2 Crón 14:4 - Kaqchiquel Bible

⁴ Chirij re' xubij chike ri aj-Judá richin nikitzeqelibej ri Jehová ri ki-Dios, ri chuqa' kichin kan ri kati't-kimama'. Ri Asá kan xuben k'a chike ri ruwinaq chi tikitaqej ronojel ri pixa' ri ruya'on kan ri Jehová.

2 Crón 14:4 ပူးပေါင်းရင်းမြစ်များ

Am 5:4

Yin Jehová kere' ninbij chiwe rix israelita: Titzolej-pe ik'u'x wik'in yin y xkixk'ase' chi utzil.

Wuj Richin Bix Chire ri Dios 119:10

Yin kan rik'in k'a ronojel wánima atinkanon-pe. Man taya' q'ij chi ninch'er kan wi' chire ri apixa'.

Wuj Richin ri Nehemías 13:9

Y xinbij chi tich'ajch'ojirisex jebel ri jay ri', y keya'ox jun bey chik pa kik'ojelibal ri samajibel richin ri rachoch ri Dios, y chuqa' ri sipanik y ri pom.

2 Crón 33:16

Xuchojmirisaj chik el ri porobel richin ri Jehová, y pa ruwi' ri' xusuj-wi ri sipanik richin nuq'alajirisaj chi junan ruwech rik'in ri Jehová y chuqa' ri sipanik richin matioxinik. Y xubij chike konojel winaqi' aj-Judá chi tikisamajij ri Jehová, ri ki-Dios.

2 Crón 30:19

Jehová Dios kichin ri qati't-qamama'; takuyu' kimak, stape' man kich'ajch'ojirisan ta ki' achi'el ri tz'ibatel kan chupan ri pixa', xcha'.

2 Crón 30:12

Chuqa' pa ruwach'ulew Judá, ri Dios kan xusiloj k'a ri kánima ri winaqi' richin tikibana' ri rubin kan rija' chire ri rey y ri e tata'al.

2 Crón 29:30

Chirij re' ri rey y ri e tata'al xkibij chike ri e levita richin tikiya' ruq'ij ri Jehová rik'in bix ri rubanon kan ri David y ri Asaf ri nitz'eton ri peteneq. Y rije' kan xkiben rik'in janila kikoten y chuqa' xexuke' richin xkiya' ruq'ij ri Dios.

2 Crón 29:27

K'ari' ri Ezequías xubij chi tisuj ri chikop ri niporox chijun pa ruwi' ri porobel. Y toq xchap ruporoxik ri chikop, chuqa' jari' toq xchap rubixaxik ri bix richin niya'ox ruq'ij ri Jehová, y chuqa' xexupux ri trompeta e rachibilan ri ruq'ojom kan ri rey David.

2 Crón 29:21

Xekik'uaj k'a wuqu' nima-alaji' achija' taq wákix, wuqu' achija' karne'l, wuqu' alaji' taq karne'l y wuqu' achija' tzuntzun, richin nikisuj richin nikuyutej kimak ri winaqi' aj pa rachoch ri rey, ri winaqi' aj-Judá y richin nich'ajch'ojir ri jay richin ri Jehová. K'ari' ri rey xubij chike ri e sacerdote ri e rijatzul kan ri Aarón chi kekisuju' ri chikopi' ri' chuwech ri porobel richin ri Jehová.

2 Crón 11:16

Toq ri e sacerdote y ri e levita xe'el-pe pa ruwach'ulew Israel, chuqa' konojel ri winaqi' israelita ri kan rik'in ronojel kánima nikikanoj ri Jehová, xepe pa Jerusalem junan kik'in rije', richin nikisuj kamelabel chuwech ri Jehová, ri ki-Dios y ri Dios kichin ri kite-kitata'.

1 Sam 3:13

Y kan xtink'ut k'a chuwech chi ja yin xkiq'aton-tzij pa ruwi' rija' y pa kiwi' ri aj pa rachoch, roma rija' retaman chik ri itzel taq kibanobal ri e ruk'ajol ri nikiben chinuwech. Y rija' kan xretamaj y man e relesan ta el chiri'.

Wuj Richin ri Josúe 24:15

Wi man niqa' ta chiwech nisamajij ri Jehová, kan ticha' k'a wakami ri achike ri nisamajij; wi ja ri dios ri xkisamajij ri qate-qatata' toq xek'oje' ri juk'an chik chire ri raqen-ya' Éufrates, o ja ri ki-dios ri amorreo ri akuchi ixk'o-wi wakami. Jak'a yin y ri e aj pa wachoch kan ja k'a ri Jehová ri xtiqasamajij, xcha'.

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

2 Crón 14:3

Xerelesaj-el ri porobel kichin ri ch'aqa' chik dios ri ek'o pa ruwi' taq juyu' y xeruyoj jumul ri akuchi niya'ox-wi kiq'ij. Chuqa' xerupaxij ronojel ri paban taq abej y chuqa' ri ruwachibel ri dios ixoq rubini'an Asera.

2 Crón 14:5

Chuqa' xerelesaj chupan ronojel tinamit ri k'o pa ruwach'ulew Judá, ri akuchi niya'ox-wi kiq'ij ri ch'aqa' chik dios y chuqa' akuchi niporox-wi pom. Y roma keri' xuben rija', kan xk'oje' k'a uxlanibel-k'u'x janipe' xuq'et-tzij.