri'.

2 Rey 23:6

Y chuqa' xberelesaj-pe ri paban-che' richin Asera ri k'o chiri' pa rachoch ri Jehová, y xuk'uaj k'a el chuchi' ri tinamit ri akuchi yemuq-wi ri winaqi' rik'in ri siwan ri napon-qa pa ch'uti'n raqen-ya' Cedrón. K'ari' xuporoj y xuben chi xjok' ri k'o kan, y xtalux pa kiwi' ri kaminaqi'.

1 Rey 15:10

Y rija' xq'aton-tzij kawineq jun juna' chiri' pa Jerusalem. Ri rati't rubini'an Maacá, y re ixoq re' rumi'al ri Absalón.

1 Rey 15:2

Y rija' xq'aton-tzij oxi' juna' chiri' pa Jerusalem. Ri rute' rubini'an Maacá, y re ixoq re' rumam ri Absalón.

Ex 34:13

Xa kan xtiyojola' k'a el ri kiporobal y xke'iwulaj-el ri wachibel e paban y kan xtichoy k'a el ri ki-dios Asera.

2 Corintios 5:16

Roj re wakami y ri chiqawech-apo man jun chik wineq ri xtiqatzu', achi'el nikitzu' ri aj-ruwach'ulew. Stape' roj chuqa' xqach'ob chirij ri Cristo, chi rija' xa achi'el xabachike wineq. Jak'a re wakami man chik keri' ta niqach'ob chirij.

Marcos 3:21

Toq ri e rach'alal ri Jesús xkinabej-pe, xe'apon richin nibekik'ama-pe, roma xkich'ob chi ri Jesús xa xch'ujer.

Wuj Richin ri Zacarías 13:3

Y wi k'a k'o ta na jun ri nuben keri', ri rute-rutata' xtikibij chire chi rija' ruk'amon richin niken, roma nubij tz'ukun taq tzij pa nubi' yin. Y toq nich'on, ri rute-rutata' kan xtikichuq'ij pa rupan.

2 Crón 34:7

Y xeruwulaj k'a kan ronojel porobel, ronojel ri paban-che' richin ri Asera y ronojel ri ch'aqa' chik wachibel e paban. Ronojel re' xeruk'ajij kan y xuben poqolaj chike. Keri' chuqa' xeruwulaj kan ronojel ri porobel-pom. Y chirij ronojel re' xtzolin pa Jerusalem.

2 Rey 23:12

Y chuqa' xeruwulaj-el ri porobel ri ek'o kan pa ruwi' ri taq'aj-ruwi' rachoch ri Acaz, ri kibanon kan ri ch'aqa' chik rey. Chuqa' xerelesaj-el ri porobel ri rubanon kan ri Manasés ri ek'o chupan ri ka'i' ruwa-jay richin ri rachoch ri Jehová. Xuk'ajij-el y k'ari' xberuk'aqa' pa siwan ri napon-qa pa ch'uti'n raqen-ya' Cedrón.

Deut 33:9

Rix kan más k'a xiwajo' ri jikibel-tzij chikiwech ri ite-itata'. Rix kan más k'a xiwajo' xinimaj ri ruch'abel ri Dios chikiwech ri iwach'alal, y ri iwalk'ual.

Deut 9:21

Xeri' xinchop ri ruwachibel ri nima-alaj achij wákix ri xkiben, ri achoq ik'in xemakun-wi, xinwulaj y xinporoj. K'ari' xinben poqolaj chire, y xinjopij pa ruwi' ri ch'uti'n raqen-ya' ri xulan-pe kojol juyu'.

Deut 7:5

Ke'iwulaj ronojel ri porobel, ri wachibel, ri paban taq che' ri nikiya' ruq'ij; kan ke'iporoj k'a kan.

Wuj Richin ri Chojmirisabelri'il 26:30

Kan xkenwulaj k'a ri akuchi niya-wi kiq'ij ri i-dios pa ruwi' taq juyu', xkenwulaj chuqa' ri porobel ri akuchi niporox-wi pom y kan xkixinkamisaj. Y xtinmontonij k'a ri ich'akul junan kik'in ri i-dios ri chuqa' maneq kik'aslen, y kan xkixinwixowaj.

Ex 32:20

Xeri' ri Moisés xberuk'ama-pe ri wachibel richin ri wákix ri kibanon y xubox pa q'aq'. Xeri' xrelesaj-pe pa q'aq' y xuben chi xkok'ix ri wachibel ri', ri banon rik'in q'anapueq. K'ari' xujopij pa ruwi' ri ya' y xuben chike ri ruwinaq chi xkiqum ri ya' ri'.

San Juan 18:1

Toq ri Jesús rubin chik k'a ronojel re', rija' e rachibilan ri rutijoxela' xel-pe. K'ari' xebe k'a juk'an ruchi' ri ti ch'uti'n raqen-ya' Cedrón, akuchi k'o jun qejoj, y chiri' k'a xe'ok-apo.

2 Crón 15:17

Ri ránima rija' kan xuya' k'a richin xuben ri xrajo' ri Jehová chupan chijun ruk'aslen, stape' xa man xeruwulaj ta el ri akuchi xya-wi kiq'ij ri ch'aqa' chik dios ri pa ruwi' taq juyu'.

2 Crón 29:16

Xe'ok k'a apo ri e sacerdote chupan ri rachoch ri Jehová richin xkich'ajch'ojirisaj. Y xkelesaj k'a pe chuwa-jay ronojel ri man utz ta ri ek'o chiri' chupan ri rachoch ri Jehová. Y ri e levita xkik'uaj-el ronojel richin xbekik'aqa' kan k'a pa siwan ri akuchi niq'ax-wi ri ti ch'uti'n raqen-ya' Cedrón.

2 Rey 23:4

K'ari' ri rey xuteq rubixik chire ri Hilquías ri nimalej sacerdote, ri ch'aqa' chik sacerdote y ri e chajiy ruchi' ri rachoch ri Dios, chi kekelesaj-pe ri chiri' pa rachoch rija', ronojel ri banon richin ri Baal, richin ri Asera y kichin ri ek'o chuwech ri kaj. Ronojel re' xerelesaj-el k'a chuchi' ri tinamit Jerusalem chiri' pa siwan ri napon-qa pa ch'uti'n raqen-ya' Cedrón. K'ari' ri rey chiri' k'a xeruporoj-wi. Y ri kichajul xuk'uex-el pa tinamit Betel.

2 Crón 30:14

Xekiwulaj k'a el ronojel ri ch'aqa' chik porobel richin chikop y richin pom ri ek'o chiri' pa Jerusalem, y k'ari' xebek'aq kan pa siwan ri akuchi niq'ax-wi ri ch'uti'n raqen-ya' Cedrón.