2 Crón 12:14 - Kaqchiquel Bible

¹⁴ Ri Roboam kan xuben k'a ri itzel y kan man xubij ta ránima richin xukanoj ri Jehová.

2 Crón 12:14 ပူးပေါင်းရင်းမြစ်များ

2 Crón 19:3

Jak'a ri Dios k'o ch'aqa' utz ri rutz'eton chawij, roma xe'awelesaj-el chupan re ruwach'ulew ri kiwachibel Asera, y kan atijon-pe aq'ij richin nakanoj ri Dios rik'in ronojel awánima, xcha' ri Jehú.

1 Corintios 16:13

Wach'alal, tichajij k'a ri ik'aslen y chuqa' kan ta kuqul ik'u'x rik'in ri Dios. Man titzolij-iwi' chiwij, xa tik'oje' iwuchuq'a' y kow kixk'oje'.

1 Corintios 15:58

Y roma ri', wach'alal ri janila yixinwajo', ninbij k'a chiwe chi kan kow kixk'oje', y man tiya' kan. Kan beneq k'a ruwech tibana' ri rusamaj ri ajaw, y jebel tibana' chire, roma ronojel ri niben roma rija', kan k'o-wi utz ri nuk'en-pe chiwe.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

Wuj Richin ri Isaías 45:19

Yin kan man in ch'owineq ta pan ewel, ni ta pa jun k'ojelibel akuchi janila q'equ'm chire ri ruwach'ulew. Man nubin ta chike ri winaqi' israelita chi kinkikanoj pa jun tz'iran ruwach'ulew. Ja yin Jehová, ri ninbij ri qitzij, y kan ninq'alajirisaj ri ruchojmilal, ncha' ri Dios.

Wuj Richin Bix Chire ri Dios 78:37

Roma ri kánima xa man choj ta chuwech rija', ni man xkitaqej ta ri kich'abel.

2 Crón 30:19

Jehová Dios kichin ri qati't-qamama'; takuyu' kimak, stape' man kich'ajch'ojirisan ta ki' achi'el ri tz'ibatel kan chupan ri pixa', xcha'.

2 Crón 11:16

Toq ri e sacerdote y ri e levita xe'el-pe pa ruwach'ulew Israel, chuqa' konojel ri winaqi' israelita ri kan rik'in ronojel kánima nikikanoj ri Jehová, xepe pa Jerusalem junan kik'in rije', richin nikisuj kamelabel chuwech ri Jehová, ri ki-Dios y ri Dios kichin ri kite-kitata'.

San Mateo 7:7

Tik'utuj k'a ri nik'atzin chiwe, y ri Dios kan xtuya' k'a pe. Tikanoj, y xtiwil ri niwajo'. Kixoyon, y kan xkixak'axex k'a pe.

Wuj Richin Bix Chire ri Dios 78:8

Richin keri' man tikiben achi'el ri xkiben ri kite-kitata' rije', ri xa kan xaxe ri yakatajinenri'il ri xkiben y man ja ta ri xubij ri Dios chike. Rije' xa kan man xkijeq ta ri kánima chuwech ri Dios ni man xkiben ta ri xkisuj chire ri Dios.

Wuj Richin Bix Chire ri Dios 57:7

Jare' k'a k'o ri wánima chawech, rat nu-Dios, kan nujachon k'a wi' pan aq'a'. Kan xtinbixaj k'a ri abi' y kan xtinya' aq'ij.

1 Crón 29:18

Ajaw Dios, ri qa-Dios y ri ki-Dios ri qati't-qamama' ri Abraham, ri Isaac y ri Israel, kan richin ta jantape' xtiqa' chawech ri xuya-apo ri atinamit chawe, y tabana' chike richin xtikijech ta chuqa' ri kánima chawe.

1 Sam 7:3

Y ri Samuel xch'on k'a kik'in konojel rije' y xubij: Wi kan qitzij rik'in ronojel ik'u'x yixtzolej-pe rik'in ri Jehová, kan ke'iwelesaj k'a el konojel dios y chuqa' ri ixoq dios Astarté ri niya' ruq'ij rix. Kan tijacha' k'a ri iwánima chire ri Jehová. Kan xaxe k'a rija' xtiwilij y rija' kan xkixrukol pa kiq'a' ri aj-Filistea, xcha'.

Deut 5:29

K'ate' ta kere' k'o pa taq kánima ronojel mul, kan nikiya' ta nuq'ij y chuqa' kan nikitaqej ta ronojel ri nupixa', richin keri' rije' y ri kalk'ual kan jantape' ta utz xtel ronojel chikiwech.

1 Rey 14:22

Ri winaqi' aj-Judá xa kan xkiben chuqa' ri etzelal, y roma ri' kan janila xkiyek royowal ri Jehová. Rije' kan más k'a xemakun chikiwech ri kati't-kimama'.