2 Crón 11:16 - Kaqchiquel Bible

¹⁶ Toq ri e sacerdote y ri e levita xe'el-pe pa ruwach'ulew Israel, chuqa' konojel ri winaqi' israelita ri kan rik'in ronojel kánima nikikanoj ri Jehová, xepe pa Jerusalem junan kik'in rije', richin nikisuj kamelabel chuwech ri Jehová, ri ki-Dios y ri Dios kichin ri kite-kitata'.

2 Crón 11:16 ပူးပေါင်းရင်းမြစ်များ

1 Crón 16:29

Kan ruk'amon richin niqanimirisaj ri nimalej rubi' ri Jehová. Kan tiqak'ama-pe sipanik chuwech; kan xtiqaxuk-xtiqamej-qi' chuwech ri loq'olej ruk'ojlemal rija'.

1 Crón 22:1

Y roma ri' ri David xubij: Wawe' k'a xtibek'oje-wi ri rachoch ri Jehová Dios, y wawe' xkeporox-wi chikopi' pa ruwi' ri porobel richin ri qatinamit Israel, xcha'.

1 Crón 22:19

Roma ri' kan rik'in k'a ronojel iwánima y rik'in kikoten, tikanoj ri Jehová ri qa-Dios. Xtipaba' k'a q'anej ri rachoch ri Dios richin xtibeq'axex-pe ri káxa richin ri rujikibel-tzij chiri', y chuqa' ronojel ruwech samajibel ri e ch'aron richin ri jay ri', xcha'.

2 Crón 11:17

Kere' k'a xbanatej toq xjikibex kan ri q'atbel-tzij pa Judá; ri winaqi' ri' xaxe oxi' juna' xkito' ri Roboam ri ruk'ajol kan ri Salomón y ri aj-raqen ri ek'o rik'in, roma rije' xaxe oxi' juna' xetikir xkiben ri utz, achi'el xkiben ri ánima David y ri Salomón.

2 Crón 15:12

K'ari' rije' xkiben jun jikibel-tzij rik'in ronojel kánima y ronojel kik'u'x richin chi jantape' xtikikanoj ri Jehová, ri Dios kichin kan ri kati't-kimama'.

2 Crón 15:15

Konojel k'a ri winaqi' ri' kan janila xekikot roma ri ya'on-tzij ri xkiben, roma kan rik'in ronojel kánima xkiya' kitzij, y rik'in ronojel kik'u'x xkikanoj ri Jehová. Y ri Jehová kan xerak'axaj k'a, y xuya' uxlanibel-k'u'x kik'in chire ri oyowal.

2 Crón 15:9

K'ari' xerumol konojel ri winaqi' ri ek'o pa rajawaren, ri chiri' pa Judá y Benjamín y chuqa' xerumol ri winaqi' ri e peteneq pan Efraín, pa Manasés y ri pa Simeón ri xeq'ax-pe kik'in rije', roma kan xkitz'et chi kan k'o-wi ri Jehová kik'in.

2 Crón 19:3

Jak'a ri Dios k'o ch'aqa' utz ri rutz'eton chawij, roma xe'awelesaj-el chupan re ruwach'ulew ri kiwachibel Asera, y kan atijon-pe aq'ij richin nakanoj ri Dios rik'in ronojel awánima, xcha' ri Jehú.

2 Crón 20:3

Toq ri Josafat xrak'axaj keri', xuk'en janila rukiy y kan jari' xuk'ulubej ri Jehová; y chuqa' xutaluj rutzijol chupan ri rajawaren chi konojel winaqi' kemewayin.

2 Crón 20:4

Xkimol k'a ki' winaqi' richin ronojel tinamit chupan ri ajawaren richin Judá richin xech'on rik'in ri Jehová y xkik'utuj to'onik chire chupan ri jun oyowal ri'.

2 Crón 30:11

Man rik'in ri' ek'o k'a ka'i-oxi' achi'a' ri e richin ri tzobaj ri Aser, ri Manasés y ri Zabulón ri xkiqasaj-ki' chuwech ri Dios, y xepe k'a pa Jerusalem.

Wuj Richin ri Achin Job 34:14

Roma ri' xa ta nipe pa ránima ri Dios chi nuben chike ri winaqi' chi nroyoj-el ri kánima y nuq'et ri kaq'iq',

Wuj Richin Bix Chire ri Dios 108:1

Jare' k'o ri wánima chawech y kan man xtinjel ta chik ri nuch'obonik. Kan xtinbixaj k'a ri abi', y re' jun ruwaq'ijaj chuwe yin.

Wuj Richin Bix Chire ri Dios 62:10

Man tikuquba' ik'u'x rik'in ri banoj kamik, ni man ninimirisaj-iwi' roma ri iweleq'. Wi nik'iyer-q'anej ri ibeyomel, man tikuquba' ik'u'x rik'in.

Ex 9:21

Jak'a ri aj-raqen, ri aj-Egipto, ri man xeniman ta chire ri ruch'abel ri Jehová, xa xekiya' kan ri kawej y ri kisamajela' ri pa taq juyu'.

Dn 6:14

Toq ri rey xrak'axaj re ch'abel re', kan janila k'a xq'axon ránima y xukanoj rubanik richin ta xukol ri Daniel chuwech ri kamik. Y keri' k'a xuben k'a xqaqa na qa ri q'ij.

Os 4:8

Rik'in k'a ri sipanik ri nuya' ri tinamit richin nikuyutej kimak, rik'in ri' e k'es-wi. Roma ri' rije' kan nikirayij chi ri nutinamit nimakun ta más.

Wuj Richin ri Hageo 1:5

Roma ri' yin Jehová ri k'o ronojel uchuq'a' wik'in ninbij: Tich'obo' jebel wi utz ri yixajin chubanik.

Wuj Richin ri Zacarías 8:21

Y ri winaqi' kichin jalajoj ruwech tinamit xkekik'uaj-el ch'aqa' chik winaqi' richin xkepe kik'in rije' richin xkinkikanoj yin Jehová k'iytisanel richin ronojel.

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.

Deut 32:46

xubij k'a chike konojel: Kan tiya' k'a rejqalen ronojel re xinbij chiwe re wakami, richin yixtikir nibij chike ri iwalk'ual chi tikitaqej ronojel ri nubij re pixa' re'.

Wuj Richin ri Josúe 22:19

Wi rix nina' chi man ch'ajch'oj ta ri ruwach'ulew ri xiwichinaj kan, más utz kixq'ax k'a pe wawe' pa qaruwach'ulew ri kan qitzij richin ri Jehová. Kixk'oje' k'a chiqakojol ri akuchi k'o-wi ri rachoch ri Jehová, y xtok iwichin jun chike ri qaruwach'ulew roj. Jak'a man kixyakatej chirij ri Jehová, ni chuqa' chiqij roj; y man tipaba' chik q'anej jun porobel ri xa k'o chik, ri kan richin ri Jehová ri qa-Dios.