2 Crón 1:15 - Kaqchiquel Bible

¹⁵ Chuqa' kan xumol ruchi' saqipueq y q'anapueq pa ruk'iyal chiri' pa Jerusalem, y kan achi'el chik k'a ri abej rubanon, y chuqa' janila xetamex ruwech ri tiox-che' kan achi'el etaman ruwech ri ruche'el wíkix ri k'o chuwa-taq'aj.

2 Crón 1:15 ပူးပေါင်းရင်းမြစ်များ

2 Crón 9:27

Ri rey xuben chi chiri' pa tinamit Jerusalem ri saqipueq kan pa ruk'iyal ri xk'oje', y kan achi'el chik k'a ri abej rubanon, y chuqa' janila xetamex ruwech ri tiox-che' kan achi'el etaman ruwech ri ruche'el wíkix ri k'o chuwa-taq'aj.

Am 7:14

Jari' toq xinbij chire ri Amasías: Yin man in jun ta q'alajirisey ruch'abel ri Dios, ri ninben ta richin ninch'ek nu-méro. Rubanon kan xa in yuq'unel, y yenwux wíkix ri ek'o pa k'echelaj.

Wuj Richin ri Isaías 60:17

Pa ruk'exel ri q'enq'oj-pueq, xtinya' q'anapueq chiwe, pa ruk'exel ri q'eqapueq, ja ri saqipueq, pa ruk'exel ri che', ja ri q'enq'oj-pueq, y pa ruk'exel ri abej, ja ri q'eqapueq. Y ronojel re' xtinben, roma xtik'oje' uxlanibel-k'u'x iwik'in, y ja ri ruchojmilal ri xtuk'uan iwichin.

Wuj Richin ri Isaías 9:10

Ri qachoch ri e banon rik'in ladrillo xa xewulex, jak'a re wakami roj xtiqapaba' chik jun bey rik'in abej ri kan e chojmirisan chik. Kan xechoy k'a el ri wíkix, jak'a re wakami roj xtiqatik-qa tiox-che' pa ruk'exel, yecha'.

2 Crón 1:12

roma ri' kan xtinya' k'a awetamabal y ana'oj. Chuqa' kan xtinya' abeyomel y ak'ojlemal. Kan man jun chik k'a xtiq'aton-tzij achi'el xtaben rat chikikojol ri ch'aqa' chik rey ri xe'el yan el, y ri xke'ok kan chawij rat, xcha' chire.

San Lucas 19:4

Roma ri' rija' junanin xnabeyej-el y xbejote' pa ruwi' jun che',*f29* richin keri' nutz'et-el ri Jesús, roma keri' k'o chi niq'ax-wi-el.

Deut 17:17

Chuqa' man tik'oje' k'iy rixjayil richin man tisach kan ruk'u'x y numestaj kan ri Jehová y chuqa' man tik'oje' pa ruk'iyal q'anapueq y saqipueq rik'in.

1 Crón 27:28

Ri Baal-hanán aj-Guederá, ja rija' ri nisamej kik'in ri che' olivo y kik'in ri che' wíkix ri ek'o chuwa taq juyu' pa qajbel-q'ij chire ri Israel. Y ri Joás, ja rija' ri nisamej rik'in ri yakonabel richin aceite richin olivo.