2 Crón 11:6 - Kaqchiquel Bible

^6-10 Ri Roboam xk'oje-qa pa Jerusalem y xupaba' chik q'anej ri tinamit ri k'o pa ruwach'ulew Judá y Benjamín, ri e tz'apen-kij chi tz'aq. Ja tinamit re': Belén, Etam, Tecoa, Bet-sur, Socó, Adulam, Gat, Maresá, Zif, Adoraim, Laquis, Azecá, Sorá, Aialón y ri Hebrón.

2 Crón 11:6 ပူးပေါင်းရင်းမြစ်များ

Wuj Richin ri Rutikeribel 35:19

Y keri' k'a toq ri Raquel xken y xkimuq kan ri chiri' toq kichapon-el bey pan Efrata, ri wakami jari' ri tinamit rubini'an Belén.

2 Sam 14:2

jari' toq xuteq ruk'amik jun ixoq aj-Tecoa ri kan janila nowineq. Y xuk'utuj utzil chire chi tubana-el achi'el xa ta janila nibison, y tukusaj-el tzieq richin bis, y man tuya-el jubulej aq'om chirij. Chuqa' xubij chi chirij ri' tapon rik'in ri rey, y tubana' chi achi'el xa ta k'iy yan juna' k'o-pe pa bis roma k'o jun ri xken rik'in.

1 Crón 4:3

Jere' ri e ruk'ajol ri Hur: Ri Etam, ri Jezreel, ri Ismá, ri Idbás, chuqa' k'o jun kana' rubini'an Haslelponi, ri Penuel rutata' ri Guedor, y ri Éser rutata' ri Husá. Jere' ri e ruk'ajol ri Hur ri nabey ruk'ajol ri Efrata, ri xtz'ukun ri tinamit Belén.

1 Crón 4:32

Chuqa' ek'o wo'o' kitinamit kibini'an: Ri Etam, ri Ain, ri Rimón, ri Toquen y ri Asán,

2 Crón 11:5

Ri Jehová nubij chi man yixbe ta richin nibebana' oyowal kik'in ri qach'alal ri e rijatzul kan ri Israel. Más utz kixtzolin chi'ijujunal chi'iwachoch, roma kan ja ri Jehová ri xya'on q'ij chi keri' xbanatej, xkacha' chike, xcha' ri Jehová chire ri Semaías. Toq ri winaqi' xkak'axaj ronojel re', rije' kan xkinimaj k'a ri ruch'abel ri Dios y xetzolej k'a chi taq kachoch.

2 Crón 20:20

Ri ruka'n q'ij, xeyakatej nimaq'a' yan richin yebe pa tz'iran ruwach'ulew ri k'o chunaqaj ri tinamit Tecoa, y toq rije' ye'el yan el, ri Josafat xpa'e-q'anej y xubij chike konojel: Kiniwak'axaj chi'iwonojel nuwinaq. Kan tiqakuquba' qak'u'x rik'in ri Jehová ri qa-Dios y keri' kan xtik'oje' k'a quchuq'a'; chuqa' tiqakuquba' qak'u'x kik'in ri q'alajirisey ruch'abel ri Dios y kan utz k'a xtel ronojel chiqawech, xcha' chike.

Wuj Richin ri Nehemías 3:27

Chikij rije' ri aj-Tecoa xkiben chik jun ruka'n samaj. Xkichojmirisaj k'a q'anej ri jun chik ram chire ri tz'aq ri k'o chuwech ri rachoch ri chajinel ri k'o pa ruwi' ri tz'aq ri janila nej jotol chikaj y napon k'a rik'in ri tz'aq richin Ówel.

Wuj Richin ri Nehemías 3:5

Y chikinaqaj chik rije' xesamej ri aj-Tecoa, stape' ri achi'a' ri k'o kiq'ij man xkajo' ta xeto'on chubanik ri samaj kik'in ri e uk'uey bey.

Wuj Richin ri Jeremías 6:1

Chuqa' ri Dios nubij: Rix winaqi' aj-Benjamín kan tikanoj k'a akuchi nito-wi-el-iwi'. Kixanimej-el re wawe' pa tinamit Jerusalem. Tibexupuj ri trompeta chiri' pa tinamit Tecoa richin niya' rutzijol y tiya-q'anej jun retal rik'in jun sib, chiri' pa tinamit Bet-haquérem, roma peteneq jun wululen, jun nimalej ruk'ayewal ri peteneq kela' pa xaman.

Am 1:1

Yin nubini'an Amós, jun chike ri yuq'unela' ri ek'o pa tinamit Tecoa. Ri Jehová xch'on k'a wik'in pa ruwi' ri xtuk'uluwachij ri ruwach'ulew Israel ri k'o pa xaman. Re ch'abel re' xbix chuwe toq niq'aton-tzij ri Ozías pa ruwi' ri ruwach'ulew Judá, y toq ri Jeroboam ruk'ajol ri Joás niq'aton-tzij pa ruwi' ri ruwach'ulew Israel. K'o yan k'a ka'i' juna' tibix chuwe toq xuben ri nimalej silonel. Y kere' k'a ri rutzijol ri xuya' ri Dios chuwe:

Wuj Kichin ri To'onela' 15:8

Xeruchop k'a chi oyowal, janila xeruch'ey, y e k'iy xerukamisaj kan; y k'ari' xbe y xbek'oje' pa jun jul ri k'o chiri' chupan ri abej Etam.

1 Sam 17:12

Ri Isaí aj-Belén richin Judá, kan janila k'a ri'j chik toq niq'aton-tzij ri rey Saúl, y rija' ek'o e waqxaqi' ruk'ajol, y jun chike rije' ja ri David.