2 Crón 10:10 - Kaqchiquel Bible

¹⁰ Y ri alaboni' ri junan xek'iy rik'in xkibij chire: Kere' tabij-el chike ri winaqi' ri xech'on awik'in: Rix k'ayew xina' roma ri xuben ri nata' iwik'in y re' xa man jun ok. Tiwoyobej juba' y xtiwetamaj ri in achike yin.

2 Crón 10:10 ပူးပေါင်းရင်းမြစ်များ

Wuj Richin Etamabel-Tzij 29:23

Ri wineq ri nunimirisaj-ri', jari' ri xtibanon chire chi nibe pa xulan, jak'a ri wineq ri xa maneq ok ruq'ij nuna' ri pa ránima, jari' ri xtibanon chire chi xtinimirisex ruq'ij.

Wuj Richin Etamabel-Tzij 28:25

Ri wineq ri kan janila rayinik k'o rik'in richin nich'akon, xa jun yakol oyowal; jak'a ri wineq ri kan nukuquba' ruk'u'x rik'in ri Jehová, ronojel utz nel chuwech y nibe pa jotol.

Wuj Richin Etamabel-Tzij 21:30

Ri na'oj, ri etamabel y ronojel ri pixa' ri xa richin ok ri wineq, xa kan e man jun ok chuwech ri Jehová.

Wuj Richin Etamabel-Tzij 14:16

Ri wineq ri k'o na'oj rik'in, kan nuxibij-ri' chuwech ri Dios y man nutzeqelibej ta ri itzel bey; jak'a ri xa maneq runa'oj xa choj beneq y nim nuna-ri'.

Wuj Richin Etamabel-Tzij 13:16

Xabachike achin ri kan nowineq, kan jebel nuch'ob ri nuben; jak'a ri wineq ri maneq runa'oj, kan nuq'alajirisaj ri rubanik.

Wuj Richin Etamabel-Tzij 10:14

Ri winaqi' ri kan k'o kina'oj, kan nikiyek k'a jebel ri etamabel. Jak'a ri xa maneq na'oj kik'in, ri kich'abel kan chi'anin yekibanala' ch'a'oj.

2 Crón 10:9

Y xuk'utuj chike: ¿Achike ta na'oj niya' chuwe, richin ta ninbij-el chike ri winaqi' ri xkik'utuj utzil chuwe chi tinqasaj juba' ruwi' ri samaj ri xuya' kan pa kiwi' ri nata'?, xcha'.

2 Crón 10:11

Ri nata' xuya' al ejqa'n chiwij, jak'a yin kan xtinben chi janila ralal ri ejqa'n ri'. Rija' xixruch'ey rik'in tz'um, jak'a yin xkixinch'ey rik'in tz'um ri k'o k'ix ch'ich' chutza'n, keri' tabij-el chike, xecha' chire.

1 Rey 12:1

Chirij ri rukamik ri Salomón, ri Roboam xbe k'a pa tinamit Siquem roma konojel winaqi' richin Israel xebe chiri' richin nikiben ki-rey chire rija'.

Wuj Richin Etamabel-Tzij 19:27

Walk'ual alaboni', kan man kixtane' chi rak'axaxik ronojel ri tijonik, roma ri q'ij toq xkixtane' chi rak'axaxik, chuqa' xa xtimestaj ri iwetaman.