2 Crón 13:18 - Kaqchiquel Bible

¹⁸ Keri' k'a xkiben ri aj-Israel toq xqasex kiq'ij chupan ri q'ij ri'. Y ri aj-Judá xkik'ut-ki' chi kan k'o-wi kuchuq'a' roma kan xkitaqej y xkikuquba' kik'u'x rik'in ri Jehová ri Dios kichin kan ri kati't-kimama'.

2 Crón 13:18 ပူးပေါင်းရင်းမြစ်များ

2 Rey 18:5

Kan rik'in k'a ri Jehová Dios richin Israel xukuquba-wi ruk'u'x, y ja rija' ri más utz chikikojol konojel ri rey richin ruwach'ulew Judá ri xeq'ax yan y ri xkepe chirij rija',

1 Crón 5:20

Y ri Dios kan xeruto' k'a chupan ri oyowal toq xkik'utuj to'onik chire, y rije' kan xkikuquba' kik'u'x rik'in. Y roma ri' kan xetzaq k'a ri e etzelanel kichin, y chuqa' ri e junamatajineq-kiwech kik'in.

2 Crón 13:17

Ri Abiam y ri aj-labal xekikamisaj kan e 500,000 aj-labal ri e cha'on-el chiri' pan Israel.

2 Crón 13:19

Ri Abiam xutzeqelibej-el ri Jeroboam, y kan xekich'ek kan re tinamit re', ri ek'o pa ruq'a': Ri Betel, ri Jesaná, y ri Efraín, y chuqa' ri kokoj taq kitinamit.

2 Crón 14:10

K'ari' ri Asá xbe richin xberubana' oyowal rik'in, e rachibilan ri aj-labal y xek'oje' pa taq'aj kojol juyu' richin Sefata chunaqaj ri Maresá.

2 Crón 14:11

Ri Asá xuk'utuj to'onik chire ri Jehová ri ru-Dios y xubij: ¡Jehová, chawech rat junan richin ye'ato' ri aj-labal ri k'o kuchuq'a', y ri maneq kuchuq'a'! Y roma ri' qojato' Jehová ri at qa-Dios, roma kan awik'in rat qakuquban-wi qak'u'x, y pan abi' rat oj peteneq-wi chikij re achi'a' re'. ¡Jehová ja rat at qa-Dios; tak'utu' k'a awi' chi awik'in rat kan man jun nitikir!, xcha'.

2 Crón 20:20

Ri ruka'n q'ij, xeyakatej nimaq'a' yan richin yebe pa tz'iran ruwach'ulew ri k'o chunaqaj ri tinamit Tecoa, y toq rije' ye'el yan el, ri Josafat xpa'e-q'anej y xubij chike konojel: Kiniwak'axaj chi'iwonojel nuwinaq. Kan tiqakuquba' qak'u'x rik'in ri Jehová ri qa-Dios y keri' kan xtik'oje' k'a quchuq'a'; chuqa' tiqakuquba' qak'u'x kik'in ri q'alajirisey ruch'abel ri Dios y kan utz k'a xtel ronojel chiqawech, xcha' chike.

Wuj Richin Bix Chire ri Dios 146:5

Jebel ruwa-ruq'ij ri wineq, ri kan ja ri qa-Dios roj israelita ri nito'on richin, ri kan nukuquba' ruk'u'x rik'in ri Jehová ri qa-Dios.

Wuj Richin Bix Chire ri Dios 25:2

Nu-Dios yin, kan nukuquban nuk'u'x awik'in. Kan man jun bey ta k'a yik'ixbitej. Kan man taya' q'ij chi ri e etzelanel wichin yekikot chuwij.

Dn 3:28

K'ari' ri Nabucodonosor xch'on y xubij: Nimalej ruq'ij ri ki-Dios ri Sadrac, ri Mesac y ri Abed-negó. Roma kan xuteq k'a pe jun ru-ángel y xerukol re e rusamajela' re' ri xkikuquba' kik'u'x rik'in. Rije' kan man xkitaqej ta ri pixa' ri xinya' yin, y xa kan xkijech k'a ki' pa ruq'a' ri ki-Dios y man xkiya' ta ruq'ij jun chik dios.

Wuj Richin ri Nahum 1:7

Ri Jehová kan janila utz; rija' kan jun tobel chupan ri q'ij toq k'o q'axomal. Kan yeruto' ri kikuquban kik'u'x rik'in.

Efesios 1:12

Pa nabey xojrucha' roj richin xqakuquba' qak'u'x rik'in ri Cristo, roma xrajo' chi qoma roj ninimirisex ri rubi' y nuk'ul ruq'ij-ruk'ojlen.