2 Crón 14:14 - Kaqchiquel Bible

¹⁴ Chuqa' xekich'ek kan ri ch'aqa' chik tinamit ri ek'o chunaqaj ri Guerar, roma ri nimalej xibinri'il richin ri Jehová xqaqa pa kiwi'. Ri aj-Judá xekik'is k'a kan konojel winaqi' kichin ri tinamit ri', y xkik'en-pe ronojel ri k'o rejqalen ri k'o kik'in, roma chiri' janila beyomel k'o.

2 Crón 14:14 ပူးပေါင်းရင်းမြစ်များ

2 Crón 17:10

Ri Jehová xuben k'a chi konojel ri q'atbel-tzij richin ri ruwach'ulew ri ek'o chunaqaj ri Judá xqaqa jun nimalej xibinri'il pa kiwi', y keri' kan man xetikir ta chik xkiben oyowal rik'in ri Josafat.

Wuj Richin ri Rutikeribel 35:5

Y rije' xe'el k'a el chiri', y ri Dios xuben chike ri winaqi' ri ek'o chiri' chi xqaqa jun nimalej xibinri'il pa kiwi', y jari' ri xbanon chike chi man xeyakatej ta el chikij.

2 Crón 20:29

Toq konojel ruwach'ulew xketamaj chi ja ri Jehová ri xbanon ri oyowal kik'in ri e etzelanel kichin ri aj-Judá, jari' toq xkik'en janila rukiy ri Jehová.

Romanos 8:37

Jak'a chupan ronojel ruwech tijoj-poqonal, roj kan yojch'akon-wi chire ronojel roma ri Cristo ri kan yojrajo'.

Wuj Richin ri Isaías 31:9

Roma ri xibinri'il, ri chajinela' xtikimalij kan ri kisamaj, y ri aj-raqen xtikik'en rukiy toq xtikitz'et ri retal ri kik'amon-pe ri e etzelanel kichin. Ri Jehová nuq'alajirisaj chi ronojel re' kan xtibanatej. Y rija' kan runaban chik ri q'aq' ri chiri' pa tinamit Sión, richin xtuya' rutojbalil pa kiwi' ri e etzelanel kichin.

Wuj Richin Bix Chire ri Dios 68:12

Nikibij k'a: ¡Xe'animej, xe'animej ri e rey kichin ri e etzelanel qichin!, yecha'. Y ri ixoqi' chiri' pa kachoch xkitaluj k'a chikiwech ri k'o rejqalen ri xkik'en-pe pa labal

Wuj Richin ri Achin Job 15:21

Xa kan ruyon k'a ch'abel richin xibinri'il ri yerak'axaj; toq jebel eleneq chuwech ronojel jari' toq yepe ri eleq'oma' chirij.

2 Crón 20:25

K'ari' ri Josafat y ri achi'a' xebe-qa richin xbekik'ama-pe ri kik'uan ri e etzelanel kichin; y xkil k'a pe janila chi beyomel, jebelej taq tzieq y ch'aqa' chik ri kan k'o rejqalen. Ronojel re' xekik'uaj; kan janila k'a k'iy, y roma ri' kan man xetikir ta xkimol ruchi' pa jun q'ij. K'o chi oxi' q'ij xek'oje' chiri' richin xkimol ruchi' ronojel ri k'o rejqalen ri kichin kan ri e etzelanel kichin.

2 Rey 7:16

Chirij ri' konojel ri winaqi' xe'el-el pa tinamit, y xbekik'ama' k'a pe ronojel ri xkimalij kan ri aj-Siria. Chupan ri q'ij ri', kan xbanatej k'a achi'el ri xubij ri Jehová: Roma kan xk'ayix k'a ri lajuj libra k'ej chayun chi nik'aj onza saqipueq, y ri juwineq libra cebada xk'ayix chi nik'aj onza saqipueq.

1 Sam 14:15

Y xpe k'a jun nimalej xibinri'il chike konojel ri achi'a' aj-Filistea ri ek'o chiri', ri ek'o pa juyu', ri chajinela' y konojel ri e beneq pan eleq'. Chuqa' kan xuben k'a jun nimalej silonel chiri'. Y ronojel re' kan ja ri Dios ri xtaqon-pe pa kiwi' rije'.

Wuj Kichin ri To'onela' 14:19

Y ri Espíritu richin ri Jehová xuya' k'a ruchuq'a' ri Sansón, y roma ri' rija' xbe pa tinamit Ascalón, y xerukamisaj e juwineq lajuj achi'a' ri e aj chiri'. Y xumej k'a pe ri kitziaq, y xuya' k'a ronojel ri jal tzieq ri' chike ri e juwineq lajuj alaboni' ri xeq'alajirisan ri tzij, ri xubij rija'. Y yakatajineq k'a janila royowal, xtzolin pa rachoch ri rutata'.

Wuj Richin ri Josúe 5:1

Konojel ri rey kichin ri amorreo ri ek'o re juk'an-pe chire ri ruchi' ri raqen-ya' Jordán pa qajbel-q'ij y konojel ri rey kichin ri aj-Canaán ri ek'o chunaqaj ri palou, toq xkak'axaj chi ri Jehová xuben chire ri ya' richin ri Jordán chi xpa'e' y xumol-ri' chikiwech ri e rijatzul kan ri Israel y xkiq'axaj, jari' toq xmayamo-qa ri kánima y man xk'oje' ta chik uchuq'a' kik'in rije' chikiwech ri e rijatzul kan ri Israel.

Wuj Richin ri Josúe 2:24

Y rije' xkibij chire ri Josué: Kan qitzij na wi chi ri Jehová xujech yan chijun ri ruwach'ulew Canaán pa qaq'a' y ri winaqi' ri ek'o chupan ri ruwach'ulew ri' kan xpe k'a jun nimalej xibinri'il chike. Y xmayamo' yan qa ri kánima qoma roj, xecha' rije'.

Deut 2:25

Y ri Jehová xubij chi xtuben chike konojel winaqi' richin ri ruwach'ulew chi xtikik'en qakiy y xtikixibij-ki' toq xtikak'axaj ri qatzijol, y roma ri' rije' kan xkebaybot y xtipe bis kik'in.

2 Crón 14:15

Chuqa' xebe pa taq kiqejoj ri awej, y kan k'iy k'a awej y camello xekik'en-pe. K'ari' xetzolin pa Jerusalem.

1 Rey 15:23

Y ronojel ri xuben ri rey Asá; ri xebanatej chupan ri ruq'atbal-tzij rija', y chuqa' ri rusamaj y ri tinamit ri xerupaba-q'anej, ronojel re' e tz'ibatel kan chupan ri Wuj Ri Cholan Nich'on pa kiwi' ri rey richin ri Judá. Chupan k'a ri q'ij richin ri rurijixinen, xyawej k'a roma xqaqa jun yabil chire ri raqen.