2 Crón 13:19 - Kaqchiquel Bible

¹⁹ Ri Abiam xutzeqelibej-el ri Jeroboam, y kan xekich'ek kan re tinamit re', ri ek'o pa ruq'a': Ri Betel, ri Jesaná, y ri Efraín, y chuqa' ri kokoj taq kitinamit.

2 Crón 13:19 ပူးပေါင်းရင်းမြစ်များ

2 Crón 15:8

Toq ri Asá xrak'axaj ri ruch'abel ri Dios ri xuq'alajirisaj ri Azarías, kan xk'oje-el ruchuq'a' richin xerelesaj-el ronojel ri itzel taq wachibel ri kan ruk'amon richin ye'etzelex, ri ek'o chupan chijun ruwach'ulew Judá y ri ruwach'ulew Benjamín y chuqa' ri ek'o pa taq tinamit ri xeruch'ek, ri ek'o-el chuwi' taq juyu' richin ri ruwach'ulew Efraín. Chuqa' kan xuchojmirisaj ri porobel ri k'o-pe chuwech ri rachoch ri Jehová.

Wuj Richin ri Josúe 15:9

Y re k'ulba't re' nuchojmij ri ruwi' ri juyu' chiri' y napon-qa k'a rik'in ri ralaxbel-ya' richin ri Neftóah, y nel-pe pa taq tinamit ri e richin ri juyu' Efrón, y nuchojmij ri tinamit Baalá ri chuqa' nibix ri rutinamit Jearim chire.

San Juan 11:54

Roma ri', ri Jesús kan pan ewel k'a ri xbiyajlan. Rija' xa xbe chik pa jun tinamit rubini'an Efraín, ri chunaqaj-apo ri tz'iran ruwach'ulew k'o-wi. Y xk'oje' k'a qa chiri' e rachibilan ri rutijoxela'.

1 Sam 31:7

Y toq ri ch'aqa' chik israelita ri ek'o juk'an chik chire ri taq'aj, y ri ek'o juk'an chik chire ri raqen-ya' Jordán, xkitz'et chi ri kiwinaq xe'animej, y chi ri Saúl y ri e ruk'ajol xeken kan, rije' chuqa' xe'animej y xkimalij kan ri tinamit ri akuchi ek'o-wi. K'ari' ri aj-Filistea xebek'oje' k'a chiri' chupan ri kitinamit kan rije'.

Wuj Richin ri Josúe 11:12

Keri' chuqa' ri Josué y ri achi'a' xekich'ek k'a konojel ri tinamit ri', y ri ki-rey xekikamisaj chi espada, y xekik'is k'a achi'el rubin kan ri Moisés ri rusamajel ri Jehová.

Wuj Richin ri Josúe 10:39

Xkich'ek ri tinamit ri', y xekikamisaj chi espada ri ru-rey y konojel winaqi' ri ek'o pa Debir y chuqa' ri winaqi' ri ek'o pa taq kokoj tinamit, y kan man jun xkiya' kan rik'in ruk'aslen. Achi'el xkiben rik'in ri tinamit Hebrón, y rik'in ri tinamit Libná, keri' xkiben rik'in ri tinamit Debir y ri ru-rey.

Wuj Richin ri Josúe 10:19

Y jak'a rix man k'a kixpa'e-qa, xa kan ke'itzeqelibej ri e etzelanel qichin y ke'ikamisaj. Man tiya' q'ij richin ye'ok pa taq kitinamit, roma ri Jehová ri qa-Dios xerujech yan pa qaq'a', xcha'.

2 Crón 13:18

Keri' k'a xkiben ri aj-Israel toq xqasex kiq'ij chupan ri q'ij ri'. Y ri aj-Judá xkik'ut-ki' chi kan k'o-wi kuchuq'a' roma kan xkitaqej y xkikuquba' kik'u'x rik'in ri Jehová ri Dios kichin kan ri kati't-kimama'.

2 Crón 13:20

Chirij ronojel re' ri Jehová xuya' ruk'ayewal pa ruwi' ri Jeroboam, y xken. Chupan ri ruk'aslen ri Jeroboam man jun bey chik xk'oje' ruchuq'a' ri ruq'atbal-tzij rokik k'es ri Abiam.

Wuj Richin ri Rutikeribel 28:19

Y xubij Betel*f26* chire ri tinamit ri', stape' ri pa nabey rubini'an Luz ri tinamit ri'.

2 Crón 17:2

Xeruya' k'a aj-labal ri chiri' pa taq tinamit ri e sutin-kij chi tz'aq ri e richin ri rajawaren rija', y chuqa' xeruya' chajinela' ri chiri' pa taq tinamit richin Efraín, tinamit ri e ruch'akon kan ri Asá.