2 Crón 11:12 - Kaqchiquel Bible

¹² Y chuqa' chupan ronojel ri tinamit ri' xeruyala' tobel y kum, y kan xkiben achi'el ri nubij rija' chike ri e rijatzul kan ri Judá y ri Benjamín.

2 Crón 11:12 ပူးပေါင်းရင်းမြစ်များ

2 Crón 32:5

Y ri Ezequías kan rik'in k'a ronojel uchuq'a' xuteq ruchojmirisaxik ri tz'aq, y xeruben-q'anej jay kichin ri chajinela' pa ruwi', y chuqa' xuben jun chik tz'aq ri xk'oje-pe chuwech ri tz'aq ri kan k'o. Chuqa' xunojisaj chik chi ulew ri chuwech-pe ri tz'aq ri k'o chiri' pa tinamit richin ri rey David. Y xuteq rubanikil k'iy espada y tobel.

2 Sam 13:22

Jak'a ri Absalón man jun xubij chire ri Amnón, ni utz ni itzel, stape' pa ránima kan janila xretzelaj ri Amnón, roma xk'oje' rik'in ri Tamar ri rana'.

2 Sam 13:19

K'ari' ri Tamar xuretz-el ri rutziaq ri', y xujopij-el chaj pa rujolon, Y k'ari' xuya-el ri ruq'a' chupalej y noq' xbe.

2 Crón 11:11

Ri chiri' chupan ri tinamit ri', xeruchojmirisaj-qa ri jay ri e tz'apen-kij chi tz'aq y xeruya' aj-raqen pa kiwi', y chiri' xeruyek-wi ronojel ri yek'atzin richin yetij, ri aceite y ri vino.

2 Crón 11:13

Konojel k'a ri e sacerdote y ri e levita ri ek'o pa ruwach'ulew Israel ri k'o pa xaman, xepe richin xjunamatej-kiwech rik'in ri rey Roboam.

2 Crón 10:17

Jak'a ri aj-Israel ri k'o kachoch pa taq tinamit ri chiri' pa Judá, k'a xq'aton na tzij ri Roboam pa kiwi'.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

2 Crón 17:12

Ri rey Josafat xk'oje' k'a q'anej ronojel uchuq'a' pa ruq'a', y xerupabala-q'anej nimalej taq jay tz'apen-kij chi tz'aq, y chuqa' xerupaba-q'anej tinamit ri akuchi ek'o jay richin yakonabel richin ronojel ri nik'atzin, chijun ri ajawaren.

Ez 37:16

Rat Ezequiel, takanoj-pe ri tz'alem richin chi natz'ibaj re jun rutzijol re' chuwech: Richin ri rajawaren ri Judá y ri israelita ri ek'o rik'in. Chirij ri' takanoj jun chik ti tz'alem y tatz'ibaj chuqa' re rutzijol re' chuwech: Richin ri rajawaren ri José, ri q'atbel-tzij richin ri Efraín y ri ch'aqa' chik winaqi' israelita.