2 Crón 10:15 - Kaqchiquel Bible

¹⁵ Ri rey man xerak'axaj ta ri winaqi' ri', roma ja ri Dios xbanon chire richin keri' nibanatej, achi'el ri rubin ri Dios chire ri Ahías ri aj-Siló chirij ri Jeroboam ri ruk'ajol ri Nabat, chi keri' xtibebanatej.

2 Crón 10:15 ပူးပေါင်းရင်းမြစ်များ

1 Sam 2:25

Titz'eta' na pe, wi jun wineq nimakun chuwech jun chik wineq, ek'o k'a yeq'aton-tzij pa ruwi', jak'a ri jun wineq nimakun chuwech ri Jehová ¿Achike k'a xtito'on richin?, xubij ri Elí. Jak'a rije' man xeniman ta chire ri kitata', roma ri Jehová Dios ruch'obon chik richin nrelesaj-el kik'aslen.

Wuj Richin ri Isaías 19:14

Ri Jehová kan xtuben chike chi xkemayamo-qa. Y roma ri ruk'ayewal, rije' xtikiben achi'el nuben jun q'abarel, toq nixa'a' y nitzaq-qa chupan ri'.

Hechos 4:28

Jak'a ri xkiben rije' k'o chi xbanatej roma rat kan keri' ach'obon, y rat kan k'o uchuq'a' awik'in richin keri' naben.

Hechos 2:23

Jak'a ri Dios xuya' k'a q'ij chi xjach ri Jesús pan iq'a', roma kan keri' ri ruch'obon-pe. Rix xiya' pa kiq'a' aj-maki', y keri' ja rix xixkamisan chuwa ri cruz.

1 Rey 22:20

Y ri Jehová xuk'utuj chike ri ángel: ¿Achike ta chiwe rix nitikir nibebanon chire ri Acab chi niberubana' oyowal pa ruwi' ri Ramot ri k'o pa Galaad, y nibe xaxe richin nibeken kan?, xcha'. Y konojel ri ángel xech'owiyaj k'a chikiwech, y jun wi nikibij ri ch'aqa', y jun wi chik ri nikibij ri ch'aqa' chik.

1 Rey 12:24

Ri Jehová nubij chi man yixbe ta richin nibebana' oyowal kik'in ri qach'alal ri e rijatzul kan ri Israel. Más utz kixtzolin chi'ijujunal chi'iwachoch, roma kan ja ri Jehová ri xya'on q'ij chi keri' xbanatej, kacha' chike, xcha' ri Jehová chire ri Semaías. Toq ri winaqi' xkak'axaj ronojel re', rije' kan xkinimaj k'a ri ruch'abel ri Dios y xetzolej k'a chi taq kachoch.

1 Rey 12:15

Keri' ri rey xa man xerak'axaj ta ri winaqi'. Jak'a ri Jehová xya'on q'ij chi keri' xbanatej, richin keri' nibanatej ronojel achi'el xubij ri Jehová chire ri Ahías ri aj-Siló toq xch'on rik'in ri Jeroboam.

Wuj Kichin ri To'onela' 14:4

Jak'a ri rute-rutata' ri Sansón man ketaman ta chi ronojel re' kan rik'in ri Jehová peteneq-wi, roma ri Dios nrajo' chi k'o ta jun ri niyakatej richin nuben oyowal kik'in ri aj-Filistea; roma ri q'ij ri' ja ri aj-Filistea ri ek'o pa kiwi' ri israelita.

San Juan 19:24

Roma ri' toq rije' xkibila' k'a chikiwech: Man tiqaretz re jun tzieq re'. Xa tiqaya' pan etz'anen, richin keri' xa jun ri nuk'uan-el, xecha'. Ri xbanatej k'a rik'in ri rutziaq ri Jesús, kan tz'ibatel-wi kan chupan ruch'abel ri Dios. Roma nubij:*f23* Ri nutziaq kan xkich'arala' k'a chikiwech, y kan xkibanala' k'a sakinik pa ruwi', nicha'. Y kan keri' wi xkiben ri aj-labal.

2 Crón 9:29

Ri ch'aqa' chik natabel richin ri Salomón, ri pa rutikeribel y pa ruk'isibel chire ri ruk'aslen, xtz'ibatej kan chupan ri wuj ri kichin ri e q'alajirisey ruch'abel ri Dios, kibini'an Natán y ri Ahías ri aj-Siló, y chuqa' chupan ri wuj ri nich'on chirij ri rubanobal ri Jeroboam ruk'ajol ri Nabat, y ri wuj ri' ja ri Iddo ri nitz'eton ri peteneq chiqawech ri tz'ibayon kan.

Deut 2:30

Jak'a ri rey ri' man xuya' ta q'ij richin xojq'ax-el chupan ri ruwach'ulew, roma ri Jehová ri qa-Dios xukowirisaj ri ránima y kan xupaba-ri' chiqawech. Ri Jehová xuben keri' richin chi xujech pa qaq'a' ri Sihón y ri ruwach'ulew.

2 Crón 10:14

Rija' xa ja ri xkibij ri alaboni' chire, xa jari' xutzeqelibej y xubij chike ri winaqi': Ri nata' xuya' al ejqa'n chiwij, jak'a yin kan xtinben chi janila ralal ri ejqa'n ri'. Rija' xixruch'ey rik'in tz'um, jak'a yin xkixinch'ey rik'in tz'um ri k'o k'ix ch'ich' chutza'n, xcha' chike.

2 Crón 11:4

Kabech'on rik'in ri Roboam ri rey richin Judá, kik'in konojel ri ruwinaq, y ri winaqi' aj-Benjamín, y ri ch'aqa' chik winaqi' ri ek'o chiri' y tabij chike:

2 Crón 22:7

Ri Dios xuben chire ri Ocozías chi nibeken toq xtiberuq'ejela-el ri Joram. Toq ri Ocozías xapon rik'in ri Joram, kan jari' k'a xe'el-el richin nibekibana' oyowal rik'in ri Jehú, ruk'ajol ri Nimsí. Jak'a ri Jehová kan rucha'on ri Jehú richin yeruk'is konojel ri e ralk'ual y ri rixjayil ri Acab.

2 Sam 17:14

Ri Absalón y konojel ri israelita kan utz k'a xkak'axaj ri rupixabanik ri Husai arquita chuwech ri rupixabanik ri Ahitófel. Kere' xbanatej roma ri Jehová kan rubin chik chi ri rupixabanik ri Ahitófel xa xtiyojtej, richin chi xtiqaqa ri ruk'ayewal pa ruwi' ri Absalón.