2 Crón 12:7 - Kaqchiquel Bible

⁷ Y toq ri Jehová xerutz'et chi rije' janila xkiqasaj-ki' chuwech, jari' toq xubij chire ri Semaías: Roma xkiqasaj-ki' chinuwech, man xkenk'is ta; xa kan chi'anin k'a xkento', y man xtinkusaj ta ri Sisac richin ninwelesaj ri woyowal chirij ri Jerusalem.

2 Crón 12:7 ပူးပေါင်းရင်းမြစ်များ

2 Crón 34:25

Roma ri winaqi' xa xinkimalij kan, y xa xkisuj kamelabel chikiwech ch'aqa' chik dios, y xkiben chuwe chi xpe woyowal chirij ronojel ri kisamaj ri kibanon; roma ri' xtiqaqa k'a ri woyowal pa ruwi' re tinamit re', y ri woyowal kan man xtik'o ta qa, nicha' ri Jehová.

Wuj Richin ri Isaías 42:25

Roma ri' yin kan xinya' k'a ri woyowal pan iwi', y kan xinya' labal pan iwi'. Y ri labal ri' kan xixruk'is, achi'el nuben ri q'aq', man rik'in ri' man xq'ax ta chiwech, y man xixniman ta chuwe.

Apocalipsis 14:10

kan xtiqaqa-wi ruk'ayewal pa kiwi'. Kan xketzaq k'a achi'el yetzaq ri q'abarela', roma ri Dios kan xtuben chike chi tikiqumu' ri royowal rija'. Y konojel ri xkebanon keri', xtikitej poqon chupan ri q'aq' y ri chuwilej-abej chikiwech loq'olej taq ángel chuwech ri Karne'l.

Wuj Richin ri Jeremías 7:20

Roma ri' yin Jehová ninbij chi kan ninwisq'opej k'a ri woyowal pa ruwi' re tinamit re', pa kiwi' re winaqi', pa kiwi' ri kichikop, pa kiwi' ri kiche' y ri kitiko'n ri ek'o pa taq juyu' y ri woyowal xtuben achi'el jun q'aq' ri man nichup ta k'a toq xtuk'is na ronojel.

Wuj Richin ri Jeremías 3:13

Toqaqa k'a chi'ik'u'x chi kan ix makuwineq y kan ix yakatajineq chuwij yin ri in iwajaw, ri i-Dios. Kan chi'anin xe'itzeqelibej ch'aqa' chik dios chiri' chuxe' taq che' ri kan janila kixaq y kan man xinimaj ta nutzij. Ja yin Jehová ri yibin.

Wuj Richin Bix Chire ri Dios 79:6

Taya' k'a ri awoyowal pa kiwi' ri winaqi' ri man yatkitzeqelibej ta, pa kiwi' ri ruwach'ulew ri man yatkinataj ta.

Wuj Richin Bix Chire ri Dios 78:38

Man rik'in ri' ri Dios kan nujoyowaj kiwech, kan nukuy k'a ri kimak y kan man yeruk'is ta; k'iy k'a mul xuq'et ri royowal y kan man xuya' ta pe pa kiwi'.

2 Crón 34:21

Kixbiyin; ja tibek'ulubej ri Jehová pa nuwi' yin y pa kiwi' ri winaqi' ri k'a ek'o kan pa ruwach'ulew Israel y pa ruwach'ulew Judá. Tik'utuj chire achike nel chitzij re nubij re wuj re xinwil, roma ri royowal ri Jehová kan nim wi ri xqaqa pa qawi'. Ronojel re' xa roma k'a ri qati't-qamama' man xkitaqej ta ri xubij ri Jehová, y kan man xkiben ta achi'el ri tz'ibatajineq kan chupan re wuj, xcha'.

2 Rey 13:23

Jak'a ri Jehová kan xujoyowaj kiwech ri aj-Israel, y kan xeruto' chupan ri ruk'ayewal ri' roma ri jikibel-tzij ri xuben ojer kik'in ri Abraham, ri Isaac y ri Jacob. Y k'a re wakami, man e rumalin ta kan, ni man e ruk'ison ta el chuwech re ruwach'ulew.

2 Crón 12:12

Roma k'a xuqasaj-ri' ri Roboam chuwech ri Jehová, roma ri' xik'o-el royowal chirij y man xuya' ta q'ij chi xk'is ta jumul ri k'o rik'in. Man rik'in ri' kan k'a k'o na k'iy utz ri xk'oje' kan pa ruwach'ulew Judá.

2 Crón 34:27

y kan xsilon ri awánima y xaqasaj-awi' toq xawak'axaj ri nubij pa ruwi' re tinamit y pa kiwi' ri winaqi'; y roma kan xaqasaj-awi' chinuwech, xaretz ri atziaq chawij y janila xatoq' chinuwech; yin kan xatinwak'axaj yan k'a.

2 Crón 32:26

Jak'a xa kan xuqasaj chik ri' chuwech ri Dios, y keri' chuqa' xkiben konojel ruwinaq chiri' pa Jerusalem. Y roma ri' ri Jehová man chik xuya' ta pe ruk'ayewal pa kiwi' rije' rokik k'a k'es na ri Ezequías.

2 Crón 33:12

Y jak'a toq xuna' rukiy ri ruk'ayewal, k'ari' xch'on rik'in ri Jehová ri ru-Dios, ri ki-Dios kan ri rati't-rumama', y kan janila xuqasaj-ri' chuwech.

2 Crón 33:13

Y ri Dios kan xrak'axaj k'a, y xuben chire chi xtzolin-pe pa Jerusalem chupan ri ruq'atbal-tzij. K'ari' ri Manasés xq'ax chuwech chi kan xaxe ri Jehová ri qitzij Dios.