2 Crón 13:6 - Kaqchiquel Bible

⁶ Man rik'in ri', ri Jeroboam ruk'ajol ri Nabat, xyakatej chirij ri Roboam ri rajaw. Y ri Jeroboam ri' xa jun rusamajel ri Salomón ri ruk'ajol kan ri David.

2 Crón 13:6 ပူးပေါင်းရင်းမြစ်များ

1 Rey 11:26

K'o k'a chuqa' jun chik achin ri xyakatej chirij ri rey, y rija' rubini'an Jeroboam, ruk'ajol ri Nabat, y aj pa Seredá ri chiri' pa ruwach'ulew Efraín. Ri rute' jun malka'n ixoq rubini'an Zerúa. Y ri Jeroboam jun chike ri rusamajela' ri Salomón.

1 Rey 12:20

Y toq ri ch'aqa' chik tzobaj tinamit Israel xkak'axaj chi ri Jeroboam xtzolin-pe, konojel ri winaqi' xkimol-ki' richin nikiben rey chire pa ruwi' ri ruwach'ulew Israel; y kan xaxe chik k'a ri tzobaj richin ri Judá ri xtzeqeliben richin ri Roboam, ri rijatzul kan ri Salomón.

2 Crón 10:19

Y keri' k'a toq xyakatej ri Israel chikij ri aj pa rachoch kan ri David y keri' k'a rubanon kan.

1 Rey 12:27

Wi ri nuwinaq xkebe pa Jerusalem richin nibekisuju' kamelabel pa rachoch ri Jehová, ri kánima xa xtitzolin chik rik'in ri Roboam rey richin Judá, y yin xkinkikamisaj kan y xketzolin chik rik'in ri rey, xcha-qa.

2 Rey 18:7

Ri Jehová kan xk'oje' k'a rik'in rija', y xabakuchi nibe-wi richin nuben oyowal, kan utz k'a nel chuwech ronojel ri nuben. Y kan xyakatej k'a chirij ri rey richin Asiria y kan man xrilij ta ri rey ri'.