2 Crón 13:15 - Kaqchiquel Bible

¹⁵ Y toq ri aj-Judá xkireq kichi' richin nichapatej-q'anej oyowal, ri Dios xuben chire ri Jeroboam y ri achi'a' ri aj-Israel chi xech'akatej koma ri Abiam y ri aj-Judá.

2 Crón 13:15 ပူးပေါင်းရင်းမြစ်များ

2 Crón 14:12

K'ari' ri Jehová xuya' k'a ch'akonik pa kiq'a' ri Asá y ri aj-Judá richin chi ri aj-Etiopía xa xe'animej chikiwech.

Wuj Richin ri Isaías 37:36

Y chupan ri aq'a' ri', xpe k'a ri ángel richin ri Jehová richin xerukamisaj e 185,000 aj-Asiria ri chiri' akuchi ek'o-wi-qa. Y toq xseqer-pe, konojel e kaminaqi' chik.

Wuj Richin Bix Chire ri Dios 47:5

Kan rik'in k'a raqoj-chi'ij richin kikoten, nijote-q'anej ri Jehová chupan ri rajawaren. Ri Jehová kan niya'ox ruq'ij rik'in trompeta.

Wuj Richin Bix Chire ri Dios 47:1

Chinimalej iwonojel rix winaqi', tipaq'apa' ri iq'a'. Tiya' k'a ruq'ij ri Dios rik'in kikoten.

2 Crón 20:21

Toq xch'on yan kik'in ri ruwinaq, chuqa' xerucha' ka'i-oxi' bixanela', y xubij chike chi tikikusaj-el ri kitziaq ri kan richin nimaq'ij, y ja rije' ri xe'ik'o-el chikiwech ri aj-labal, y nikibixaj k'a: Tinimirisex k'a ruq'ij ri Jehová, roma ri rajowabal y ri rujoyowanik kan richin q'asen, yecha'.

2 Rey 5:1

K'o k'a jun achin aj-raqen pa kiwi' ri aj-labal richin ri ruwach'ulew Siria. Y ri achin ri' rubini'an Naamán; rija' janila nim ruq'ij chuwech ri rey richin Siria, y kan ruya'on pa nabey chikiwech ri ch'aqa' chik aj-raqen. Ri Naamán kan maneq xibinri'il chuwech, y kan xukusex k'a roma ri Jehová richin xukol ri Siria. Jak'a rija' xa k'o jun yabil chirij ri kan nutaluj-ri'.

Wuj Kichin ri To'onela' 4:15

Ri Jehová kan xusech-wi k'a ruk'u'x ri Sísara, konojel ri aj-labal y konojel chuqa' ri achi'a' ri e beneq pa carruaje. Y jari' toq ri Barac xuchop k'a kikamisaxik chi espada; y roma ri' ri Sísara xqaqa-el chupan ri ru-carruaje y xanimej-el.

Wuj Richin ri Josúe 11:8

Ri Jehová xerujech k'a ri winaqi' ri' pa kiq'a' ri Josué y ri achi'a'; xekich'ek y xekitzeqelibej k'a pa nimalej tinamit Sidón y k'a pa Misrefot-maim y k'a pa taq'aj richin Mispá ri k'o pa relebel-q'ij. Y xekikamisaj kan y man jun k'a xk'ase' kan.

Wuj Richin ri Josúe 6:20

Y ri achi'a' xesik'in rik'in ronojel kuchuq'a', toq ri sacerdote xeyaloj xkixupuj ri xupubel, y jari' toq ri achi'a' xkak'axaj y xesik'in-q'anej, ri tz'aq ri rusutin-rij ri tinamit kan xtzaq-qa jumul y jari' toq kan choj xe'ok-apo chupan ri tinamit y xkich'ek.

Wuj Richin ri Josúe 6:16

Y toq xtz'aqet yan wuqu' mul xesutin chirij ri tinamit, jari' toq ri e sacerdote xkeyaloj richin nikixupuj ri xupubel, y chuqa' jari' toq ri Josué xubij chike ri achi'a': Kixsik'in, roma ri Jehová xujech yan pa qaq'a' re tinamit re'.

Wuj Richin ri Q'axanri'il 32:4

kan jebel q'os k'o chuwech, richin yek'oje' ri qawej chiri', roma roj kan e k'iy k'a ri awej ek'o qik'in.

2 Crón 18:31

Y keri' k'a toq ri aj-raqen kichin ri e uk'uayon ri carruaje xkitz'et ri Josafat, xkich'ob chi ja rija' ri rey richin Israel, y xepe chirij richin nikiben oyowal rik'in, jak'a ri Josafat xsik'in richin nito'ox. Y ri Jehová kan xuto', y xuben chike ri e etzelanel richin chi xkijech'ej-el-ki' chire rija'.

2 Crón 14:11

Ri Asá xuk'utuj to'onik chire ri Jehová ri ru-Dios y xubij: ¡Jehová, chawech rat junan richin ye'ato' ri aj-labal ri k'o kuchuq'a', y ri maneq kuchuq'a'! Y roma ri' qojato' Jehová ri at qa-Dios, roma kan awik'in rat qakuquban-wi qak'u'x, y pan abi' rat oj peteneq-wi chikij re achi'a' re'. ¡Jehová ja rat at qa-Dios; tak'utu' k'a awi' chi awik'in rat kan man jun nitikir!, xcha'.

2 Crón 20:22

Y toq ri bixanela' xkichop-q'anej bixanik rik'in janila kikoten, jari' toq ri Jehová xusech kik'u'x ri e etzelanel kichin y xech'akatej. Xuben k'a chike ri aj-Amón, ri aj-Moab y ri muenita chi xa kiyon rije' xkikamisala-qa ki' chikiwech.