2 Crón 13:7 - Kaqchiquel Bible

⁷ Xkimol k'a ki' rik'in rija' achi'a' ri janila e q'ori' y e banoy taq etzelal. Ri achi'a' ri' kan xkipaba' k'a ki' chuwech ri Roboam, roma man jani k'iy ta rujuna', y chuqa' man jani k'o runa'oj; roma ri' man xtikir ta xpa'e' kow chikiwech.

2 Crón 13:7 ပူးပေါင်းရင်းမြစ်များ

2 Crón 12:13

Ri Roboam kan xk'oje' k'a ruchuq'a' chupan ri ruq'atbal-tzij pa Jerusalem. K'o k'a kawineq jun rujuna' toq xuchop nuq'et-tzij y wuqlajuj juna' xq'aton-tzij chiri' pa Jerusalem; tinamit ri kan rucha'on ri Jehová chikikojol ri tzobaj richin ri Israel richin nik'oje' chiri' y niya'ox ruq'ij. Y ri rute' aj-Amón, y rubini'an Naamá.

Wuj Kichin ri To'onela' 9:4

Xeri' rije' xkiya-el oxk'al lajuj raqen saqipueq chire ri Abimélec, ri yakel chiri' pa rachoch ri dios Baal-berit, y rik'in ri' ri Abimélec xerutoj-el itzel taq achi'a' ri e q'ori' richin xebe chirij.

Hebreos 5:12

Y kan ruk'amon ta chi ja ta rix ri yixtijon kichin ri ch'aqa' chik, rik'in ri ruch'abel ri Dios, roma kan k'iy yan q'ij ri iwak'axan-pe. Jak'a wakami xa itijoxik chik na niwajo' pa ruwi' ri etamabel ri xiwetamaj-pe pa nabey, xa k'a ix achi'el jun ak'ual ri k'ari' nalex, ri k'a xaxe tz'umaj nrajo' y k'a man jani nutej wey.

Tito 1:10

Roma ek'o e k'iy ri man yeniman ta tzij. Ri winaqi' ri' nikitzijoj ch'abel ri man jun rejqalen y kan yekiq'ol ri ch'aqa' chik winaqi'. Y chikikojol rije' ek'o nuwinaq judío.

1 Corintios 14:20

Wach'alal, man k'a kixch'obon achi'el yech'obon ri ak'uala'; xaxe chuwech ri mak kan tibana' achi'el ri ak'uala', jak'a rik'in ri ich'obonik tibana' achi'el ri winaqi' e nima'q chik.

Hechos 17:5

Jak'a ri ch'aqa' chik judío itzel xkina' chike ri Pablo y ri Silas. Roma ri' toq rije' xebekimolola-pe achi'a' ri e itzel y e q'ori'. Kan e janila k'a winaqi' ri xekimol, roma kan xkiyek-wi ri tinamit. Rije' xebe richin yebe'ok pa rachoch ri jun achin rubini'an Jasón, chikikanoxik ri Pablo y ri Silas. Nikajo' k'a yekelesaj-pe ri pa jay y yekiya-pe pa kiq'a' ri winaqi'.

Wuj Richin ri Isaías 3:4

Yin Jehová, kan ja ri k'ajol taq alaboni' ri xkenya' richin xke'ok aj-raqen pan iwi'. Xkenya' ri taq ak'uala' richin xkeq'aton-tzij pan iwi'.

Wuj Richin ri Molojri'il 10:16

Kan tijoyowaj k'a kiwech ri winaqi', ri kan k'a ak'ual na ri niq'aton-tzij pa kiwi', y ri tata'al ri yesamej rik'in, xa kan ja yan ri nimaq'a' nikichapala' yenimaq'ijun.

Wuj Richin Etamabel-Tzij 28:19

Ri wineq ri kan nutik ruwech ri rulew, kan k'o-wi ri xtrelesaj y jebel xtiwa'; jak'a ri wineq ri jantape' nuxlan, y yerutzeqelibej ri q'ori' xa rik'in meba'il xtik'ase'.

Wuj Richin Etamabel-Tzij 12:11

Ri kan jebel yerusamajij ri rulew, kan k'o k'a k'iy richin nutej. jak'a ri xaxe nuch'ob chi k'o nrajo' nuben y man nisamej ta, xa jun nakanik.

Wuj Richin Bix Chire ri Dios 26:4

Yin kan man jun bey k'a yenwachibilaj ta ri e tz'ukuy taq tzij. Kan man jun bey k'a nijunamatej ta nuwech kik'in ri xa ka'i' kipalej.

Wuj Richin ri Achin Job 30:8

Rije' xa e junan k'a kik'in ri itzel taq winaqi', ni maneq rubi' kite-kitata' kik'uan, rije' xa e elesan-el chupan ri kiruwach'ulew.

2 Crón 10:16

Toq ri winaqi' ri e richin Israel xkitz'et chi ri rey man nrajo' ta yerak'axaj, jari' toq rije' xkibij chire: Roj xa oj man jun rik'in ri ánima David, ni man jun xqichinaj rik'in rija' ri xa ruk'ajol kan ri Isaí. Roj ri aj-Israel, jo' pa taq qachoch, y ri e aj pa rachoch kan ri David kan tikitzu' k'a pa ruwi' ri kachoch, xecha'. Y keri' konojel ri aj-Israel xetzolin chi taq kachoch.

1 Rey 21:13

Xepe k'a ri e ka'i' achi'a' ri e banoy taq etzelal y xetz'uye' k'a chuwech ri Nabot y xkibij chi ri Nabot xuyoq' rubi' ri Dios y xuyoq' ri rey. Y keri' ri winaqi' xkelesaj-el ri Nabot chiri' pa tinamit, y xkik'eq k'a chi abej richin xken.

1 Rey 21:10

Y ke'iya-apo chuwech ri Nabot e ka'i' achi'a' e banoy taq etzelal richin chi nikibij chi rija' xch'on itzel chirij ri Dios, y chirij ri rey. Chirij ri' tiwelesaj-el ri Nabot, y k'ari' tik'aqa' chi abej richin niken, xcha-el chupan ri wuj.

1 Sam 22:2

Chuqa' xkimol-ki' rik'in konojel ri e poqonatajineq, konojel ri k'o kik'as, konojel ri man nikikot ta ri kánima. Y ja ri David xok-el aj-raqen pa kiwi' rije' y xerachibilaj-el más juba' e 400 achi'a'.

Wuj Kichin ri To'onela' 11:3

Xanimej k'a el ri Jefté chikiwech ri rach'alal y xbek'oje' pa ruwach'ulew Tob. Y chiri' xkimol-apo-ki' rik'in ri achi'a' e q'ori'. Xkiben chire chi xok jun aj-raqen chikikojol rije', y xkitzeqelibej richin yebe'eleq'.

Deut 13:13

chi ek'o achi'a' ri maneq Dios chikiwech xebek'ulun-pe, y yekitaqchi'ij ri winaqi' richin ri tinamit richin nikiya' kiq'ij ch'aqa' chik dios ri man e qitzij ta y man iwetaman ta kiwech.

2 Sam 3:39

Jak'a yin stape' qasan aceite pa nuwi' richin xinok rey, wakami ninna' chi xa man jun wuchuq'a' k'o, roma ri Joab y ri Abisai xa kan ik'owineq chik ruwi' kuchuq'a' chinuwech yin. Y roma ri' ninbij chi kan ja ta k'a ri Jehová xtiya'on rutojbalil chike roma ri itzel ri xkiben, xcha'.