2 Crón 10:14 - Kaqchiquel Bible

¹⁴ Rija' xa ja ri xkibij ri alaboni' chire, xa jari' xutzeqelibej y xubij chike ri winaqi': Ri nata' xuya' al ejqa'n chiwij, jak'a yin kan xtinben chi janila ralal ri ejqa'n ri'. Rija' xixruch'ey rik'in tz'um, jak'a yin xkixinch'ey rik'in tz'um ri k'o k'ix ch'ich' chutza'n, xcha' chike.

2 Crón 10:14 ပူးပေါင်းရင်းမြစ်များ

2 Crón 10:13

Ri rey Roboam kan kow k'a xch'on chike ri winaqi', y xa man xuya' ta ruxikin chire ri xkibij ri achi'a' ri k'o kina'oj.

2 Crón 10:15

Ri rey man xerak'axaj ta ri winaqi' ri', roma ja ri Dios xbanon chire richin keri' nibanatej, achi'el ri rubin ri Dios chire ri Ahías ri aj-Siló chirij ri Jeroboam ri ruk'ajol ri Nabat, chi keri' xtibebanatej.

Wuj Richin Etamabel-Tzij 12:5

Ri ruch'obonik ri wineq ri choj ruk'aslen, kan ja ri nuben utz chikiwech ri ch'aqa' chik winaqi'; jak'a ri wineq ri kan itzel ruk'aslen, xaxe k'a nuch'ob achike rubanik nuben richin yeruq'ol ri winaqi'.

Wuj Richin Etamabel-Tzij 17:14

Kan achi'el jun raqen-ya' ri nijaqatej-el, keri' ri oyowal ri nitz'ukutej-el; más utz yatanimej-el chuwech ri oyowal ri' y mani naju-awi' chupan.

Wuj Richin ri Molojri'il 10:16

Kan tijoyowaj k'a kiwech ri winaqi', ri kan k'a ak'ual na ri niq'aton-tzij pa kiwi', y ri tata'al ri yesamej rik'in, xa kan ja yan ri nimaq'a' nikichapala' yenimaq'ijun.

Wuj Richin ri Molojri'il 2:19

Y kan man wetaman ta k'a, wi ri achin ri xtuben-qa richin chire ronojel ri nusamaj ri xinben rik'in janila ruk'ayewal chuwech re ruwach'ulew, k'o runa'oj ó xa maneq. Ronojel re' kan q'axel chuqa'.

Wuj Richin ri Molojri'il 7:8

Más kikoten nak'is rubanik jun samaj, ke chuwech k'ari' natikeriba-el, más utz ri wineq ri ch'uch'uj ránima, ke chuwech nim nuna' roma nuch'ob chi k'o runa'oj.

Dn 6:7

Roj ri oj aj-raqen, ri yojq'aton-tzij, y ri pixabanela' qamolon k'a pe qi' richin noqaya' chawech re jun pixa' re xqach'ob roj chi k'atzinel chi niban. Re pixa' re' nubij k'a chi chupan re jun ik' re' man jun wineq ri nixuke' richin nuya' ruq'ij jun chik dios, o jun chik wineq ri man ja ta rat. Y ri wineq ri man xtiniman ta chire re pixa' re', kan xtik'aq k'a chupan ri jul ri akuchi ek'o-wi ri koj.

Santiago 3:14

Jak'a wi rix xa itzel nina' chire jun chik roma rija' utz k'o, y chuqa' niwajo' chi kan xaxe ta rix ri k'o utz nik'en kan chire ronojel, wi xa keri' niben, man k'a tibij chi k'o k'iy etamabel iwik'in, roma xa nitz'uk ri nibij.

Apocalipsis 9:10

Ri kijey achi'el ri kichin ri alacrán, y chutza'n k'o ri kich'utal. Y rik'in ri kich'utal ri' yetikir k'a yekiya' pa q'axomal ri winaqi', wo'o' ik'.

Apocalipsis 9:3

Y chupan ri sib xebek'ulun k'a pe sak' y xkitaluj-ki' chuwech ri ruwach'ulew. Y xya'ox k'a uchuq'a' chike chi yeti'on achi'el alacrán.

Apocalipsis 9:5

Jak'a man richin ta chi yekikamisaj ri winaqi' ri', xaxe richin chi yekiya' pa q'axomal wo'o' ik'. Y ri rukiy kan achi'el toq yaruti' jun alacrán.