2 Crón 14:13 - Kaqchiquel Bible

¹³ Ri Asá y ri achi'a' xekitzeqelibej-el ri e etzelanel kichin k'a pa tinamit Guerar. Xekamisex k'a ri aj-Etiopía roma ri Jehová y koma ri aj-labal ri aj-Judá. Kan man jun chik xk'ase' kan chike ri aj-Etiopía, y ri aj-Judá kan xkimej k'a pe ronojel ri k'o rejqalen chuwi-kiq'a' ri e etzelanel kichin.

2 Crón 14:13 ပူးပေါင်းရင်းမြစ်များ

Wuj Richin ri Rutikeribel 10:19

Y ri kiruwach'ulew ri e rijatzul ri Canaán nitiker-el rik'in ri tinamit Sidón, choj napon rik'in ri tinamit Gaza napon k'a rik'in ri tinamit Guerar; y nuchojmij-ri' kik'in ri tinamit Sodoma, ri Gomorra, ri Admá, ri Seboím y nibek'is rik'in ri tinamit Lesa.

Wuj Richin ri Rutikeribel 26:1

Y chupan k'a ri ruwach'ulew ri' xpe k'a jun nimalej wayjal, achi'el ri nabey wayjal ri xq'ax toq k'a k'es na ri Abraham. Roma ri' ri Isaac xbe pa tinamit Guerar akuchi k'o-wi jun rey rubini'an Abimélec ri k'o pa kiwi' ri aj-Filistea.

Wuj Richin ri Rutikeribel 20:1

Ri Abraham xel-el akuchi k'o-wi, y xbe pa xokon ri nibix chuqa' Négueb chire, y roma niyuq'un beneq, xbe kela' xbe kela' xuben chupan ri ruwach'ulew ri k'o chukojol ri tinamit Cadés y ri ruwach'ulew rubini'an Sur. Y xapon k'a pa tinamit Guerar.

2 Crón 14:14

Chuqa' xekich'ek kan ri ch'aqa' chik tinamit ri ek'o chunaqaj ri Guerar, roma ri nimalej xibinri'il richin ri Jehová xqaqa pa kiwi'. Ri aj-Judá xekik'is k'a kan konojel winaqi' kichin ri tinamit ri', y xkik'en-pe ronojel ri k'o rejqalen ri k'o kik'in, roma chiri' janila beyomel k'o.

2 Tesalonicenses 1:9

Ri rutojbalil ri xtiya'ox chike kan richin jantape'. Y xke'elesex k'a el nej chire ri ajaw y chire ri ruk'ojlemal y ruchuq'a'.

Wuj Richin Bix Chire ri Dios 108:11

Roma rat Jehová, oj amalin kan, y man at beneq ta chik kik'in ri aj-labal.

Wuj Richin ri Achin Job 9:4

Ri Dios janila nim rik'in ri ruchuq'a' y ri retamabal. ¿Achike ta k'a ri nupaba-ri' chuwech rija', y kan man jun k'ayew nuna' kan pa ránima?

Wuj Richin ri Achin Job 6:9

¡Jebel ta ri' xa ta ri Dios nrajo' chi yiruk'is-el jumul; nuyek ta ruq'a' chuwij richin yirelesaj-el jumul!

1 Crón 12:22

Q'ij, q'ij ye'apon k'a más achi'a' rik'in ri David, k'a toq xek'iyer ri aj-labal, y xkiben jun nimalej tzobaj achi'el kajlabal ri ch'umila'.

1 Sam 25:28

Yin nink'utuj utzil chawe richin takuyu' numak yin ri in samajel, roma kan jikil chi ri Jehová xtuben chawe chi ri aq'atbel-tzij xtijike' kik'in ri awijatzul. Xtuben kere' roma rat kan ja wi ri oyowal richin rija' naben. Y man jun ta k'a etzelal xtaqajbej chupan chijun ri ak'aslen.

Wuj Richin ri Josúe 5:14

K'ari' ri achin ri' xubij chire ri Josué: Man jun chike ri ka'i' ri nabij rat, yin kan in tata'al kichin ri e richin ri Jehová ri in peteneq wakami, xcha'. Jari' toq ri Josué xuxuk-xumej-ri' chuwech richin xuya' ruq'ij, y xubij chire: Ajaw ¿achike k'a nawajo' nabij chuwe yin ri asamajel?, xcha'.

Wuj Richin ri Rutikeribel 10:1

Wawe' k'a e tz'ibatel-wi kan ri kibi' ri e rijatzul kan ri Noé: Ri Sem, ri Cam y ri Jafet. Rije' xek'oje' e k'iy kalk'ual toq xq'ax yan ri ya' ri xmuqun ri ruwach'ulew.

2 Crón 12:3

e ruk'uan-el 1,200 carruaje e richin oyowal, e 60,000 achi'a' ri yech'oke' chirij kiej y janila chi aj-labal ri kan man e ajlatel ta; konojel re' e peteneq chupan ri ajawaren richin Egipto e kachibilan-pe winaqi' libio, suquieno y winaqi' etíope.

2 Crón 15:11

Chupan ri q'ij ri', xkisuj k'a kamelabel chuwech ri Jehová, e 700 bóyix y 7,000 karne'l ri xkik'en-pe pa Guerar chuwi-kiq'a' ri e etzelanel kichin.

Wuj Richin ri Rutikeribel 35:5

Y rije' xe'el k'a el chiri', y ri Dios xuben chike ri winaqi' ri ek'o chiri' chi xqaqa jun nimalej xibinri'il pa kiwi', y jari' ri xbanon chike chi man xeyakatej ta el chikij.

2 Crón 17:10

Ri Jehová xuben k'a chi konojel ri q'atbel-tzij richin ri ruwach'ulew ri ek'o chunaqaj ri Judá xqaqa jun nimalej xibinri'il pa kiwi', y keri' kan man xetikir ta chik xkiben oyowal rik'in ri Josafat.

2 Crón 20:29

Toq konojel ruwach'ulew xketamaj chi ja ri Jehová ri xbanon ri oyowal kik'in ri e etzelanel kichin ri aj-Judá, jari' toq xkik'en janila rukiy ri Jehová.