2 Crón 11:5 - Kaqchiquel Bible

⁵ Ri Jehová nubij chi man yixbe ta richin nibebana' oyowal kik'in ri qach'alal ri e rijatzul kan ri Israel. Más utz kixtzolin chi'ijujunal chi'iwachoch, roma kan ja ri Jehová ri xya'on q'ij chi keri' xbanatej, xkacha' chike, xcha' ri Jehová chire ri Semaías. Toq ri winaqi' xkak'axaj ronojel re', rije' kan xkinimaj k'a ri ruch'abel ri Dios y xetzolej k'a chi taq kachoch.

2 Crón 11:5 ပူးပေါင်းရင်းမြစ်များ

2 Crón 11:23

Y ri Roboam kan xnojin richin xerutaluj-el ri ralk'ual kik'in ri rijatzul ri Judá y ri Benjamín chupan ri tinamit ri e tz'apen-kij chi tz'aq, y xuya' k'a chike pa ruk'iyal ri nik'atzin richin nikitej, y chuqa' xerukanoj kan k'iy kixjayilal.

2 Crón 11:6

Ri Roboam xk'oje-qa pa Jerusalem y xupaba' chik q'anej ri tinamit ri k'o pa ruwach'ulew Judá y Benjamín, ri e tz'apen-kij chi tz'aq. Ja tinamit re': Belén, Etam, Tecoa, Bet-sur, Socó, Adulam, Gat, Maresá, Zif, Adoraim, Laquis, Azecá, Sorá, Aialón y ri Hebrón.

2 Crón 12:4

Xeruch'ek k'a ri tinamit ri tz'apen-kij chi tz'aq ri e richin ri ajawaren Judá, y xapon k'a pa tinamit Jerusalem.

2 Crón 14:5

Chuqa' xerelesaj chupan ronojel tinamit ri k'o pa ruwach'ulew Judá, ri akuchi niya'ox-wi kiq'ij ri ch'aqa' chik dios y chuqa' akuchi niporox-wi pom. Y roma keri' xuben rija', kan xk'oje' k'a uxlanibel-k'u'x janipe' xuq'et-tzij.

2 Crón 16:6

Y k'ari' ri rey Asá xerumol konojel ri winaqi' ri ek'o pa rajawaren richin xkik'uaj-el ronojel ri xk'atzin chire ri Baasá richin xupaba-q'anej ri tz'aq. Konojel ri winaqi' ri' xkeraj-el ri abej y ri che' ri najin chukusaxik ri Baasá. Jari' ri xukusaj ri rey Asá richin xeruben-q'anej tz'aq chikij ri tinamit Mispá y ri Guebá.

2 Crón 17:12

Ri rey Josafat xk'oje' k'a q'anej ronojel uchuq'a' pa ruq'a', y xerupabala-q'anej nimalej taq jay tz'apen-kij chi tz'aq, y chuqa' xerupaba-q'anej tinamit ri akuchi ek'o jay richin yakonabel richin ronojel ri nik'atzin, chijun ri ajawaren.

2 Crón 17:2

Xeruya' k'a aj-labal ri chiri' pa taq tinamit ri e sutin-kij chi tz'aq ri e richin ri rajawaren rija', y chuqa' xeruya' chajinela' ri chiri' pa taq tinamit richin Efraín, tinamit ri e ruch'akon kan ri Asá.

2 Crón 21:3

Ri Josafat kan k'iy k'a sipanik ruya'on kan chike ri ralk'ual: Ri q'anapueq, ri saqipueq y ch'aqa' chik ri kan k'o rejqalen; chuqa' ruya'on kan chike tinamit ri kan jebel tz'apen-kij chi tz'aq ri ek'o chiri' pa Judá, jak'a ri q'atbel-tzij kan chire ri Joram ruya'on-wi kan roma ja rija' ri nabey ruk'ajol.

2 Crón 26:6

Xberubana' k'a oyowal kik'in ri aj-Filistea y xuwulaj k'a ri tz'aq ri rusutin-rij ri tinamit Gat, ri rusutin-rij ri tinamit Jabnia y ri rusutin-rij ri tinamit Asdod. Rija' kan xerupaba-q'anej ch'aqa' chik tinamit chunaqaj ri tinamit ri', pa kiruwach'ulew ri aj-Filistea.

2 Crón 27:4

Chuqa' xerupaba-q'anej tinamit chuwa taq juyu' richin Judá, y xeruben-q'anej jay e tz'apen chi tz'aq y xeruben chuqa' jay kichin ri chajinela' pa ruwi' ri tz'aq, pa taq k'echelaj.

Wuj Richin ri Jeremías 34:7

rokik ri aj-labal richin ri rey Babilonia, kan kichapon k'a chi oyowal ri tinamit Jerusalem, ri Laquis y ri Azecá, roma kan xaxe chik re' ri ek'o kan.