2 Crón 13:5 - Kaqchiquel Bible

⁵ ¿Man iwetaman ta k'a rix, chi ri Jehová ri qa-Dios qonojel ri oj rijatzul kan ri Israel, kan xujech richin q'asen ri q'atbel-tzij pa ruq'a' ri David y pa kiq'a' ri e rijatzul toq xuben ri jikibel-tzij rik'in?

2 Crón 13:5 ပူးပေါင်းရင်းမြစ်များ

2 Sam 10:13

K'ari' ri Joab y ri aj-labal ri e beneq chirij, xekichop chi oyowal ri aj-Siria y ri ch'aqa' chik. Jak'a ri aj-Siria xa xe'animej-el chikiwech rije'.

1 Rey 8:20

Ri Jehová kan xutaqej-wi k'a re ruch'abel, y roma ri' wakami ja yin ri in yakatajineq-q'anej pa ruk'exel ri David ri nata', y ink'o kan chupan ri rutz'uyubal richin ninq'et-tzij pa ruwi' ri tinamit Israel. Y chuqa' wakami yin kan xinpaba' k'a q'anej ri rachoch ri Jehová ri qa-Dios richin niya'ox ruq'ij, achi'el ri xubij chire ri nata'.

1 Crón 17:11

Y toq xtapon ri q'ij richin yaken, yin kan xtinjikiba' jun chike ri ak'ajol chupan ri q'atbel-tzij.

1 Crón 17:14

Y rija' kan xtijike' k'a kan chupan ri wachoch y chuqa' chupan ri wajawaren, richin q'asen; y kan xtik'ase' ri ruq'atbal-tzij richin jantape', xcha' ri Jehová chire ri Natán.

2 Crón 6:16

Wakami k'a Jehová ri at qa-Dios, kan tabana' k'a ri xasuj chire ri David ri asamajel, toq xabij chire chi man jun bey xtitole' kan ri rutz'uyubal richin ri q'atbel-tzij roma maneq jun rijatzul ri xtibiyin ta achi'el ri xuben rija'.

Wuj Richin ri Nehemías 5:9

Y xinbij jun bey chik chike: Ri yixtajin chubanik rix man utz ta. K'o chi niqaya' ruk'ojlen ri qa-Dios, richin keri' man yetze'en ta chiqij ri winaqi' richin jun chik ruwach'ulew.

Wuj Richin Etamabel-Tzij 1:29

Y kere' xtik'uluwachij roma xa xiwetzelaj ri tijonik, y roma chuqa' kan maneq chik rukiy ri Dios chiwech.

Wuj Richin ri Jeremías 33:26

keri' yin xkenwetzelaj ri rijatzul kan ri Abraham, ri Isaac y ri Jacob y chuqa' xtinben ta chi man jun chike ri e rijatzul kan ri David ri xtiq'aton-tzij. Jak'a yin kan xkenwelesaj-pe ri nuwinaq ri akuchi xentaluj-wi y kan xtinjoyowaj kiwech, xcha' ri Dios chuwe.

Ez 43:24

K'ari' xtasuj chinuwech y ri sacerdote xtikiya' atz'an chikij ri kich'akul y xkekiporoj jumul chinuwech yin richin nikiya' nuq'ij.

Dn 5:18

Ri nimalej Dios kan nim-wi ri ruq'ij, y ojer kan ja k'a rija' ri xya'on chire ri Nabucodonosor ri ajawaren, ri ruwaq'ijaj y ronojel nimirinen.

Wuj Richin ri Chojmirisabelri'il 2:13

Y ri jalajoj ruwech ixin ri nasuj, naya' atz'an rik'in, y man jun bey xtasuj wi maneq atz'an rik'in, roma ri atz'an jun retal richin jun jikibel-tzij chiqakojol; y ronojel k'a re sipanik re' kan k'o atz'an rik'in.

Wuj Richin ri Q'axanri'il 18:19

Kan ronojel k'a ri sipanik ri nisilox chinuwech, ri nikiya' ri awinaq, re' kan awichin k'a rat y kichin chuqa' ri awalk'ual, ri kan k'a ek'o na awik'in y re' kan kere' k'a xtuben-apo richin jantape'. Re' kan xtok k'a jun jikibel-tzij chinuwech yin, awichin rat y kichin chuqa' ri awijatzul, y man jun k'a xtijalo richin, xcha'.

2 Pedro 3:5

Rije' kan xtikiben k'a achi'el xa man ketaman ta ri xuben ri Dios ojer kan. Pa nabey ri Dios kan xubij-wi chi tik'oje' ri kaj. Rik'in ri ruch'abel xucher ri ruwach'ulew chire ri ojer taq ya' y keri' xrelesaj-pe ri ruwach'ulew chupan ri ya'.

1 Sam 16:1

Chirij re' ri Jehová xubij k'a chire ri Samuel: ¿K'a jampe' k'a yatane' chi oq'ej chirij ri Saúl? Roma ja yin ri xibin chire chi man rey ta chik pa ruwi' ri Israel. Wakami tanojisaj k'a ri uk'a' rik'in aceite y xkabe rik'in ri Isaí aj-Belén, roma jun chike ri ruk'ajol rija' nucha'on richin nibe'ok rey, xcha'.

1 Sam 16:12

K'ari' ri Isaí xuteq k'a royoxik, y toq xapon xukusaj-apo. Y ri David kan kaqkoj ri ruwi' y ri runaq'-ruwech kan janila jebel ok y kan jebel ok ri nitzu'un. Y ri Jehová xubij chire ri Samuel: Kayakatej y taqasaj ri aceite pa ruwi', roma ja rija' ri nucha'on richin nok kan rey, xcha'.