2 Crón 1:3 - Kaqchiquel Bible

³ K'ari' ri Salomón y konojel re winaqi' re' xebe k'a pa Gabaón, ri chiri' pa ruwi' jun juyu' ri akuchi nikiya-wi ruq'ij ri Dios, roma chiri' k'o-wi ri rachoch ri Dios richin molojri'il ri banon rik'in tzieq ri rubanon kan ri Moisés, ri rusamajel ri Jehová pa tz'iran ruwach'ulew.

2 Crón 1:3 ပူးပေါင်းရင်းမြစ်များ

1 Crón 21:29

Jak'a ri porobel richin yesuj chikopi' y ri rachoch ri Jehová ri xuben kan ri Moisés pa tz'iran ruwach'ulew; re' ye'ilitej-q'anej pa tinamit Gabaón.

1 Crón 16:39

Y ri sacerdote Sadoc y ri e rachibil xeruya' kan richin yesamej chuwech ri rachoch ri Jehová ri banon rik'in tzieq, y re' xbanatej pa tinamit Gabaón ri k'o-el chuwi' taq juyu'.

Deut 34:5

Y keri' ri Moisés, ri rusamajel ri Jehová, xken pa ruwach'ulew Moab, kan achi'el rubin ri Jehová chire.

Wuj Richin ri Chojmirisabelri'il 1:1

Ri Jehová xroyoj-pe ri Moisés k'a chiri' pa rachoch, y xuya' ri ruchojmilal chire richin chi achike rubanik ri jalajoj ruwech sipanik o kamelabel ri yesuj chire rija', y xubij chi

Ex 40:34

Y toq xk'achoj ronojel re', jari' toq ri sutz' xumatzej rij ri rachoch ri Dios y ri ruk'ojlemal ri Dios kan xunojisaj ri rachoch.

Ex 40:2

Chupan ri nabey q'ij chire ri nabey ik' chire ri juna', jari' toq xtapaba-q'anej ri wachoch richin molojri'il.

Ex 36:8

Konojel k'a ri más ketamabal chikiwech ri ch'aqa' chik achi'a', ri e cha'on richin ri samaj, jari' ri xebanon ri rachoch ri Dios. Xban k'a rik'in lajuj peraj tzieq kemon, ri banon rik'in lino batz'in y ri betz' raxroj, q'eqq'oj-keq y keq y chuwech re' xban kiwachibel querubín y jak'a ri aj-kem ri más ketaman ri xebanon.

1 Rey 8:4

y xkik'uaj k'a q'anej, y ri ch'aqa' chik sacerdote ri e levita ri xe'uk'uan y xkik'uaj-el chuqa' ri rachoch ri Dios ri banon rik'in tzieq y ronojel ri samajibel ri kan ek'o kan chiri'.

2 Crón 1:13

Toq ri Salomón xuya' yan ruq'ij ri Jehová chiri' pa ruwi' juyu' richin Gabaón, xtzolin k'a pa Jerusalem richin xberuq'ata-tzij pa ruwi' ri tinamit Israel.

Wuj Richin ri Josúe 9:3

Jak'a ri winaqi' ri ek'o pa tinamit Gabaón, toq xkak'axaj ri xkiben ri Josué y ri achi'a' chike ri aj-Jericó y ri aj-Ai,