2 Crón 13:12 - Kaqchiquel Bible

¹² Tiwetamaj k'a, chi ri Dios kan ja rija' ri k'o pa qawi' roj y ri e ru-sacerdote kan koyoben richin nikixupuj ri trompeta richin retal labal chiwij rix. Roma ri' rix aj-Israel, man tiben oyowal rik'in ri Jehová ri qa-Dios roj y ri ki-Dios kan ri qati't-qamama', roma kan man utz ta xtel chiwech, xcha'.

2 Crón 13:12 ပူးပေါင်းရင်းမြစ်များ

Hechos 5:39

Jak'a wi richin ri Dios, man jun k'a xkixtikir xtiben richin nichup. Tichajij-iwi' jebel; man xa tibek'ulun-pe chi rix yixtajin chi oyowal rik'in ri Dios, xcha'.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Wuj Richin ri Zacarías 10:5

Konojel rije' kan e aj-labal ri man jun xibinri'il chikiwech, y xkekixeq' k'a kan ri e etzelanel kichin, achi'el xa ta nikipalibej ri xeq-ulew pa taq bey. Kan xtikiben k'a labal roma yin kan ink'o chikikojol, y kan xkekich'ek ri achi'a' ri yech'oke' chirij kiej.

Hebreos 2:10

Richin chi konojel ri ralk'ual ri Dios nik'oje' kiq'ij-kik'ojlen, ruk'amon chi ri ajaw Dios, ri xtz'ukun ronojel, xuben chire ri Jesús chi xutej poqon richin chi xok jun kolonel ri kan ruk'amon.

Ez 17:9

Jak'a yin Jehová ninbij chi re juwi-uva re' kan man utz ta xuben. Y roma ri' ri nabey kot xtuk'uq-el ri ruxe' y chuqa' xtuwux-el ri ruwech, richin xtichaqi'j-qa. Y re' man xtrajo' ta janila uchuq'a' ni k'iy winaqi' richin xtik'uqutej-el ri ruxe'.

Wuj Richin ri Jeremías 50:24

Yin xinben jun pikbel kichin ri aj-Babilonia y kiyon rije' xetzaq chupan. Kan xeqaqa k'a pa pikbel roma kan xkipaba-ki' chinuwech.

Wuj Richin ri Jeremías 2:37

Kan xkixel-pe chiri' pan Egipto rik'in k'ixbilal, roma yin man utz ta chik yentz'et ri achoq ik'in ikuquban-wi ik'u'x. Y man jun bey xkixbe pa jotol koma rije', xcha' ri Dios.

Wuj Richin ri Isaías 54:17

Man jun kamisabel ri nik'achoj ta ri kan banon richin iwichin rix richin yixruk'is. Rix kan xtiben chike ri e etzelanel iwichin chi man xkeq'ajan ta chik chiwij. Jare' k'a ri xtiwichinaj kan rix ri ix nusamajel. Y rik'in k'a ri' xtiq'alajin chi rix kan ix choj. Yin Jehová ri yibin, nubij ri Dios.

Wuj Richin ri Isaías 45:9

Toq'ex ruwech ri nuben oyowal wik'in yin ri xibanon richin, roma man jun rejqalen, achi'el jun paxineq xára ri k'aqon kan chukojol ri ch'aqa' chik e paxineq. Man nitikir ta nich'ojin rik'in ri banayon richin. Ni ta ri bojo'y man nubij ta chire ri nisamajin richin chi ri bojo'y ri' maneq ruxikin.

Wuj Richin ri Isaías 8:10

Stape' xtich'ob ri achike niben, jak'a kan man jun utz xtel chiwech. Nibij-apo ri niwajo' niben, jak'a xa kan man xtibanatej ta, roma ri Dios kan k'o-wi qik'in roj, xecha' ri aj-Judá.

Wuj Richin Bix Chire ri Dios 20:7

Ek'o ri xa rik'in ri ki-carruaje richin oyowal ri nikikuquba' kik'u'x; ch'aqa' chik nikikuquba' kik'u'x rik'in ri kikiej; jak'a roj kan kuqul qak'u'x rik'in ri Jehová ri qa-Dios.

Wuj Richin ri Achin Job 40:9

¿Kan nawajo' nak'ut chi ri aq'a' rat kan k'o-wi ruchuq'a' achi'el ruchuq'a' ri nuq'a' yin? ¿Kan nawajo' nak'ut chi ri ach'abel rat kan niwajin achi'el niwajin ri nuch'abel yin?

Wuj Richin ri Achin Job 9:4

Ri Dios janila nim rik'in ri ruchuq'a' y ri retamabal. ¿Achike ta k'a ri nupaba-ri' chuwech rija', y kan man jun k'ayew nuna' kan pa ránima?

2 Crón 24:20

K'ari' ri Espíritu richin ri Dios xpe rik'in ri Zacarías, ruk'ajol kan ri Joiadá. Y xapon kik'in ri winaqi' y xpa'e' chikiwech akuchi ri más pa jotol, y xubij: Kere' nubij ri Dios: ¿Achike roma rix man itaqen ta ri nupixa'? ¿Achike roma xa iyon rix xikanoj ruk'ayewal? Roma rix xa xinimalij kan, keri' chuqa' yin xkixinmalij kan, nicha' ri Jehová, xcha'.

Deut 28:29

Keri' xkixmaqmo'x k'a pa nik'aj-q'ij achi'el nimaqmo'x jun moy pa q'equ'm y ronojel k'a ri xtiben man jun utz xtel chiwech; y kan jantape' xtiban chiwe richin xtitej poqon, y kan xteleq'ex-el ronojel ri k'o iwik'in y kan man jun xtipe richin xkixruto' ta juba'.

Deut 20:4

Roma ri Jehová ri qa-Dios ri k'o iwik'in rix, ja rija' ri xtibebanon oyowal kik'in ri e etzelanel qichin y kan xtuya' ri ch'akonik chiwe, xticha' ri sacerdote.

Wuj Richin ri Q'axanri'il 31:6

k'ari' ri Moisés xeruteq-el chupan ri labal kachibilan ri Finees, ri ruk'ajol ri sacerdote Eleazar. Y rija' xuk'uaj-el jujun chike ri samajibel richin ri rachoch ri Dios y chuqa' ri trompeta.

Wuj Richin ri Q'axanri'il 23:21

Man jun itzel banobel ri tz'eton ta chikij ri e rijatzul kan ri Jacob; man jun ruk'ayewal ri niqaqa ta chikij ri israelita. Roma ri Jehová ri ki-Dios kan k'o-wi kik'in; rije' kan nikibij k'a chi ri Dios kan ja wi ri' ri ki-rey.

Wuj Richin ri Q'axanri'il 14:41

Jak'a ri Moisés xa xubij chike: ¿Achike roma jun bey chik man ninimaj ta ri rupixa' ri Jehová? Roma wi xkixbe-el re wakami, ronojel man utz ta xtel chiwech.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

2 Crón 32:8

Rija' xa achi'a' ri yeto'on richin; jak'a roj kan ja ri Jehová ri qa-Dios yojto'on chupan re oyowal re', xcha'. Toq xkak'axaj ri ruch'abel ri rey Ezequías, ri winaqi' kan xk'oje' k'a kuqubabel-k'u'x kik'in.