2 Crón 14:12 - Kaqchiquel Bible

¹² K'ari' ri Jehová xuya' k'a ch'akonik pa kiq'a' ri Asá y ri aj-Judá richin chi ri aj-Etiopía xa xe'animej chikiwech.

2 Crón 14:12 ပူးပေါင်းရင်းမြစ်များ

2 Crón 13:15

Y toq ri aj-Judá xkireq kichi' richin nichapatej-q'anej oyowal, ri Dios xuben chire ri Jeroboam y ri achi'a' ri aj-Israel chi xech'akatej koma ri Abiam y ri aj-Judá.

1 Corintios 15:57

Jak'a matiox chire ri Dios chi xuteq-pe ri qajaw Jesucristo richin xch'akon chirij ronojel re' qoma roj.

1 Corintios 9:26

Roma ri' yin nintej nuq'ij y choj nuchapon bey k'a akuchi ruk'amon chi yinapon-wi, richin yich'akon. Kan in achi'el k'a jun ri nich'ayon-ri' rik'in jun chik, ri kan nuq'i' ri nuq'ijuj.

Wuj Richin Bix Chire ri Dios 60:12

Wi rat qa-Dios atk'o qik'in, roj kan xtiqaben k'a nima'q taq banobel, Rat xke'axeq' k'a ri e etzelanel qichin.

Wuj Richin ri Josúe 10:10

Ri Jehová xuben k'a chike ri amorreo richin xpe jun xibinri'il richin kamik pa kiwi' koma ri israelita. Y keri' ri Josué y ri achi'a' xekikamisaj e k'iy chike ri winaqi' ri' ri chiri' pa Gabaón. Y ri ch'aqa' chik xa xe'animej. Y ri Josué y ri achi'a' xekitzeqelibej k'a pe chupan ri bey ri nixule-qa pa tinamit Bet-horón y xekikamisaj e k'iy k'a chiri' pa tinamit Azecá y pa tinamit Maquedá.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Deut 28:7

Ri Jehová kan xtuben chi xkerujech pan iq'a' ri e etzelanel iwichin, y xke'animej-el chiwech.

Ex 14:25

Y rija' kan xuben k'a chi xeqitz'iqo' ri ki-rueda ri carruaje y roma ri' man xetikir ta chik xebe anineq. Y jari' toq ri aj-Egipto xkibij: Más utz qojanimej chikiwech ri israelita, roma kan ja ri Jehová ri nibanon oyowal chiqij roj, pa kik'exel rije', xecha'.

2 Crón 20:22

Y toq ri bixanela' xkichop-q'anej bixanik rik'in janila kikoten, jari' toq ri Jehová xusech kik'u'x ri e etzelanel kichin y xech'akatej. Xuben k'a chike ri aj-Amón, ri aj-Moab y ri muenita chi xa kiyon rije' xkikamisala-qa ki' chikiwech.

2 Crón 12:3

e ruk'uan-el 1,200 carruaje e richin oyowal, e 60,000 achi'a' ri yech'oke' chirij kiej y janila chi aj-labal ri kan man e ajlatel ta; konojel re' e peteneq chupan ri ajawaren richin Egipto e kachibilan-pe winaqi' libio, suquieno y winaqi' etíope.

Am 9:7

Ri Jehová nubij: Chinuwech yin, rix israelita xa ix junan kik'in ri winaqi' etíope. Yin xixinwelesaj-pe pa ruwach'ulew Egipto. Chuqa' xenwelesaj-pe pa ruwach'ulew Creta ri aj-Filistea. Y chupan ri ruwach'ulew Quir xenwelesaj-pe ri winaqi' Sirio.

Wuj Richin ri Rutikeribel 10:19

Y ri kiruwach'ulew ri e rijatzul ri Canaán nitiker-el rik'in ri tinamit Sidón, choj napon rik'in ri tinamit Gaza napon k'a rik'in ri tinamit Guerar; y nuchojmij-ri' kik'in ri tinamit Sodoma, ri Gomorra, ri Admá, ri Seboím y nibek'is rik'in ri tinamit Lesa.

Ex 12:41

Y kan chupan k'a ri ruk'isibel q'ij richin ri 430 juna' ri', jari' toq ri tzobaj richin ri tinamit Israel, xe'el-el ri chiri'.

Ex 12:51

Keri' k'a ri rubanik toq ri Jehová xerelesaj-pe pa ruwach'ulew Egipto; kan konojel k'a ri tzobaj richin ri nimalej tinamit Israel xe'el-pe.

1 Crón 5:21

Xekik'uala' k'a el ri kawej ri e etzelanel kichin: E 50,000 camello, e 250,000 karne'l y e 2,000 bur. Y chuqa' xekik'uaj k'a el e 100,000 winaqi'.

2 Crón 15:11

Chupan ri q'ij ri', xkisuj k'a kamelabel chuwech ri Jehová, e 700 bóyix y 7,000 karne'l ri xkik'en-pe pa Guerar chuwi-kiq'a' ri e etzelanel kichin.