2 Crón 13:2 - Kaqchiquel Bible

² Ri rute' rubini'an Maacá,*f8* rumi'al ri Uriel aj-Guibeá. Y ri Abiam xuq'et-tzij oxi' juna' pa Jerusalem. Xuchop k'a nuben labal rik'in ri Jeroboam.

2 Crón 13:2 ပူးပေါင်းရင်းမြစ်များ

2 Crón 11:20

Chirij re', ri Roboam xk'ule' chik rik'in ri Maacá, rumam ri Absalón; y xek'oje' chik ch'aqa' kalk'ual: ri Abiam, ri Atai, ri Ziza, y ri Selomit.

1 Rey 15:2

Y rija' xq'aton-tzij oxi' juna' chiri' pa Jerusalem. Ri rute' rubini'an Maacá, y re ixoq re' rumam ri Absalón.

1 Sam 10:26

K'ari' xeruteq-el ri winaqi', y chikijujunal xebe pa taq kachoch. Y ri Saúl chuqa' xbe pa rachoch pa Guibeá e rachibilan-el ri aj-labal. Y ri achi'a' ri' kan ja ri Dios ri xsilon-el kánima richin xebe chirij ri Saúl.

Wuj Kichin ri To'onela' 19:16

Y k'o k'a jun ti ri'j achin tzolejineq-pe pa rusamaj toq nok yan qa ri aq'a'. Re ti achin re' man aj chiri' ta; rija' xa aj chuwi' taq juyu' richin ri tzobaj Efraín, jak'a chiri' pa Guibeá richin ri tzobaj Benjamín k'o rulew, y roma ri' chiri' nuk'owisaj-wi ri aq'a'.

Wuj Kichin ri To'onela' 19:14

Keri' k'a kichapon binen, y toq xok yan aq'a', xe'apon k'a pa Guibeá, tinamit kichin ri e rijatzul ri Benjamín.

Wuj Richin ri Josúe 18:28

Selá, Élef, Jebús ri chuqa' nibix Jerusalem chire, Guibeá y Quiriat; ronojel re' e kajlajuj tinamit rik'in kokoj kitinamit. Jare' ri xkichinaj ri e rijatzul ri Benjamín, achi'el ri kajlabal chi kach'alal-ki'.

1 Rey 14:19

Ri ch'aqa' chik rubanobal ri Jeroboam, achi'el ri oyowal ri xeruben y ri rubanik ri ruq'atbal-tzij; ronojel re' e tz'ibatel kan chupan ri Wuj Ri Cholan Nich'on pa kiwi' ri rey.

2 Crón 13:3

Y ri Abiam xerucha' k'a el e 400,000 aj-labal ri más e utz. Keri' chuqa' ri Jeroboam xerucha' e 800,000 aj-labal, chuqa' ri más e utz, y xebe k'a richin nibekibana' oyowal.

1 Rey 14:20

Ri Jeroboam juwineq ka'i' juna' xq'aton-tzij pa ruwi' ri Israel, y k'ari' xuxlan-el y ri xk'oje' kan pa ruk'exel ja ri ruk'ajol rubini'an Nadab.

2 Crón 12:15

Ri ch'aqa' chik natabel richin ri Roboam, ri pa rutikeribel y pa ruk'isibel chire ri ruk'aslen, xtz'ibatej kan chupan ri wuj ri richin ri q'alajirisey ruch'abel ri Dios rubini'an Semaías y chupan ri wuj richin ri Iddo, ri nitz'eton ri peteneq chiqawech. Y chijun k'a ri kik'aslen ri Roboam y ri Jeroboam, kan jantape' xk'oje' labal chikikojol.