2 Crón 12:1 - Kaqchiquel Bible

¹ Toq ri Roboam xjike' ri ruq'atbal-tzij y xuna' richin xk'oje' ruchuq'a', xa kan man xutaqej ta chik ri rupixa' ri Jehová y chuqa' keri' xkiben konojel ri winaqi' ri ek'o chupan ri q'atbel-tzij.

2 Crón 12:1 ပူးပေါင်းရင်းမြစ်များ

1 Rey 12:17

Jak'a ri aj-Israel ri k'o kachoch pa taq tinamit ri chiri' pa Judá, k'a xq'aton na tzij ri Roboam pa kiwi'.

1 Rey 14:21

Jak'a chupan ri tinamit Jerusalem ri cha'on kan roma ri Dios chikikojol ri tzobaj richin ri Israel richin chi chiri' niya'ox-wi ruq'ij rija', chupan ri tinamit ri', ja ri Roboam ri ruk'ajol kan ri Salomón jari' ri rey. Toq xok kan rey pa ruwi' ri ruwach'ulew Judá k'o k'a kawineq jun rujuna', y xq'aton k'a tzij wuqlajuj juna'. Ri rute' rija' rubini'an Naamá aj-Amón.

1 Rey 9:9

Y rije' xa xtikibij: Xa roma xkimalij kan ri Jehová ri ki-Dios, ri xelesan-pe kichin ri kite-kitata' pa ruwach'ulew Egipto, y xa xekik'amala-apo ch'aqa' chik dios richin xkiya' kiq'ij y richin xekisamajij. Xa roma ri' ri Jehová xuya-pe pa kiwi' re ruk'ayewal re', xkecha'.

2 Rey 17:19

Ni ta k'a ri winaqi' richin ri ruwach'ulew Judá man xkitaqej ta ri nubij ri pixa' richin ri Jehová ri ki-Dios. Xa xkitzeqelibej k'a ri itzel taq kibanobal ri israelita.

2 Crón 11:17

Kere' k'a xbanatej toq xjikibex kan ri q'atbel-tzij pa Judá; ri winaqi' ri' xaxe oxi' juna' xkito' ri Roboam ri ruk'ajol kan ri Salomón y ri aj-raqen ri ek'o rik'in, roma rije' xaxe oxi' juna' xetikir xkiben ri utz, achi'el xkiben ri ánima David y ri Salomón.

2 Crón 11:23

Y ri Roboam kan xnojin richin xerutaluj-el ri ralk'ual kik'in ri rijatzul ri Judá y ri Benjamín chupan ri tinamit ri e tz'apen-kij chi tz'aq, y xuya' k'a chike pa ruk'iyal ri nik'atzin richin nikitej, y chuqa' xerukanoj kan k'iy kixjayilal.

2 Crón 11:3

Ri Jehová xch'on-pe rik'in jun q'alajirisey ruch'abel, ri rubini'an Semaías, y xubij chire:

2 Crón 12:13

Ri Roboam kan xk'oje' k'a ruchuq'a' chupan ri ruq'atbal-tzij pa Jerusalem. K'o k'a kawineq jun rujuna' toq xuchop nuq'et-tzij y wuqlajuj juna' xq'aton-tzij chiri' pa Jerusalem; tinamit ri kan rucha'on ri Jehová chikikojol ri tzobaj richin ri Israel richin nik'oje' chiri' y niya'ox ruq'ij. Y ri rute' aj-Amón, y rubini'an Naamá.

2 Crón 24:18

Roma ri' ri winaqi' xkimalij kan ri rachoch ri Jehová ri ki-Dios kan ri kati't-kimama', y xkisamajij k'a ri ruwachibel Asera y ri ch'aqa' chik wachibel. Roma re mak re' ri Dios xpe royowal pa ruwi' ri Judá y ri Jerusalem.

Wuj Richin ri Isaías 1:4

¡Toq'ex iwech rix tzobaj winaqi' aj-maki'! Rix ix jun tinamit ri kan ix nojineq chi etzelal, jun sol winaqi' ri kan ix richin etzelal, achi'el alk'ualaxela' ri maneq k'ix kik'in. Rix kan xinimalij k'a kan. Y kan xiben chi xyakatej janila woyowal yin Jehová ri ink'o pan iwi'.

Wuj Richin ri Jeremías 2:31

Rix winaqi' ri ix richin re sol winaqi' re'; tiya' jebel ixikin chire ri nuch'abel. ¿Man jun kami nuya'on chiwe rix? o ¿Man jun kami nuq'alajirisan chiwech? Nutinamit yin, ¿achike k'a roma nibij chi rix ix totajineq chuwech ronojel y man jun bey chik xkixtzolin wik'in?

Os 13:1

Pa nabey kan, toq ri winaqi' richin ri tinamit Efraín yech'on, kan konojel k'a ri ch'aqa' chik tzobaj ye'ak'axan kichin, roma kan k'o kikiy. Kan xnimirisex k'a kiq'ij koma ri kach'alal. Jak'a toq xemakun roma xkiya' kiq'ij ri Baal, xa xek'is.

Wuj Richin ri Miqueas 6:16

Xtibanatej ronojel re' roma xitzeqelibej achi'el xuben kan ri pa ruq'atbal-tzij ri Omrí. y xa ibanon achi'el xkiben ri e aj pa rachoch kan ri Acab. Roma ri' xtitole' kan ri itinamit. Y ri winaqi' richin ri ch'aqa' chik ruwach'ulew xketze'en chiwij, y kan ja k'a rix xkixejqalen ri ruk'ixbilal.

Deut 32:15

Jak'a rix aj-Jesurún,*f5* toq jebel xixtzuq yan, xa xixyakatej chirij ri xilin iwichin. Rix xixok k'a achi'el jun chikop ri liq'-liq' rij, kan jebel k'a xixti'ojir. Jari' toq kan xipiskolij-el-iwi', jari' toq xixbe nej chire ri Dios ri xbanon iwichin. Xa xiwetzelaj kan ri Dios, ri nimalej abej, ri akuchi xiwil to'onik.

Deut 32:18

Rix winaqi' israelita xa xiya' kan ri nimalej abej ri akuchi xiwil-wi to'onik, y ja nimalej abej ri', ri xixkolon. Rix xa ximestaj kan ri Jehová ri xya'on ik'aslen.

Wuj Kichin ri To'onela' 2:15

Y xabakuchi k'a yebe-wi pan oyowal, ri Jehová man xeruto' ta y kan xuben chike chi nikitej poqon; achi'el rubin rija' chike, y kan rujikiban chi keri' nuben; y kan janila k'a xepoqonatej.